KHABAT media - به‌ڕێوه‌چوونی خۆپیشاندانی جه‌ماوه‌ری بۆ پشتیوانی له‌ جه‌ماوه‌ری ڕاپه‌ڕیووی ئێران


به‌ڕێوه‌چوونی خۆپیشاندانی جه‌ماوه‌ری بۆ پشتیوانی له‌ جه‌ماوه‌ری ڕاپه‌ڕیووی ئێران
تاریخ : Sunday, February 11 @ 16:31:03 UTC
بابه‌ت : کاروتێکۆشان


خەباتمێدیا:بۆ ڕێزگرتن له‌ یاده‌وه‌ری٢٢ی ڕێبه‌ندان  ٣٩هه‌مین ساڵیادی ڕاپه‌ڕینی گه‌لانی ئێران به‌سه‌ر ڕووخانی رژیمی پاشایه‌تی له‌ئێران و پشتیوانی به‌رده‌وامی خه‌ڵکی ئازادیخواز و ڕاپه‌ڕیوو له ئێران دژ به‌ رژیمی ویلایه‌تی فه‌قیه‌، رۆژی شه‌ممه، رێكەوتی‌  ١٠/٢/٢٠١٨ خۆپیشاندانێکی به‌رین له‌ پایته‌ختی ووڵاتی سوئَید له‌لایه‌ن ئێرانیانی ئازادیخواز و ئه‌ندامانی سازمانی خه‌بات و لایه‌نگرانی هێزه‌ دژبه‌ره‌کانی ڕژیمی ئاخوندی، شوڕای میللی مقاومه‌ت به‌ڕێوه‌چوو. له‌و خۆپیشاندانه‌دا ئه‌ندامانی کومیته‌ی سوئَیدی سازمانی خه‌بات به‌ژداری چالاکانه‌یان هه‌بوو. 



خۆپیشانده‌ران له‌ ناوه‌ندی  (Norrmalmstorg, Stockholm) داوایان له‌ حکومه‌ت و ده‌سه‌ڵاتدارانی سوئَید کرد که‌ به‌رامبه‌ر زوڵم و جینایه‌ته‌کانی رژیمی ئاخوندی بێده‌نگ نه‌بن و هه‌وڵی زیاتر بده‌ن تا ده‌نگی ئازادیخواز و ڕاپه‌ڕیوی جه‌ماوه‌ری ئێران سه‌رکوت نه‌کرێ . خۆپیشانده‌ران پشتیوانیان له‌ بڕیاری وه‌زیری ده‌ره‌وه‌ی سوئَید کرد بۆ بانهێشتکردنی سه‌فاره‌تی رژیم بۆ لێپرسینه‌وه‌ له‌ هه‌مبه‌ر بڕیاری له‌سێداره‌دانی زانای ئێرانی دکتۆر جه‌لالی ئه‌حمه‌دزاده‌. پاش خوێندنه‌وه‌ی چه‌ندین بابه‌ت و ووتار له‌لایه‌ن سیاسه‌تمه‌دارانی بیانی و سوئَیدیه‌وه،‌ به‌ ووتنه‌وه‌ی چه‌ندین دروشمی دژ به‌ رژیمی ئاخوندی  له‌لایه‌ن خۆپیشانده‌رانه‌وه‌ به‌ نامه‌یه‌کی ئاواڵا داوا له‌ حکومه‌ت و ناوه‌نده‌کانی بڕیاری سوئَید کرا، که‌ پشتیوانی به‌رده‌وامی خه‌ڵكی ئازادیخوازی ئێران بن و له‌ هه‌مبه‌ر تاوان و جینایه‌ته‌کانی رژیمی ئاخوندی دا بێده‌نگ نه‌بن.






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9634