KHABAT media - سكرتێری گشتی به‌شداری له‌ پرسەی دایكە گوڵچین لە وەڵاتی نۆروێژ كرد


سكرتێری گشتی به‌شداری له‌ پرسەی دایكە گوڵچین لە وەڵاتی نۆروێژ كرد
تاریخ : Monday, November 20 @ 13:30:47 UTC
بابه‌ت : کاروتێکۆشان


خەباتمێدیا: رۆژی یەكشەممە 19ی نوامبری 2017 لە شاری "گران" لە وەڵاتی نۆروێژ كۆری پرسەو سەرەخۆشی بەبۆنەی كۆچی دوایی دایكە گوڵچین دایكی هاوڕێ عەبدوڵا قادری ئەندامی سەركردایەتی پێشووی سازمانی خەبات و بەرپرسی كۆمیتەی نۆروێژ بە ئامادە بوونی كاك بابەشێخی حوسێنی سكرتێری گشتی سازمانی خەبات و ژمارەیەك لە ئەندامانی كۆمیتە و دۆستان و ناسیاوان، بەرێوەچوو.

لە بەشێكی كۆرەكەدا بەرێز سكرتێری گشتی چەند پەیڤێكی لەسەر دڵسۆزیەكانی پورە گوڵچین پێشكەش بە ئامادەبووان كرد و سه‌ره‌خۆشی به‌ كاك عه‌بدولا و خانه‌واده‌ی  به‌رێزیان راگه‌یاند و سپاسی ئامادەبووانی كرد كە له‌ خەمی لەدەست چوونی ئەو دایكە دڵسۆز و نیشتمانپەروەرەدا هاوبه‌شیان كرد.
لە بەشێكی دیكەی وتەكانیدا، كاك بابەشێخ دا ئیشارەی بە دۆخی خه‌ڵكی كورد له‌ شارو ناوچه‌كانی كوردستان لە كرماشان كه‌ گەورە و بچووك و پیر و لاو و ژن و پیاوی شاره‌كانی دیكه‌ی كوردستان بە حەماسەتە بەدەم زیان لێكەوتوانه‌وه‌ چوون و كۆمەك و هاوكاریان بۆ كۆكردنەوەو كه‌ ئه‌و هه‌ولانه‌ی جه‌ماوه‌ری‌ كوردستان كۆسپ و تەگەرەیان له‌ لایه‌ن ده‌سه‌لاتدارانی رژیم بۆ دروست كراوه‌. هەروەها بەرێزیان فەرمویان لە دێر زەمانەوە لە چواردەورەوە پیلان بۆ لەناوبردنی ئێمەی كورد داده‌نرێ‌ و هێرشمان دەكرێتە سەر و رژیمی ئاخوندی زوڵم و سته‌می بێ‌ به‌زییانه‌ له‌ به‌رانبه‌ر دانیشتوانی كوردستان په‌یره‌و ده‌كات بەڵام ئەوەی گەلەكەمانی بە زیندوویی راگرتووە بوونی دایكانی نیشتمانپەروەر و مقاومەتی گەلەكەمان و پیشمه‌رگه‌ نه‌به‌زه‌كانه‌.
شایانی باسە رۆژی شەممە 18ی نوامبری 2017 دایكە گوڵچین محەمەدی لە گوندی بڵەسەنی ناوچەی بانە كۆچی دوایی كرد.







سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9332