KHABAT media - پەیامی پیرۆزبایی كاك بابەشێخی حوسێنی بەبۆنەی جەژنی پیرۆزی قوربانەوە


پەیامی پیرۆزبایی كاك بابەشێخی حوسێنی بەبۆنەی جەژنی پیرۆزی قوربانەوە
تاریخ : Thursday, August 31 @ 15:29:22 UTC
بابه‌ت : به‌ڵگه‌نامه‌کان


خەباتمێدیا: كاك بابەشێخی حوسێنی سكرتێری گشتی سازمانی خەباتی كوردستانی ئێران بەبۆنەی جەژنی پیرۆزی قوربان پەیامێكی پیرۆزبایی بڵاو كردوەتەوە و تیایدا پیرۆزبایی ئەم جەژنە لە موسڵمانانی كوردستان دەكات.
لە پەیامی بەرێز سكرتێری گشتی سازماندا هاتووە: هیوادارم ئەم جێژنە بێتە مایەی تەبایی و یەكیەتی نێو ریزی جوڵانەوەی مافخوازانەی كوردستان و هەروەها هەرچی زیاتر گەرم داهاتنی خەباتی خەڵكی ئێران.


لەبەشێكی دیكەی پەیامەكەی كاك بابەشێخدا هاتووە: لە ئێستادا لە زۆربەی وەڵاتانی جیهان و لەلایەن هۆگرانی ئازادیی و خەباتكارانی دژ بە رژیمی ئاخوندی و مقاومەتی مەشروعی ئێران هەوڵ و كاری جیددی لە ئارادایە بۆ ئەوەی پەروەندەی جینایەتكاران و بەرپرسانی رژیمی ئێران كە لە ساڵی 1367ی كۆچی خۆری بەرپرس و هۆكاری شەهیدكرانی زیاتر لە 30 هەزار زیندانی بێ تاوان، بە ناوەندە جیهانیەكانی پشتیوانی مافی مرۆڤ بناسێدرێنو هەروەها پەروەندەی جینایەتەكانیان بكەوێتە كار. هەر لەو بارەوە سكرتێری گشتی سازمان رایدەگەیەنێ كە سازمانی خەبات پشتیوانی تەواو بۆ ئەو چالاكانە دەردەبڕێ.
دەقی پەیامی پیرۆزبایی بەرێز سكرتێری گشتی سازمانی خەبات:
هاونیشتمانیانی موسڵمان له‌ كوردستان!
 موسڵمانانی به‌رێز! 
 به‌بۆنه‌ی هاتنی جێژنی قوربان جێژنی فیداو خۆ به‌خشین و خۆ به‌خت كردن له‌ پێناو ده‌ستوری خوداو بریاری ئاسمانی، پیرۆزبایی گه‌رم پێشكه‌ش به‌ هاونیشتمانیانی موسڵمان كوردستان بەتایبەتی و موسڵمانان له‌ ئێران و جیهان بەگشتی ده‌كه‌م.
هومێدوارم ئه‌م جێژنه‌ ببێته‌ هۆی ته‌بایی و یه‌كیەتی نێو ریزی جوڵانه‌وه‌ی مافخوازانه‌ی خه‌ڵكی كوردستان و هه‌روه‌ها هه‌رچی زیاتر گه‌رم داهاتنی خه‌باتی خه‌ڵكی ئێران دژ به‌ رژیمی سه‌ركوتگه‌ری ئاخوندی له‌ ئێران و ره‌وتی روخانی ئه‌و رژیمه‌ ملهوڕه‌ خێراتر بكات.
له‌ ئێستادا له‌ زۆربه‌ی وولاتانی جیهان و له‌ لایه‌ن هۆگرانی ئازادیی و خه‌باتكارانی دژ به‌ رژیمی ئاخوندی و مقاومه‌تی مه‌شروعی ئێران هه‌وڵ و كاری جیددی له‌ ئارادایه‌ بۆ ئه‌وه‌ی په‌روه‌نده‌ی جینایه‌تكاران و به‌رپرسانی رژیمی ئێران كه‌ له‌ ساڵی 1367 كۆچی خۆریبه‌رپرس و هۆكاری شه‌هید كرانی زیاتر لە 30000 هه‌زار زیندانی بێ تاوان  به‌ ناوه‌نده‌ جیهانیه‌كانی پشتیوانی مافی مرۆف بناسێندرێن و هه‌وه‌رها په‌روه‌نده‌ی جینایه‌ته‌كانیان بكه‌وێته‌ كار. ئه‌و هه‌وڵ و ماندوو بوونانه‌ جێگه‌ی پێ زانینه‌و سازمانی خه‌بات پشتیوانی ته‌واو بۆ ئه‌و چالاكی و تیكۆشانه‌ به‌ كه‌ڵكه‌ ده‌رده‌برێ.
به‌و هۆمێده‌ی گه‌لی سته‌ملێكراوی كورد به‌ ویست و مافه‌كانی بگات و رژیمی دژی ئینسانی به‌ خه‌باتی تێكرایی جه‌ماوه‌ریی و تێكۆشانی مقاومه‌تی سه‌رانسه‌ری بروخێ‌ و خه‌ڵكی ئێران به‌ ماف و ویسته‌كانیان بگه‌ن.
لەگەڵ پیرۆزبایی دووبارەم
سازمانی خەباتی كوردستانی ئێران
سكرتێری گشتی
بابەشێخی حوسێنی
8ی خەرمانانی 1396






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=9059