KHABAT media - تەزاهوراتی خەڵكی نارازی ئێران و كوردستان بەردەوامە


تەزاهوراتی خەڵكی نارازی ئێران و كوردستان بەردەوامە
تاریخ : Thursday, January 04 @ 15:55:20 UTC
بابه‌ت : هه‌واڵه‌کان


خەباتمێدیا: له رۆژانی چوارشەممە و پێنج شەممە 13 و 14ی بەفرانباری 1396  لە زۆربەی شارە گەورە و بچوكەكانی ئێران تەزاهوراتی دژی حكوومەتی بەردەوام بوو. شارەكانی تاران ، ئەهواز،  شیرئابادی زاهیدان، بەندەر عەبباس، دزفول، مەلایر، ساوە ، خورەم ئاباد ،ئیسفەهان و توربەتی حەیدەرییە و لە كوردستانیش لە شارەكانی كرماشان و سنە و  ئیلام و سەقز خۆپیشاندان دژی حكوومەت بەرێوە چوو. 
سەرەرای میلیتاریزە كردنی شاركانی ئێران و بلاوبوونەوەی هێزە سەركووتگەرەكانی رژیمی ئاخوندی خەڵكی نارازی لە شەقامەكان دروشمی دژی حكوومەتی و مردن بو دیكتاتۆریان بەرز كردەوە .



جێگەی باسە ژمارەێكی بەرچاوی خەڵك لە لایەن هێزە داپلۆسێنەرەكان دەستبەسەر كراون و راپێچی گرتووخانەكان كراون. 
راپۆرتەكان باس لەوە دەكەن كە رژیم بەردەوام لە هەوڵی زیادكردنی هێزە سەركووتگەرەكانیەتی و تەنانەت هێزە خانەنشین كراوەكانیشی بەكاردێنێ‌ و ترسێكی یەكجار زۆریان لێ نیشتووە. هاوكات خەڵك پارەكانیان لە بانكەكان دەردەكێشنە دەرەوە و هەروەها نرخی دۆلاریش بەردەوام لە هەڵكشاندایە. 









سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9484