KHABAT media - گەمارۆدانی رژیم و رق و تورەیی لەلایەن دانیشتووانی شارە راپەریوەكان


گەمارۆدانی رژیم و رق و تورەیی لەلایەن دانیشتووانی شارە راپەریوەكان
تاریخ : Friday, June 08 @ 09:27:47 UTC
بابه‌ت : هه‌واڵه‌کان


خەباتمێدیا: بەهۆی سیاسەتە ئابورییەكانی رژیمی ئێران و كەمی حەق دەست، نارەزایەتی كرێكاران و خەڵكی لە شارەكانی ئێراندا بەردەوامی هەیە و پێی ناوەتە چەندین حەوتوو.
هەواڵدەری ئیسكای نیوز رێكەوتی 16ی جۆزەردان، راپۆرتی داوە لە پێوەند بە نارەزایەتی دەربرینی كرێکارانی كەشتی سازی بۆ نارەزایەتی دەربرین لە بەرانبەر نەدانی حەق و حەقدەستی چەند مانگی كاركردنیان.



بەهۆی نارەزایەتی شۆفیری كامیۆنەكان، پۆمپی بەنزین لە نەسیم شاری پارێزگای تاران، بۆ ماوەی سێ رۆژ بە بەردەوامی لەگەل كەمبوونی سووتەمەنی رووبەرو بوونەوە.
هەر لەو پیوەندەدا پۆلێك لە شۆفیری كامیۆنەكان لە شارەكانی ئیسفەهان، ئەهواز، بەندەر عەباس، كرمان و سنە، چا بەهار، شیراز و بەتایبەت لەناوچەی ئازادی چابەهار، بۆ ماوەی سێزدە رۆژ بە بەردەوامی خۆیان بوارد لە بارلێدان.
نارەزایەتی دەربرین و مانگرتنی شۆفیرانی بارهەڵگرو شۆفێرانی تاكسی و خاوەن دەواجینەكان و .... بەردەوامی هەیە و سەرانی  رژیمیش بەردەوامن لەسەر پیلان و بەرنامەكان بۆ كۆتایی هینان بەو مانگرتنانە.
كرێكارەكان ئاماژەیان بەوە كردووە كە رژیم ماوەیەكی زۆرە كرێ‌ و حەقدەستی پێنەداون و ئەمەش بۆتە هۆی ئەوەی كە ئەو كریكارانە تووشی نەخۆشی دەرونی و كێشەو موشكیلاتێكی زۆری خێزانی ببن...
چاوەروان دەكرێت كە دوا بە دوای كۆتایی بەرجام و گەرانەوەی ئابلۆقەكان بۆسەر رژیم، ئەو نارەزایەتی و مانگرتنانە قوڵتر ببێتەوە، وە بێگومان لەدرێژەی سەركوتكردنەكانی رژیمیشدا گرتن و سەركوتكردنی خەڵكانی نارازی بەردەوام و زیاتر دەبێ‌.






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=10136