KHABAT media - راپەرینی جەماوەری درێژەی هەیە و مانگرتنی زێر فرۆشان دەستی پێ كرد


راپەرینی جەماوەری درێژەی هەیە و مانگرتنی زێر فرۆشان دەستی پێ كرد
تاریخ : Monday, January 08 @ 15:58:40 UTC
بابه‌ت : هه‌واڵه‌کان


خەباتمێدیا: بەپێی راپۆرتەكان، سەرەرای فیلتەركردن تۆرەكۆمەڵایەتیەكان و راگرتنی بەرنامەكانی ناردنی نامە و راگرتنی ئینتەرنێت لە ئێران، نارەزایەتی جەماوەری بێزار لە دیكتاتۆر و گەندەڵی، رۆژی یەكشەممە 17ی بەرانبار 1396درێژەیان بە راپەرینی خۆیان داوە.
راپەرین لە شارەكانی ئەهواز، كەرەج، ئیسفەهان، كاشان، مەسجد سلێمان، یزد، كرمان، قەزوین، كازەروون، مەشهەد، دیزفول، تاران، بەندەر عەباس، بووشەهر، شاری كورد، توسركان، ئەراك، ورمێ، ئابادان، ئیلام، تەورێز و دەیان شاری دیكە نارەزایەتی بەرینیان بەرێوە بردووە.



بەپێی هەواڵەكان، رژیم بەرنامەی نوێی بۆ سەركوتی زیاتری جەماوەری شارەكانی ئێران بەناوی گەشتی محەلە مێحوەر داناوەو تا ئێستا سەدان كەسی بە تۆمەتی بەشداری لە نارەزایەتیەكان دەست بەڵام هیچ هەوڵێكی رژیم نەیتوانیوە نارەزایەتیەكان كپ بكات و خەڵكی نارازی شەوان دەرژێنە شەقامەكان و دروشم دڵێنەوە.
هەر بەپێی راپۆرتەكان، زێر فرۆشەكانی تاران، تەورێز و مەشهەد دوكانەكانیان داخستووەو مانیان گرتووە. 
ئەوە لە كاتێكدایە كە لە وەڵاتانی ئوروپایی و ئەمریكا ئێرانیانی نیشتەجێی ئەو وەلاتانە رۆژانە بۆ پشتگیری جەماوەری راپەریوی ئێران بەردەم سەفارەتەكانی رژیم دەگرن و دروشمەكانی جەماوەری بێزار لە ستەمی ئاخوندی دەڵێنەوە.






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9496