KHABAT media - پەیامی كاك بابەشێخی حوسێنی بۆ خەڵكی كوردستان


پەیامی كاك بابەشێخی حوسێنی بۆ خەڵكی كوردستان
تاریخ : Tuesday, September 05 @ 10:30:09 UTC
بابه‌ت : به‌ڵگه‌نامه‌کان


هاونیشتمانیانی تێكۆشه‌ری كوردستان!
هۆگرانی ئازادی!
له‌ ئیستادا خه‌ڵكی شاری بانه‌ بەرەورووی هێزه‌ سه‌ركوتگه‌ره‌كانی رژیمی ئاخوندی وێستاونه‌وه‌و به‌ پێ‌ هه‌واڵی گه‌یشتوو زیاتر له‌ 3 كه‌س له‌ هاونیشتمان بریندار بوون و بەرەورووبوونەوە له‌ چه‌ندین خیابان و شه‌قامی شاری بانه‌ به‌رده‌وامه‌.


داوا له‌ خه‌ڵكی تێكرای شاره‌كانی كوردستان ده‌كه‌م به‌ هاواكاری و هانای خه‌ڵكی بوێری شاری بانه‌وه‌ بچن و له‌ روبه‌روبوونه‌وه‌ له‌ به‌رانبه‌ر هێزه‌ سه‌ركوتگه‌ره‌كان پشتیوانیان بن.
به‌ پێی ئه‌و هه‌والانه‌ی گه‌یشتوون له‌ چه‌ند سه‌عاتی رابردوودا خه‌ڵكی تێكۆشه‌ری سه‌رده‌شت، پیرانشار، مه‌ریوان و سه‌قز پشتیوانی خۆیان له‌ خه‌ڵكی بانه‌ ده‌ربریوه‌و تا دێت پشتیوانی خه‌ڵكی شاره‌كانی دیكه‌ی كوردستان له‌ قاره‌مانی و خۆراگری هاونیشتمانیان له‌ شاری بانه‌ زیاتر په‌ره‌ده‌ستێنی.
سازمانی خه‌بات ی كوردستانی ئێران له‌ گه‌ل ناردنی درود بۆ خه‌ڵكی تێكۆشه‌ری شاری بانه‌، خراگریان له‌ به‌رانبه‌ر سته‌م و بێدادی حكومه‌تی دژی ئینسانی ئاخوندی به‌ سه‌ره‌تایه‌كی گرینگ له‌ خه‌بات و كۆلنه‌دانی گه‌لی كورد له‌ شۆرشی مافخوازانه‌و ره‌وا ده‌زانێ.
ئه‌و خۆراگریه‌ قاره‌مانانه‌یه‌ له‌ شاری بانه‌و شاره‌كانی دیكه‌ی كوردستان نیشانیدا كه‌ گه‌لی ئازادیخوازی كورد له‌ كوردستانی ئیران سووره‌ له‌ سه‌ر روبه‌روبوونه‌وه‌ی سته‌م و بێدادی حكومه‌تی ئاخوندی و تا گه‌یشتن به‌ ئازادی و روخانی ئه‌و ده‌سه‌لاته‌ سته‌مگه‌ره‌ له‌ خه‌بات و كۆڵنه‌دان ده‌ست هه‌ڵناگرێ‌.
سازمانی خه‌بات ی كوردستانی ئیران
سكرتیری گشتی
بابه‌شیخ حسینی
5 .9 .2017







سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9075