KHABAT media - زیندانی كردنی هاووڵاتیەكی کورد لە شاری سنە،


زیندانی كردنی هاووڵاتیەكی کورد لە شاری سنە،
تاریخ : Monday, June 04 @ 11:44:20 UTC
بابه‌ت : هه‌واڵه‌کان


خەباتمێدیا: لە چەند رۆژی رابردودا  هاووڵاتیەکی کورد، بە ناوی "باقر ڕۆستەمی" تەمەن ٤٧ ساڵ کوڕی فەرەج، خەڵکی گوندی "تەوریوەر" سەر بە ناوچەی "ژاوەرۆ"ی شاری سنە، لە لایەن هێزە ئیتلاعاتییەکانەوە گیراوە.
شاهێدێك ئاماژەی بەوە كردووە كە هێزەكانی ئیتلاعات هێرشیان کردووەتە سەر ماڵی ئەو هاووڵاتییە کوردە و ناوبراویان گرتوە.




بنەماڵەی ئەو هاووڵاتییە لە هۆکاری گرتنی باقر بێئاگایی خۆیان دەربڕیوە، بەڵام هەواڵە بڵاوکراوەکان باس لەوە دەكەن كە ناوبراو بەتاوانی بونی پێوەندی لەگەڵ حزبە كوردستانیەكان زیندانی كراوە.
تا کاتی بڵاوبوونەوەی ئەم هەواڵە، ئەو هاووڵاتیە لە گرتووخانەی ئیدارەی ئیتلاعاتدایە و هیچ زانیارییەک لە چارەنووسی ناوبراو لە بەردەستدا نییە.
هەواڵدەری كوردپا ئاماژەی بەوە كردووە كە دوو هاووڵاتیی کورد، بە ناوەکانی "ئەمجەد قادری و مووسا یووسفی" خەڵکی گوندی "چۆڕ"ی شاری مەریوان کە ڕۆژی ٨ی جۆزەردان، لە لایەن هێزە ئیتلاعاتییەکانەوە بە تۆمەتی "چالاکیی سیاسی" زیندانی کرابوون، بە دانانی بارمتە بە شێوەی کاتی ئازاد کراون.






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=10121