KHABAT media - ئیسحاق جەهانگیری جێگری یەكەمی رۆحانی: دەیان ملیارد دولار بەتاڵان براوە


ئیسحاق جەهانگیری جێگری یەكەمی رۆحانی: دەیان ملیارد دولار بەتاڵان براوە
تاریخ : Friday, March 03 @ 00:00:57 UTC
بابه‌ت : ڕامیاری


خەباتمێدیا: لەسەرودەمی شانۆی هەڵبژاردنی سەرۆك كۆماری رژێم، شەری دەسەڵات و دزی لە نێوان باندەكانی حكومەت پەرەی سەندووە و جێگری یەكەمی ئاخوند رۆحانیش دیان بە زۆری دزیە حكومەتیەكان و بەتاڵان بردنی دەیان ملیارد دولاردا دەنێ. 
هاوكات لەگەڵ پەرەسەندنی فشارە جیهانی و ناوچەییەكان 


بۆ سەر رژێم و هەروەها پەرەگرتنی كێشەی نێوان باندەكان لەسەر بەددەست گرتنی پۆستی سەرۆك كۆماری، قەیرانی ناوخۆیی رژێمیش بە لەقاودانی گەندەڵی یەكتری و بەتاڵان بردنی سەرمایەی خەڵكی ئێران، چوارچێوەیەكی تازەی بەخۆوە گرتووە.
سەیر ئەوەیە كە ئەو دیاپێدانانانە لەلایەن بەرزترین مۆرەكانی حكومەتی ئاخوندیەوە روو دەدا. 
بۆ وێ،ە ئیسحاق جەهانگیری جێگری یەكەمی رۆحانی دەڵێ: دەیان ملیارد دولار بەتاڵان براوە. ناوبراو سەرەتا بە ئیشارە بە حكومەتی پاسدار ئەحمەدی نژاد دەڵێ: سیستەمی بانكی لە حكومەتی پێشوودا ببوە دەخیلەی حكومەت و سەرۆك كۆمار. دوای ئەوە بە ئیشارە بە مەیدانی گازی پارسی جنووبی دەكا كە بەدەستی سەركردەكانی سپای پاسدارانەوەیە و دەڵێ: لەو پرۆژەدا لە وەجبەیەكدا چوار بەرپرسی پلەبەرز بریاریاندا ملیاردێك و 800 ملوێن دولار پووڵی ئەو وەلاتە بدەن بە كەسێك بۆئەوەی حەقدەستی پەیمانكارەكانی پارسی جنووبی بدات بەڵام ئەو كەسە ئەو پووڵەی خستە حیسابی بانكی خۆیەوەو تەنیا 600 ملوێن دولاری پێدان و باقیەكەی لای ئەو مایەوە.
مۆرەیەكی دیكە رژێم (عەلی موتەهەری) جێگری سەرۆكی مەجلیسی رژێم وێرای دیاپێدانان بە چوارچێوەی تاڵان و بڕۆ لەلایەن حكومەتی ئەحمەدی نژادەوە، دەزگای دادوەریی رژێمیشی بە شەریكە دز هێنایە ئەژمار و گوتی بە رای من دەزگای قەزایی لە بەرەوڕوو بوونەوە لەگەڵ ئەو سەرپێچیانەدا كەمكاری كردوە.
تاجگەردون ئەندامی مەجلیسی رژێم سەبارەت بە گەندەڵی باندی ئەحمەدی نژاد لە كەرتی نەوتدا گوتی: ژمارەكان بە 27 هەزار ملیارد دەگات.
لەبەرامبەردا لە راگەیەنەكانی خامنەیی دا ئیشارە بە گۆشەیەك لە فەساد و گەندەڵی باندی رەفسەنجانی ـ رۆحانی كراوە.
رۆژنامەی حكومەتی وەتەنی ئەمروز بە ئیشارە بە فریوكاریەكانی حەسەنی رۆحانی نووسی: بەخشەندەیی ئاشكرا لە ئیسلامی عەلی دا بوو، بەڵام ئەوانەی موچەی نجومی دەگرن دەماری پێوە دەكەن! هەر ئەوانەی مافی خەڵك بە لە خوار مافەكانی خۆیان پێناسە دەكەن! لە خۆوە نیە كە مافیان خوێندوە! وە لە خۆوە نیە وانەی وتووێژی كەربلا دەخوێنن!
پاسدار رۆستەمی قاسمی ئەندامی مەجلیسی رژێم و وەزیری نەوتی ئەحمەدی نژاد بە ئیشارەیەكی گشتی بە رێژەی تاڵانەكانی حكومەتی رۆحانی گوتی: ئەمرۆ ئاغایان دەلەن كە حكومەت بەڵێنەكانی خۆی بە خەڵكی ئەنجام داوە، ئەگەر وایە ئەی بۆ هێستا خەڵك پێویستیان بە یارانەی 45 هەزار تمەنی هەیە؟ چ كەسێك دەبێ شەرمەزاری ئەو لەشكەرە جەوانە خوێندەوارە بێكارە بێ؟
پاسدار حەسەن عەباسی بۆ هێرش كردنە سەر باندی رۆحانی ئیشارەی بە بەربڵاوبوونی گەندەڵی لە سیستەمی ویلایەتی فەقیە دا كرد و گوتی: ئەشرافی گەری لە نێو نیزامدا ریشەی داكوتاوە و گەندەڵی لە نێو چینەكانی سیستەمەكەدا چەكەرەی كردوە.
ئاخوند موجتەهیدی شەبستەری نوێ،ەری خامنەیی لە تەورێز باسی لە نیشانەكانی فەساد لە كۆمەڵگا و ئەو فەسادەی لە سیستەمی سیاسی دا جێی گرتووە كرد و گوتی: ژمارەیەك موحتاجی نانی شەون و ژمارەیەكیش ژیانی ئەشرافی و لەو پەری خۆشگوزەرانی دان و ئەوەش مایەی دڵگرانی هەموومانە.
وە هەروەها پاسدار رەزایی سەركردەی پێشووی سپای پاسدارانیش لەگەڵ دەربڕینی ترس و نیگەرانی خۆی لە پەیامی بەربڵاو بوونی فەساد گوتی: لە ناوخۆی وەڵات ناكارامەیی، فەساد و بەلارێدا چوون وەك بۆمبێك كار دەكات.  






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=8498