KHABAT media - پەیامی پیرۆزبایی بەرێز سكرتێری گشتی سازمان بەبۆنەی یادی لەدایكبوونی پێغەمبەری ئیسلام


پەیامی پیرۆزبایی بەرێز سكرتێری گشتی سازمان بەبۆنەی یادی لەدایكبوونی پێغەمبەری ئیسلام
تاریخ : Thursday, November 30 @ 13:51:14 UTC
بابه‌ت : به‌ڵگه‌نامه‌کان


خەباتمێدیا: بەبۆنەی هاتنی جەژنی لە دایكبوونی حەزرەتی محەمەد پێغەمبەری موسڵمانان كاك بابەشێخی حوسێنی سكرتێری گشتی سازمانی خەبات پەیامێكی پیرۆزبایی بڵاوكردوەتەوە و تیایدا پیرۆزبایی لە موسڵمانانی جیهان و بەتایبەت موسڵمانانی ئێران و كوردستان دەكات.

دەقى پەیامی پیرۆزبایی كاك بابەشێخ حوسێنی:
پیرۆز بێ یادی له‌دایكبوونی پێغه‌مبه‌ری ئیسلام حه‌زره‌تی  موحه‌ممه‌د (دخ)
له‌ یادی له‌دایكبوونی پێشه‌وای مه‌زنی ئیسلام  حه‌زره‌تی موحه‌ممه‌د درودی خودای لێ بێ، پیرۆزبایی گه‌رم پێشكه‌ش به‌ مرۆڤایه‌تی، موسلمانانی كوردستان، ئێران و تێكرای موسلمانانی جیهان ده‌كه‌م.
هومێدەوارم له‌ یادی ئه‌و پیغه‌ممه‌ره‌ مه‌زن و دلۆڤانه‌دا گه‌لی سته‌ملێكراوی كورد و خه‌ڵكی ئێران و گه‌لانی ناوچه‌كه‌و جیهان له‌ سته‌م و بێدادی رزگاریان بێ و بەڵای حكومه‌تی دیكتاتۆری ئاخوندانی دین فرۆش و ئاژوه‌گێر، له‌ سه‌ریان نه‌مێنێ و كۆتایی به‌ مه‌ینه‌ت و ئازاره‌كانی خه‌ڵكی زیان لێكه‌وتووی كورد له‌ شاری كرماشان و شاروناوچه‌كانی ده‌وروبه‌ری بێت.
به‌و ئاواته‌ی په‌یامی برایه‌تی و پێكه‌وه‌ ژیان بێته‌ بنه‌مای كۆمه‌لگه‌ی مرۆڤایه‌تی و رق و كینه‌و ره‌گه‌زپه‌ره‌ستی، خۆ فه‌رزكردن به‌ یه‌كجاری نه‌مێنێ و په‌یامی پیغمه‌ممه‌ری ئیسلام كه‌ ئاشتی و به‌رابه‌ریه‌ له‌ ئێران و ناوچه‌ی خۆرهه‌ڵاتی ناوه‌راست و جیهان په‌یره‌و بكرێ.
بابەشێخی حوسێنی
سكرتێری گشتی
سازمانی خەباتی كوردستانی ئێران
9ی خەزەڵوەری 1396






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9368