KHABAT media - پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان


پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان
تاریخ : Tuesday, October 03 @ 21:37:37 UTC
بابه‌ت : به‌ڵگه‌نامه‌کان


خەباتمێدیا: بەبۆنەی كۆچی دوایی مام جەلال تاڵەبانی سەركردەی دیاری نەتەوەی كورد و سەرۆك كۆماری پێشووی عێراق و سكرتێری گشتی یەكێتی نیشتمانی كوردستان، كاك بابەشێخی حوسێنی سكرتێری گشتی سازمانی خەباتی كوردستانی ئێران لە پەیامێك بۆ مەكتەبێ سیاسی ی ن ك و خانەوادەی بەرێزی تاڵەبانی وێرای پرسەو سەرەخۆشی و بەخەمەبوونی بۆ كۆچی دوایی مام جەلال، باس لە رۆڵ و پێگەی كەم وێنەی ئەو سەركردەیە دەكات.


بەرێز سكرتێری گشتی سازمانی خەبات لە بەشێك لە پەیامەكەیدا دەڵێ: مام جه‌لال ئه‌و سه‌ركرده‌ تیكۆشه‌ره‌ بوو كه‌ توانی له‌ هه‌لومه‌رجێكی زۆر حه‌سته‌می كۆمه‌لایه‌تی له‌ كوردستاندا زۆر بۆیرانه‌ به‌شداری به‌ هێزو توانای ئافره‌تان له‌ جوڵانه‌وه‌ی ئازادیخوازی كوردستاندا بكات و هه‌روه‌ها توانی ره‌وتی ره‌خنه‌ له‌ خۆگرتن و به‌ خۆدا  چوونه‌وه‌ بكاته‌  یه‌كێك له‌ پرنسیپه‌كانی شۆرشگێڕی له‌ كوردستاندا.
دەقێ پەیامی سەرەخۆشی كاك بابەشێخ حوسێنی سكرتێری گشتی سازمانی خەبات:
به‌رێز مه‌كته‌بی سیاسی یه‌كیتی نیشتمانی ی كوردستان !
به‌رێزان هیرۆ خانم و كاك پافێل و كاك قوباد تاڵه‌بانی!
بە بیستنی هەواڵی کۆچی دوایی بەرێز مام جەلال تاڵەبانی سەرکردەی مێژوویی کورد  و سکرتێری گشتی یەکێتی نیشتمانی کوردستان به‌ داخ و  په‌ژاره‌وه‌ سه‌ره‌خۆشی و هاوغه‌می خۆم و سه‌ركردایه‌تی سازمانی خه‌باتی كوردستان تان پی راده‌گه‌یێنم.
  له‌ ده‌ستدان و كۆچی دوایی ئه‌و سه‌ركرده‌ گه‌وره‌یه‌ی گه‌لی كورد ته‌نیا زیان نه‌بوو له‌ یه‌كێتی نیشتمانی كوردستان وخانه‌واده‌ی به‌رێزی، به‌ڵكوو زیان و خه‌ساره‌تی قه‌ره‌بوو نه‌كراوه‌ بوو له‌ خه‌ڵكی كوردو هه‌وره‌ها زه‌ربه‌تێكی قه‌ره‌بوو نه‌كراوه‌ بوو له‌ ره‌وتی دیموكراسیخوازی له‌ ناوچه‌‌ی خۆرهه‌لاتی ناوه‌راست.
مام جه‌لال ئه‌و سه‌ركرده‌ تیكۆشه‌ره‌ بوو كه‌ توانی له‌ هه‌لومه‌رجێكی زۆر حه‌سته‌می كۆمه‌لایه‌تی له‌ كوردستاندا زۆر بۆیرانه‌ به‌شداری به‌ هێزو توانای ئافره‌تان له‌ جوڵانه‌وه‌ی ئازادیخوازی كوردستاندا بكات و هه‌روه‌ها توانی ره‌وتی ره‌خنه‌ له‌ خۆگرتن و به‌ خۆدا  چوونه‌وه‌ بكاته‌  یه‌كێك له‌ پرنسیپه‌كانی شۆرشگێڕی له‌ كوردستاندا.
 توانای كه‌م وێنه‌ی مام جه‌لال، له‌ به‌رده‌وام بوون له‌ شۆرشی مافخوازانه‌ و خه‌بات له‌ پێناو دیموكراسی و ئازادیدا كه‌م وێنه‌ن و زۆر زه‌حمه‌ته‌ له‌داهاتووشدا سه‌ركرده‌ی له‌و شێوەو‌ به‌و تایبه‌تمه‌ندیە ده‌گمه‌نانه‌وه‌ دروست بێتەوە. ئه‌و تیكۆشه‌ره‌ كه‌م وێنه‌ هه‌ر له‌ ته‌مه‌نی لاوێتیه‌وه‌ هاته‌ مه‌یدانی جوڵانه‌وه‌ی شۆرشگێڕی و به‌ دامه‌زراندنی یه‌كێتی نیشتمانی كوردستان شێوه‌یه‌كی نوێی هێنایه‌ گۆره‌پانی شۆرشی مافخوازنەی ره‌وای گه‌لی كوردو میژوویێكی پرشنگداری بۆ گه‌لی كورد نووسیه‌وه‌و بووه‌ سه‌رمه‌شق و رێ‌ نیشانده‌رو رێبه‌رێكی كاریزمای نه‌ته‌وه‌یی، كه‌ له‌ میژووی گه‌لی كوردو میژووی مرۆڤایه‌تی بۆ هه‌تا هه‌تایه‌ ناو و رێبازی نیشتمانپه‌روه‌ری و ئازادیخوازی به‌رده‌وام ده‌بێ‌.
بێگومان  سەرکردایەتی یەکێتی نیشتمانی کوردستان وەك هەمیشە لە پێناو یەکێتی و یەکریزی ماڵی کوردو خه‌بات دژی ده‌سه‌ڵاته‌ سه‌ره‌رۆكان و لە پێناو وەدی هێنانی ئاوات و ئامانجە بەرزەکانی بەرێزیاندا  زیاتر له‌ رابردوو تیده‌كۆشن.
له‌ گه‌ل پرسه‌و سه‌ره‌خۆشی و  ماته‌م و په‌ژاره‌ی به‌رده‌وامم
سازمانی خه‌بات ی كوردستانی ئیران
سكرتیری گشتی 
بابه‌شیخ حوسه‌ینی







سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9161