KHABAT media - هێدر نائێرت: رژیمی ئێران لەناوچەكەدا كردەوەی تیرۆریستی و خراپی هەیە


هێدر نائێرت: رژیمی ئێران لەناوچەكەدا كردەوەی تیرۆریستی و خراپی هەیە
تاریخ : Saturday, May 12 @ 08:15:55 UTC
بابه‌ت : هه‌واڵه‌کان


خەباتمێدیا: وتەبێژی وەزارەتی دەرەوەی ئامریكا، هێدر نائێرت، ئاماژەی بە هەنگاونانی ترۆریستی و خراپی رژیمی ئێران كرد لە ناوچەكەدا و گوتی: رژیمی ئێران بەرپرسە لە زۆر هەنگاوی خراپە لە سەرانسەری جیهانداو ئێمە شاهێدی ئەو بابەتەین كە رژیمی ئێران چەكوچۆڵ، پوڵ و باقی پێداویستیەكان دەدات بە حزب اللەی لوبنان و ئەوانیش لە سوریەدا بەكاری دێنن.
هیدر نائێرت رۆژی هەینی 21ی بانەمەر كە لەگەڵ تلویزیۆنی سی.ئێن.ئێن وتوێژی دەكرد گوتی: ئێمە ئاگاداری ئەوەین كە سوپای پاسداران لە دەرەوەی سوریەدا هەندێ‌ هەنگاو هەڵدەگرێ.


 لەلایەكی دیكەوە رژیمی ئێران بەردەوامە لە پشتیوانی كردن لە رژیمی بەشار ئەسەد. من دەبێ بیری ئێوەی بێنمەوە كە ئەم رژیمە ماوەی پێشوو زۆرێك لە هاوڵاتیانی سڤیلی دایە بەر هێرشی چەكی شیمیایی و كوشتنی، هەروەها چەندین جار ئەو كارەی كردووە.
بۆیە دەبێت بزانین كە ئەو هەنگاوانە لەكوێوە سەرچاوە دەگرێت، بێگومان ئەم هەنگاوانە لەلایەن رژیمی ئێرانەوە سەرچاوە دەگرێت نەك وڵاتێكی دیكە.
ناوبراو هەروەها گوتی: هیچ كەس وەك ئێمە لە وەزارەتی دەرەوەی ئامریكا ئاگاداری هەڵسوكەوتی تێكدەرانەی ئەوان نیە، كاتێك كە لە رابردوودا و لە دەیەی 1970 دا زۆرێك لە كەسەكانی ئێمەیان بۆ ماوەیەكی دورو درێژ بە بارمتە گرت.
ناوبراو هەروەها گوتی: پێشوونەو مێژوی درێژی كردەوەی ترۆریستی لەلایەن رژیمی ئێرانەوە بونی هەیە.






سه‌رچاوه‌ی ئه‌م بابه‌ته‌ : KHABAT media


لینکی ئه‌م بابه‌ته‌ :
/modules.php?name=News&file=article&sid=10027