KHABAT media - دوورخستنەوەی دوو یاریزانی کورد لە ریزی هەڵبژاردەی تۆپی پێی ئێران


دوورخستنەوەی دوو یاریزانی کورد لە ریزی هەڵبژاردەی تۆپی پێی ئێران
تاریخ : Monday, May 21 @ 08:39:30 UTC
بابه‌ت : کوردستانی


خەباتمێدیا: کارلۆس کێی رۆش، راهێنەری هەڵبژاردەی تۆپی پێی ئێران ئەمڕۆ یەکشەممە ناوی 24 یاریزانی ئەندام لە هەڵبژاردەی ئێران بۆ جامی جیهانی 2018ی رووسیای بڵاوکردەوە. لە لیستەکەدا ناوی هەریەک لە یاریزانانی کورد، وریا غەفووری و کاوە رەزایی کە پێشتر بۆ کەمپی مەشق و راهێنان بانگهێشت کرابوون سڕاوەتەوە. 



وریا غەفووری لە سنە لەدایکبووە و یاریزانی یانەی ئیستقلالی تارانە. بە یەک لە باشترین یاریزانەکانی تۆپی پێی ئێران ئەژمار دەکرێت لە هێڵی بەرگری لای راست. هەروەها کاوە رەزایی، خەڵکی شاری ئیسلام ئاوای رۆژئاوایە لە پارێزگای کرماشان. ئەزموونی یاریکردن لە چەند یانەی ئێرانی هەیە و ئێستا وەک هێرشبەر لە یانەی شارلوای بەلژیک یاری دەکات.
هاوکات دوو یاریزانی دیکەی کوردستان لە ریزی هەڵبژاردەی ئێراندا ماونەتەوە. عەلیڕەزا بەیرانوەند، خەڵکی خوڕەمئاوا وەک گۆڵپارێزی یەکەم و هەروەها وەحید ئەمیری، لەدایکبووی شاری مەمەسەنی پارێزگای فارس، وەک هێرشبەر لە ریزی هەڵبژاردەی ئێراندان.






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=10069