KHABAT media - وریایی لێبوردنی نێودەوڵەتی لە پێوەند بە جێبەجێ كردنی حوكمی ئیعدامی رامین حوسێن پەناهی


وریایی لێبوردنی نێودەوڵەتی لە پێوەند بە جێبەجێ كردنی حوكمی ئیعدامی رامین حوسێن پەناهی
تاریخ : Friday, May 25 @ 10:15:28 UTC
بابه‌ت : کوردستانی


خەباتمێدیا: رێكخراوی لێبوردنی نێودەوڵەتی لە بەیاننامەیەكدا سەبارەت بە رامین حوسێن پەناهی، بەندكراوی سیاسیی كوردی مەحكووم بە سێدارە لە بەندیخانەی ناوەندیی شاری سنە، لەمەڕ ئەگەری لەسێدارەدانی ئەو بەندكراوە سیاسیە وریایی دا. بەپێی راگەیندراوی لێبوردنی نێونەتەوەیی كە ئاماژە بە وتەی پارێزەری ئەو بەندكراوە سیاسییە كراوە، حوكمی رامین لەلایەن دیوانی باڵای ئێرانەوە پشتراست كراوەتەوە و رەوانەی دەفتەری جێبەجێ كردنی حوكمەكانی بەندیخانەی سنە كراوە و بڕیارە پاش كۆتایی هاتنی مانگی رەمەزان جێبەجێ بكرێ. پارێزەری ئەو بەندكراوە سیاسیە


 رۆژی ١٧ی مانگی مەی ٢٧ی بانەمەڕ رایگەیاندبوو كە دۆسیەی رامین رەوانەی دەفتەری جێبەجێ كردنی حوكمەكان لە بەندیخانەی شاری سنە كراوە. بەرپرسانی بەندیخانەی شاری سنە رۆژی ٢٩ی بانەمەڕ بەو زیندانییە سیاسییە كوردەیان راگەیاندبوو كە ناوبراوە دوای مانگی رەمەزان كە لە ٢٤ی جۆزەردان كۆتایی دێ، لەسێدارە ئەدرێ. بڕیار بوو كە حوكمی ئەو بەندكراوە سیاسیە ١٣ی مانگی بانەمەڕ بەڕێوە بچی، بەڵام بە هۆكارگەلێك كە بەرپرسانی دەزگای قەزایی ئاماژەیان پێنەكردووە، وەدوا كەوت. لێبوردنی نێونەتەوەیی هۆكاری دواكەوتنی ئەو حوكمەی بۆ ناڕەزایەتیی گشتی و رێكخراوەكانی داكۆكیكاری مافی مرۆڤی گەڕاندۆتەوە. ئەو رێكخراوەیە راشیگەیاندووە كە رامین حوسیە پەناهی لە رەوتێكی بە تەواوەتی ناعادڵانەدا حوكمی لەسێدارەدرانی بەسەردا سەپێندراوە و بۆیە دەبێ ئەو حەكمە هەڵبوەشیەدرێتەوە. رامین حوسێن پەناهی رێكەوتی ٢ی پووشپەڕی ٢٧١٧ لەلایەن هێزە ئەمنییەكانەوە دەستبەسەر كرا و رێكەوتی ٥ی رێبەندان كە تەنیا یەكجار دادگایی كرابوو، لەلایەن لقی ١ی دادگای رژیم لە شاری سنەوە حوكمی لەسێدارە درانی بۆ بڕایەوە.







سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=10084