KHABAT media - پشتیوانی چین و توێژەكانی ئێران لە راپەرین


پشتیوانی چین و توێژەكانی ئێران لە راپەرین
تاریخ : Friday, January 12 @ 16:04:54 UTC
بابه‌ت : هه‌واڵه‌کان


خەباتمێدیا: بەپێی راپۆرتەكان، لە دوای سەرهەڵدانی راپەرین و نارەزایەتی لە شارەكانی ئێران دژ بە رژیمی فاسد و جینایەتكاری ئاخوندی و بەردەوامی ئەو نارەزایەتیانە لە شارە جیاجیاكان، چین و توێژەكانی خەڵك پشتیوانی خۆیان لە نارەزایەتیەكان دەربریوە.
خوێندكارانی زانستگای ئیسفەهان لە راگەیەندراوێكدا پشتیوانی خۆیان بۆ نارەزایەتیە جەماوەریەكان دەربریوە،


 لەو راگەیەندراوەدا هاتووە: ئێستا كە 38 ساڵ بەسەر ئەو دەسەڵاتە گەندەڵ و جینایەتكارە دەگوزەرێ سەبری جەماوەری رەنج دیتوو و برسی تەواو بووە. بۆیه داوا لە چین و تووێژەكانی خەڵك دەكەن یەك دەنگ بانگی عەداڵەتخوازی و نارەزایەتی بە گوێی دەسەڵاتدارانی گەندەڵ بگەیەنین و بۆ وەدەست هێنانی مافە پێخوستكراوەكانمان تێبكۆشین.
كرێكارانی شیركەتی تراورسی زاگرۆسیش لە راگەیەندراوێكدا رایانگەیاندووە كە ئێمە كرێكارانی سیركەتی تراورس پشتیوانی خۆمان لە خەڵك بۆ وەدەست هێنانی مافە سەرەتاییەكانی خۆیان رادەگەیەنین. ئێمە هەروەها بەردەوام دەبین لە نارەزایەتی و مانگرتنی خۆمان و داوا لە تێكرای كرێكاران دەكەین لەوە زیاتر مل نەدەن بە زوڵم بچنە ریزی راپەرینەوە.
ژمارەیەك لە پارێزەرانی مەشهەدیش لە راگەیەندراوێكدا پشتیوانی خۆیان لە راپەرینی خەڵك راگەیاندووە و دەڵێن: ئێستا كە لە هەلومەرجێكی هەستیارداین و خەڵكی بەشەرەف و ئازای وەڵات دژ بە حكومەتی ئیستبداد و خوێنخۆر كە 40 ساڵ جوێ لە ستەم و سەركوت هیچ دەستكەوتێكی بۆ خەڵك نەبووە راپەریون و لەگەڵ بوونی فەزای سەربازی و ئەمنیەتی دلێرانە هاوار دەكەن و خۆراگری دەكەن و داوای مافەكانی خۆیان دەكەن. ئێمەش لە راستای وەدی هاتنی مافە بنچینەییەكانی خەڵكی وەڵاتەكەمان پشتیوانیان لێ دەكەین.
پێشتریش چین و توێژەكان لە شارە جۆراوجۆرەكانی ئێران پشتیوانی خۆیان بۆ راپەرینی جەماوەری دژ بە دەسەڵاتی ئاخوندی راگەیاندبوو و خوازیاری بەردەوامی دان بەو راپەرینە هەتا گەیشتن بە مافەكان بوون.







سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9509