ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 30 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

راگەیەندراوی ناوەندی هاوکاریی حیزبەکانی کوردستانی ئێران سەبارەت بە ئەگەری لەسێدارەدانی "هیدایەت عەبدوڵلاپوور"

پەیامی پیرۆزبایی ناوەندی هاوکاری حیزبەکانی کوردستانی ئێران بە بۆنەی، وەرگرتنی خەڵاتی ئاشتیی نۆبڵ لەلایەن "نادیە موراد" کچە کوردی ئیزدی

راگەێندراوی کومیتەی ناوەندی بە بۆنەی دەست پێکی ساڵی تازەی خوێندنی ١٣٩٧/١٣٩٨ی کۆچی خۆری .

سپاس و پێزانینی ناوەندی هاوکاریی حیزبەکانی کوردستانی ئێران بە بۆنەی پێشوازیی پڕ شکۆی خەڵکی ڕۆژهەڵاتی کوردستان لە بانگەوازی مانگرتنی گشتی

پیام کاک باباشیخ حسینی دبیر کل سازمان خبات در رابطه با اعتصاب عمومى روز چهارشنبه

پەیامی كاك بابەشێخی حسەینی سكرتێری گشتی سازمانی خەبات لە پێوەند بە مانگرتنی رۆژی چوارشەممە

روونكردنەوەی ناوەندی هاوكاریی حیزبەكانی كوردستانی ئێران

بەیاننامەی ناوەندی هاوکاریی حیزبەکانی کوردستانی ئێران: بە هەڵوێستێکی شیاو و یەکگرتووانە بەرەوڕووی تاوانەکانی کۆماری ئیسلامی دەبینەوە!

‎اطلاعیە دفترسیاسی سازمان خبات در رابطه با حملە موشکی رژیم اخوندی به كمپهای حزب دمکرات كردستان و حزب دمكرات كردستان ایران

ڕاگه‌یه‌ندراوی ده‌فته‌ری سیاسی سازمانی خه‌بات له‌سه‌ر هێرشی مووشه‌کی ڕێژیمی ئاخوندی بۆ سه‌ر بنکه‌و باره‌گاكانی حدک و حدکا

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
10908467
جار بینراوه‌ . Juni 2007

   ڕاپرسی
سزاكانى ئه‌مریكا كاریگه‌رى ده‌بێت له‌سه‌ر روخانى رژێمى ئاخوندى ئێران؟

به‌ڵێ بێگومان
نازانم
نه‌خێر



ئاکامه‌کان
ڕاپرسی‌یه‌کان

ژماره‌ی ده‌نگه‌کان 4

شیلان محەمەدی: بزوتنەوەی ژنان لە ناوخۆ بزوتنەوەیەكی زیندوو چاوكراوەیە

مێژووی ناردن : Monday, April 23 @ 16:59:42 UTC

خەباتمێدیا: بەمەبەستی شرۆڤەی دۆخی ژنان و ئاوڕدانەوە لە کێشە و گرفتەکانی ژنانی کورد لە كوردستانی ئێران ماڵپەری هاوار وتوێژێکی لەگەڵ خاتوو شیلان محەمەدی، ئەندامی کومیتەی ناوەندیی سازمانی خەبات پێکهێناوە کە بەرێزیان لەو وتووێژەدا تیشك دەخاتە سەر بەشێك لە گرفت و كێشەی ژنان و ئاماژە بە چەندین خاڵ وەك كەم كرنەوەی دیاردە خراپەكانی كۆمەڵگە دژ بەو تووێژە دەكات. لێرەدا دەقی دیمانەی "هاوار" لەگەڵ خاتوو شیلان بڵاو دەكەینەوە. 



هاوار: وەك چالاكوانێكی بواری ئافرەتان لە ئێستادا ڕەوشی ئافرەت لە كوردستان چۆن دەبینی؟

محەمەدی: ڕەوشی ئافرەتان لە كوردستان لە دوو بەشی گشتی و تایبەتدا هەم وەك تاكێكی كورد و هەمیش وەك ژن، دەكرێ‌ خوێندنەوەی بۆ بكرێ‌. لە ئاستی گشتی دا لە كوردستانی ئێرانی ژێر دەسەڵاتی ئاخونداندا دۆخی ژیانی خەڵك بە هەموو پێكهاتەكانیەوە و لە هەموو ڕووەكانیەوە كارەساتبار و خەماوییە و خەڵك  لەگەڵ خراپترین زوڵم و چەوساندنەوە ڕوبەروون و تەواوی پێكهاتە و چینەكانی ئەو وڵاتەی بێ جیاوازی لەگەڵ قەیرانی جیددی ڕوبەروو كردووە. هاوكات لە كوردستان ئافرەتی كورد بە چەند بەرانبەر لەگەڵ ستەمی سیستماتیك ڕوبەروویە  و ژنی كورد لەچاو باقی نەتەوەكانی دیكە جگە لە سێبەری قورسی داب و نەریتە دواكەوتووەكان و سیستەمی پیاوسالاری و لە هەموانیش ئازاربەخشتر ڕێسا و یاسا دژە ژنەكانی نیزامی ئاخوندەكان دەبێ قورسایی ستەمی نەتەوەییش لە سەر شانیان هەڵگرن. هاوكات لەگەڵ ئەو ڕەوشە خەماوییە، بزووتنەوەی ژنان لە ناوخۆ بزووتنەوەیەكی زیندووە و ڕۆژبەڕۆژ ژنان چاوكراوەتر و وشیارتر دەبنەوەو بۆ وەدەست هێنانی مافەكانیان شێلگیرانەتر دێنە مەیدان و لە هەوڵەكان بو نەهێشتنی ستەم لەسەر ئافرەتان بە گشتی و ئافرەتی كورد بە تایبەتی شوێن پەنجەی ئافرەتی كورد دیارە و لەگەڵ ئەوەشدا كە فەزاێكی یەكجار مەحدود و داخراو دەوراندەوری ژنانی كوردستانی تەنیوەتەوە بەڵام ناكرێ‌ حاشا لە بوون و خەبات ی ژنانی كوردستان بكرێ‌ .

هاوار: ئافرەتان لە ڕووی سیاسی و ئیدارییەوە پێگەیەكی بەرچاویان نییە، تا چەند خۆیان لەو بوارەدا كەمتەرخەمییان كردووە؟

محەمەدی: ئەگەر مەبەست لە پرسیارەكەلە ناو سیستەمی ڕژیمی ئێران و لەناوخۆی ئێران بێ بە دڵنیاییەوە ئەوەیە كە نەخێر چونكە ئافرەتان كەمترین دەرفەت و زۆرترین بەربەست و جیاوازییان بۆ دروست كراوە،  ژنان لە ئێراندا خراپترین یاساكانیان بۆ لەنەزەر گیراوە وبە بەردەوامی لەگەڵ بێعەداڵەتی و ماف زەوت كردن و سەركوت ڕووبەروون. ئەگەر بۆ نمایشیش بیان هێننە نێو ساحەی سیاسیەوە ئەوكات لە شوێن گەلێك دایان دەنێن كە كەمترین دەسەڵاتی بەرێوەبەری هەیە و لەژێر دەسەڵات و چاودێری خۆیاندایە و دەبێ بیر و هزر و كاریان پیاوانە بێ. ئەگەر ڕووی پرسیارەكەش لە ئافرەتی كورد بە گشتی و لەدەرەوەی وەڵاتی ئیران بێ بێگومان دەكرێ‌ بەشیك لە خەسارەت و نەبوونی ژنان لە شوێنە سیاسی و ئیدارییە بالاكان بگەرێندریتەوە بۆ خودی ئافرەتان و نەهاتنە دەرەوەیان لەو قالبەی دەقیان پێوە گرتووە، بێكاریگەر نییە لە بێ بەش بوونیان لە ناوەندی بریارەكان و ڕەنگە كەمتەرخەمی و هەوڵنەدانی خۆیان تا ئاستێك هۆكاربێ و نەتوانن داهێنەرو خالقی دۆخێك بن كە جواب دەرەوەی مافەكانیان بێت و جێ دەستیان دیاربێ لەو بوارەدا. هاوكات لەگەڵ ئەو ڕاستیەش نابێ فرامۆش بكەین كە ئەو كۆت و بەندانەی ژنانی كورد بە گشتی گیرۆدەی هەن تەنیا لایەنی یاسا حكوومیەكان نییە بەڵكو بەشێكی بەرچاوی  چەوسانەوەی ژنان لە دەروازەی داب و نەریت و كلتووری سەقەتی كۆن و نیزامی پیاو سالاری بەرێوە دەچێ و هەر بۆیە كێشەی ژنی كورد تەنیا لە چوارچێوەی نیزامە دەسەڵاتدارەكان تاریف ناكرێ‌ و بەشێكی بەرچاوی دەگەرێتەوە بۆ خودی كۆمەڵگا و یاسا و ڕیسا باوەكانی . لەگەڵ هەموو ئەو لایەنە مەنفیانە دەتوانین هەول و تێكۆشانی ژنانی كورد لە بواری سیاسی و بەرێوەبەرییەكان و خەبات و تێكۆشانیان لەو پێناوەدا چ لە ناو حیزب و لایەنە سیاسیەكان و چ لەناو دام و دەزگای حكوومی هەست پێبكەین و ببینین.

هاوار: زۆر جار دابونەریتی كۆمەڵگە بە ڕێگر و كۆسپی بەردەم بەرەوپێشچوونی ئافرەتان دادەنرێ، چۆن دەكرێ بەسەر ئەو نەریتانەدا زاڵ ببن؟ 

محەمەدی:  بەڵێ هەروەك لە پرسیارەكانی پێشووش ئاماژەم پێدا، نەریت كۆسپ و ڕێگرێكی دیار لەبەردەم پێش كەوتن و گەشەی خەباتی ژنانە. بەشێك لە ئەرك و كاری ژنان تەرخانە بۆ دۆزینەوەی مكانیزمی شیاو بۆ ڕووبەڕووبونەوەی كۆسپەكانی بەردەم چوونەپێشەوەیان و لەو چوارچێوەیەدا دا بێگومان وشیاری هەمەلایەن و گشتگیری ئافرەتان دەتوانێ‌ دەورێكی یەكجار گەورە بگیێڕی.  بە خۆشحاڵیەوە دۆخی ئافرەتان ڕۆژ بە ڕۆژ گۆڕانی بە لایەنی ئەرێنی بەسەردا دێت و ئافرەتان چاوكراوەتر دەبن لەحاست مافەكانیان. پێویستە وەگەڕخستنی هەوڵ و تواناكانی ژنان و ئاشنابوونی زیاتر بە مافەكانیان ببێتە گرنگترین ئەرك و بەرنامەی ڕێكخراوەكانی ژنان. بێگومان لەو ڕێگایەدا كۆمەلگا و گۆڕینی نرخ و نۆرمە كۆمەلایەتیەكان  كاریگەر دەبێ و پێویستە سیستەمی پەروەردەی كۆمەڵایەتی لەسەر بنەمای یەكسانی و لابردنی هەلاواردنی ڕەگەزی بێ و وشیار كردنەوەی كۆمەڵگاو گۆرین و بەرەنگاربونەوەی داب و نەریتی دواكەوتووانەی ناو كۆمەڵگا.هەنگاوی تەواوكەری ئەركی سەرەتا دەبێ.

هاوار: نكۆڵی لەوە ناكرێ كە زۆرینەی میدیای كوردی بایەخیان بە مافەكانی ئافرەت داوە و كەم و تا زۆر كاریان لەسەر كردووە، بەڵام بۆچی تا ئێستا خۆكوشتنی ئافرەتان بەردەوامە؟

محەمەدی:  ڕاستە كە میدیاكان لە كوردستان  و تەنانەت لە دەرەوەی كوردستانیش بە بەردەوام و بەگرنگیەوە باس لە بزووتنەوەكانی ژنان و كێشەو گرفتەكانیان دەكەن، بەڵام ئەوەندە كافی نیە. من هەمیشە وتومە كە بەداخەوە باسكردن لەسەر دۆخی ئافرەتان تەنیا بۆتە دیاردەیەك و تەنانەت میدیاكانیش زۆربەی كات بۆ پركردنەوەی بەرنامەكانیان گەڵكی لێوەردەگرن و زۆربەی شتەكان دەچنە قاڵبی شوعار و ڕۆاڵەتەوە، تەنیا باسكردنی كێشەو گرفتەكان بەبێ  بوونی چارەسەری ڕیشەیی و قووڵ و گۆرینی ساختاری كۆمەڵگا و یاساكانی دژی ژنان و هەموو كۆت و بەندەكانی تر بێگومان دیاردەی خۆكوژی هەر وا بەردەوامەی دەبێ. لەگەل هەموو دژایەتیەكانمان بۆ ئەو دیاردە نەشیاوە و تا ڕادەێك تەسلیم خوازانەیە، بێ دەرەتانی و گەیشتنی ستەم بە لوتكەی خۆی وەك هۆكاری بەرێوەبردنی ئەو دیاردەیە دەزانین و بۆ كەم كردنەوەی ئەو دیاردەیە  وێرای فەرهەنگ سازی و بردنە سەرەوەی ئاستی ووشیاری ژنان پێویستە دەرەتان و پارێزگاری بۆ ژنانی چەوساوە بەرەو سەر ببەین.

هاوار: بەڕای تۆ ئەو میكانیزمانە چین كە توندوتیژی بەرامبەر بە ئافرەتان كەم دەكاتەوە؟

محەمەدی: پاڵپشتی و چەسپاندنی یاساكانی بەرەنگاربوونەوەی توندوتیژی دژی ژنان لە لایەن دەسەڵاتەوە و بوونی ناوەندەكانی ژنان و هەلسوورانیان لەو بوارەدا و پارێزگاری و داكۆكی لە ژنانی توندوتیژی لەبەرانبەر دا كراو و دیاری كردنی سزا و تێچووی قورس بۆ كردەوەی توندوتیژی دەكرێ‌ هاوتەریبی هەنگاوەكانی تر وەك مكانیزمی كەم كردنەوەی ئەو دیاردەیە نەشیاوە لێی برواندرێ‌.
ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی بیروبۆچوون
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری بیروبۆچوون:
کورته ێک له ڕوانگه ی سازمانی خه بات له سه ر ڕێبازی نه ته وه یی و وه ڵام دانه وه ێک بۆ هه ندی که س و لایه نی نه یاری ناسیونالیسمی کوردی!!!!.


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان