KHABAT media - درێژەی مانگرتنی بازاریان لە بانە و دەستپێكی مانگرتن لە سەقز


درێژەی مانگرتنی بازاریان لە بانە و دەستپێكی مانگرتن لە سەقز
تاریخ : Saturday, April 28 @ 10:39:04 UTC
بابه‌ت : کوردستانی


خەباتمێدیا: مانگرتنی گشتی بازاریان شاری بانە چووە 14هەمین رۆژ و مانگرتن لە شاری سەقزیش دەستی پێ كرد.
بەپێی هەواڵەكان، رۆژی شەممە 8ی بانەمەڕی 1397 مانگرتنی گشتی لە شاری بانە درێژەی هەیە و پێی نایە 14هەمین رۆژی خۆی و شاری سەقزیش بەو مانگرتنە پەیوەست بوو.


ئەم مانگرتنە رۆژی 26ی خاكەلێوە لەنارەزایەتی بە بەستنی سنوورەكان لەگەڵ هەرێمی كوردستان و زیادكردنی نرخی گومركی كاڵاكان دەستی پێكرد، مانگرتووان پێداگری لەسەر كردنەوەی سنوورەكان و كەمكردنەوەی نرخی گومرك دەكەنەوە و دەڵێن هەتا هاتنەدیی ویستەكانیان دەست لە مانگرتن هەڵناگرن.
شارەكانی جوانرۆ، مەریوان، مەهاباد، پیرانشاریش ماوەی چەند رۆژێك دەنگی خۆیان خستە پاڵ دەنگی كاسبكاران و بازاریانی شاری بانە و مانگرتنی گشتیان بەرێوەبرد.






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9963