ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 39 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

بانگەواز: ڕێگە مەدەن ڕێژیمی ئێران گیانی بەندییەکی سیاسیی دیکە بستێنێ!

بەرز و پیرۆز بێ یادی 36 مین ساڵرۆژی دەرچوونی یەکەم ژمارەی تێکۆشان، ئۆرگانی کومیتەی ناوەندی سازمانی خەباتی کوردستانی ئێران

سازمانی خەبات سەرەخۆشی بە خانەوادەی خان سادق وەزیری رادەگەێنێ‌

پشتیوانی لە خۆپێشاندانەکانی خەڵکی پارێزگەی خوزستان دەکەین!

پەیامی سەرەخۆشی بەرێز سكرتێری گشتی سازمانی خەبات بۆ كاك نێچیرڤان بارزانی

خەباتی خەڵکی کوردستان بۆ وەدەستهێنانی ئازادی و مافی دیاریکردنی چارەنوسی خۆی هەروا بەردەوامە!

سپاس نامەی ناوەندی هاوكاریی حیزبە سیاسییەكانی كوردستانی ئێران

پەیامی سكرتێری گشتی سازمانی خەبات بەبۆنەی جەژنی نەورۆز و ساڵی نوێی كوردیو ساڵی 1397

چوارشەممەسووری دەرفەتێك بۆ راپەرینی دژی دیكتاتۆریەتی ئاخوندان لە ئێران و كوردستان

‎بانگەوازی ناوەندی هاوکاریی حیزبەکانی کوردستانی ئێران بە بۆنەی نەورۆزەوە

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9985281
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 37

یادی پۆلێ شەهیدی مانگی رێبەندانی سازمانی خەباتی كوردستانی ئێران

مێژووی ناردن : Thursday, February 08 @ 15:38:43 UTC

بۆ ئەوەی بتوانین ژیان و خەباتی شەهیدە سەربەرزەكانمان بە بیری رێبوارانی رێبازەكەیان و نەوەی نوێ بێنینەوە بەپێی توانا هەوڵ دەدەین مانگانە ژیان نامەو بیوگرافی ئەو سەروەرانە ئامادە و لە راگەیێنەكانی سازمانی خەباتدا بڵاو بكەینەوە. لەو راستایەدا بۆ ئەم مانگە تەنها توانیومانە ژیاننامەی پۆلێك لە شەهیدانی مانگی رێبەندان ئامادەو بڵاوبكەینەوە. بەو ئومێدەی لە داهاتوودا بتوانین لەو بارە كاری باشتر بكەین. لێرەدا ژیاننامەی حەوت لە شەهیدانی سەربەرزی سازمانی خەبات دابەزیوە كە خوێندنەوەیان كاریگەری دەبێ لەسەر قاییمتر بوونی باوەرمان بە رزگاری گەل و رەوایی خەبات و خۆراگری رۆڵەكانی نەتەوەكەمان دژ بە داگیركەران و ستەمگەران.


سەروەری گەل شەهید عەبدوڵا ئەحمەد پوور
لەمەودای خەباتی خوێناوی و راپەڕینی درێژخایەنی گەلە بەشخوراوەكەماندا، لاوانی بە جەرگ و خاوەن بروا بە ئازادی و رێبازی شۆرشگێری و رێبازی پیرۆزی سازمانی خەبات ی كوردستانی ئێران بەردەوامن لە تێكۆشان و زۆر خۆنەویستانە بەردەوامن لە ئەركی شۆرشگێرانەیان، بەڵێ‌  تابڕوین دەبینین و دەبیستین ، ئەو مێشكانە خەریكن بە بیركردنەوە لە رێبازی وەدەست هێنانی ئازادیدا  زیاتر دەپڕژێن، خوێن ــ ئەو خوێنانەی كە روونكەرەوەی رێَگای پڕ لە هەڵدێر ولێژو هەورازو نشێوی شۆڕشن زیاتر دەڕژێن، جا هەر بەو پێیە دەڕوانینە ڕابردوو و ئێستای سازمانەكەمان كە تاقە هیوای خەڵكی كوردە بۆ ڕزگاری لە ژێر باری ستەمی چەند قاتی نەتەوایەتی ومەزهەبی وئابووری وسیاسی. بێگومان بۆ خەبات لە بەرامبەر ستەم و بێدادی رۆڵەی قارەمان و نەبەزی زۆرن كە سەرقافڵەن و خۆێنیان بۆ ئازادی گەل و رزگاری نیشتمان ڕژا. یەكێك لەو شەهیدە گەورەو بەرچاوانە، شەهید عەبدوڵای ئەحمەد پوور كوڕی شامحەممەدە، كە لە ساڵی (1353) لە گەڕەكی خواروی شاری بانە لەدایك بوو، لە شەش ساڵی نێڕدرایە بەرخوێندن و دەورەی ڕاهنمایی بە سەركەوتوویی تەواو كرد و لە ساڵی (1366)دا جاری یەكەم هاتە ڕیزەكانی سازمانەوەو دوای ڕوونكردنەوەی نێردرایەوە بۆ ناو شارو كاری تەبلیغی و تەشكیلاتی پێ سپێڕدرا. لە بەهاری ساڵی(1370)دوای ئەوەی ئاشكرا بوو چیتر نەیتوانی لەناوخۆدا كار بكات و هاتە ریزی پێشمەرگایەتی و دوای تەواوكردنی دەورەی نیزامی وپێشمەرگایەتی وەك كادری سیاسی لە مەڵبەندی یەكی سازماندا كاری پێ سپێڕدرا. كاك عەبدوڵا لە بەر دڵسۆزی بۆ سازمان و ئیمانی پتەوی بە موبارزە  پلەكانی بەر پرسیارەتی  یەك لە دوای یەك  دەخرایە ئەستۆ لە هەر ئەركێكی نوێ دا لێوەشاوەیی وكارزانی خۆی نیشان دەدا. لە مەیدانی كاری نیزامی دا كاك عەبدوڵا قارەمانێكی كەم وێنەی ڕووبەڕوو بوونەوە لە گەڵ هێزەكانی دوژمن بوو. قارەمانی و نەبەزی شەهید عەبدوڵا بە شێوەیەك بوو كە تەنانەت لە كاتی دەورگیرانیشی لە لایەن هێزەكانی رژیم قارەمانیی كەم وێنەی لە خۆی نیشان دەدا. كاك عەبدوڵا لە  زۆر چالاكی و جەنگی پێشمەرگەكانی سازمان لە بەرانبەر هێزەكانی دژمن بەشداری بەرچاوی هەبوو. شەهید عەبدوڵا لە هاوینی ساڵی 1375دا بە دوای گیرانی كۆنفرانسی گەورەی سازمان بە مشاوری كومیتەی ناوەندی  هەڵبژێردرا و لەو پلەیەشدا كاك عەبدوڵا پاكی و لێهاتوویی خۆی بۆ هەڤاڵان و سازمان دەرخست هەروەها كاك عەبدوڵا كادرێكی لێوەشاوەی دەنگی خەبات بوو. ئەركی قورسی بێژەری ئەنجام دەدا . لە ساڵی 1377 داو لە كۆنفرانسی بەرینی سازماندا وەك ئەندامی كومیتەی ناوەندی سازمان لە لایەن زۆرینەی ئەندامانی كۆنفرانسەوە هەڵبژێردرا. كاك عەبدوڵا لە دوای هەڵبژاردنی بە ئەندامی كومیتەی ناوەندی، ئەندامیەتی لە بەشی گشتی پەیوندییەكانی سازمان پێ سپێردرا و لەو ئەركەشدا لێوەشاوەیی خۆی بە هەڤالان و دۆستان ی نیشاندا. زۆر بەداخەوە مەرگی مەودای نەدا تا ئەو هەڤاڵە بە نرخە زیاتر خزمەت بە گەل و سازمانی خەبات بكاو بە داخێكی گرانەوە لە شەوی (12ی ڕێبەندانی 1377) بە هۆی كێشە لە گەڵ یەكێك لە رفیقەكانی بە ناوی عەلی شەهید كرا. شەهید كرانی كاك عەبدوڵا  كارەساتێكی گەورە بوو لە ریزەكانی سازمانی خەبات. كاك عەبدوڵا ئەحمەد پوور گەیشتە دەرەجەی شەهادەت و ئەركی موبارەزی  بۆ هەڤاڵانی بەجێهێشت.
هەزاران سڵاو لە گیانی  كاك عەبدوڵا ئەحمەد پوور وسەرجەم شەهیدانی سازمانی خەبات و گشت شەهیدانی رێگەی خەبات وئازادی 

 سەروەری گەل شەهید كاك رەحمان قادری
شۆڕشی ئازادیخوازان و رزگاریدەری كوردستانی ئێران وەك هەموو كوردستانەكانی تر بە هۆی بێدادی داگیركرەانەوە شوڕشێكی خوێناوی بووە. كاتێك كە بێگانە چاوچنۆكەكان دەست لە داگیركەری هەڵناگرن لە بەرانبەر موبارزەی سیاسی و داوای رەوای گەلان، بە هێز وئاگری چەك و زیندان و ئەشكەنجەدان دەكەنەوە وڵام و هیچ جۆرە ویژدانی ئینسانی و دینی لە بەرچاو ناگرن لە گەل ئەوە دا كە ئینسانن وخۆ بە موسلمان و برای دینی میللەتی كورد دادەنێن ئایا بۆ گەلی كورد چارەیەكی تر هەیە بێجگە لەوەی كە لە بەرانبەر زۆردا، زۆر بەكار بێنێ؟ وەك بە چەك وكوشت و بڕۆ و زیندان هەوڵی سەركوت كردنی دەدرێ، ئەویش بە چەك دیفاع لە خۆی بكا؟ ئایا دەكرێ بۆ میللەتی ستەم دیوو رەنج كێشاو حەق فەوتاوی وەك گەلی كورد رەوایە كە دەست لە داوای رەوای خۆی هەڵگرێ یان لە بەرانبەر داوای رەوای دا ئەو هەموو كوشت وبڕۆ و زیندان و ئەشكەنجە هەڵگرێ و ددان بە جەرگی خۆی دا بگرێ  و ناوی بنێ ئاشتیخوازی و دوورە شەڕی ... 
قارەمان و فەرماندەی لێهاتوو كاك رەحمان قادری لە ساڵی (1343)لە گوندی تاژەبان لە ناوچەی بانە لە دایك بوو. هەر لە سەرەتای مێرمنداڵییەوە توشی كۆسپ وكاری سەخت هاتووە وئەركی قورسی جوتیاری لە ئەستۆ گرتووە، بە دوای رووخانی رژێمی پاشایەتی وداگیركردنی بەرهەمی ڕەنجی جەماوەری ئێران لە لایان ئاخوندانەوەو دامەزراندنی حكومەتی نامەشروعیان و هێرش بۆ سەر كوردستان كاك رەحمان خولیای موبارزەو بەرەنگاری لە بەرانبەر دوژمنی داگیركەر چووە بیرو مێشكیەوە، هەر بۆیە لە هاوینی ساڵی (1361)دا هاتە ڕیزی پێشمەرگایەتی سازمانی خەباتەوە. دوای تەواوكردنی دەرسە سەرەتاییەكانی ، چەكی دیفاع لە نیشتمان وخزمەت بە كوردی لە شان كرد. كاك رەحمان رۆڵەیێكی تێكۆشەرو ماندوونەناس بوو، لەناو هەڤاڵاندا رێزی بۆدادەنرا. لە رووبەروو بوونەوە دەگەڵ هێزەكانی دوژمندا لە خۆبوردوو  بەجەرگ بوو لە زۆربەی جەنگەكانی سازمانی خەبات بەرانبەر هێزی داگیركەری ئاخوندان دا ئازایەتی وهەڵمەتی دەنواند. هەرچەند كاك رەحمان خوێندەواری نەبوو. بڵام لە ماوەی چەند ساڵی پێشمەرگایەتی زۆربەی كتێبە مێژوویەكانی كوردی خوێندەوە و ئاگادارییەكی باشی لە سەر شۆڕشی ڕابردووی نەتەوەكەی پەیدا كردبوو، ئەو ئاگادارییە لە شۆڕشی كورد ببوە هۆی ئەوەی كە كاك رەحمان لە كۆڕی هەڤاڵاندا باس لە كەم وكوریەكان وخاڵە لاوازەكانی شۆڕشەكانی ڕابردووی كورد لە كوردستانی ئێران بكا. كاك رەحمان باوەری بە دژایەتی رژێمی ئاخوندی تا رووخانی یەكجاری هەبوو هەر ئەو بە ئیمانی و سووربوونەوەی ببوە هۆی ئەوەی كە دەستگا ئەمنیەتەكانی رژێم زۆرجار هەوڵیان بۆ ترۆر كردنی دەدا.كاك رەحمان قادری فەرماندەیەكی لێوەشاوەی سازمانی خەبات بوو شارەزای زۆربەی ناوچەكانی كوردستان بوو جیاواز لە كاری نیزامی لە بواری سیاسیشدا لێوەشاوەیی خۆی نیشان دابوو. هەر بۆیە لە هەڵبژاردنەكاندا بەردەوام دەنگی زۆرینەی متمانەیی پێدەدرا و بوو بە مشاوری كومیتەی ناوەندی وئەندامی پەیوەندییە گشتییەكانی سازمانی خەبات. لە دوای زیاتر لە 25 ساڵ پێشمەرگایەتی هیچ كات هەست نەدەكرا كە كاك رەحمان لەپێشمەرگایەتی ماندوو بووبێ‌. ئەو ماوەیەی وەك بەشی پێوەندیەكانی سازمان ئەركی بەڕێوەدەبرد ئەوپەری دڵسۆزی لە خۆی نیشان دەدا. جێگەی داخە مەرگ مەودای نەدا تا كاك ڕەحمان زیاتر خزمەت بە گەل و نیشتمان و سازمانی خەبات ی كوردستانی ئێران بكات. بەڵێ‌، مەرگ مەودای نەدا ئەو ڕۆڵە تێكۆشەرەو ئەو فەرماندە لێهاتوەی  سازمانی خەبات و گەلی كورد تا زیاتر خزمەت بە ئامانجەكانی نەتەوە ونیشتمانەكەی بكا و لەشەوی(12/11/1377)دا لە كارەساتێكی دڵتەزێن و لە لایەن كەسێك بە ناوی عەلی موردای لە گەڵ  عەبدوڵائەحمەدپوور شەهید كران و ئەو كەسەی ئەو دووقارەمانەی شەهید كرد لە دواییدا خۆی كوشت. كاك رەحمان و كاك عەبدوڵا دووشەهیدی نەمرو گەورەی سازمان گیانیان فیدای ئامانجە رەواكانی كوردو سازمانی خەبات كرد وچەكی خۆڕاگری وبەرەنگاریان بۆ هەڤاڵان بە دیاری بەجێ هێشت.
                   ((هەزاران سڵاو لە گیانی پاكی بێت ))
               شەهیدان ئاڵاهەڵگری داهاتووی وڵاتن

سەروەری گەل شەهید ((عەلی مەلایی))
رۆڵەی شیرین وكۆرپەی نەخشین لە ئامێزی دایك وباب دا چ جوانە و چ لەبەردڵانە. نابینی چۆن بە دەست دەی پارێزن و بە چاكی ئاگاداری لێدەكەن. دەی لاوێننەوەو بە هەموو كرانێك دەی وێننەوە. چەندەیان لە بەردڵانە وچەندەیان پێ جوانە، كاكۆڵی بە شانە دادێنن و بە كەلانكەی شین لە چاوی بەدی بەدوور دەكەن حەتا پشمی ئەڵاخێری بۆ دەكەن و لە گەڵ هەر قرپەیەك كە دەیێنێتەوە نۆشی پێ دەڵێن . هەر ڕۆژێ كە قسەیەك فێردەبێ  شادییەك دەخاتە دڵی خێزانەوەو كە كارێك دەكا پرسەی پێكەنین دەخاتە ماڵەوە. دانیشتنی لە بەر چاوان جوانەو رۆیشتنی جوانتر. كە دەڵێ دایە گومبەزەیی سینەی دایك بە دایك قوربانت بێ دەنگ دەداتەوە كە دەڵێ بابە بە گیانی بابە وڵام دەدرێتەوە، ئاوا بەخێو دەكرێ و بەناز بەرێوەدەبرێ. نازی دەبوورێ وگروویی چارەسەر دەكرێ. ئەو كۆرپە شیرین وجوانە هەڵ دەدا و تووڵی ڕادەكێشێ و قاشی بەڕۆیی دەكشێ و بەخۆ دادێ وباردێ. هیوای دایك و بابانە و فریاد رەسی داگەیو و داماوانە. هیوایی ڕۆژی تەنگانەیەو مەترسی داگیركەرو بێگانەیە. ئەو كۆرپە نازادرەی دایك وبابان، هیوای رۆژی تەنگانەی دایك وبابانە. خۆ تەنگانەی دایك وباوكان هەر ئەو تەنگانەیە كە لە گەلی كوردی چارەڕەش هەیەتی. تەنگانەی كورد یەكەو هەموو تەنگانەی گەلەكەمان لەو تەنگانەوەیە، ئەویش دەردی بێگانەیە ئەو بێگانەی كە هەر جارە و بە پێستێك دا خۆی دەردەخاو كردەوەو دڵی ناگۆڕێ و ڕەشەو ڕەش هەر ڕەشە وچاوچنوك وبەرچاو تەنگە. چاوی تێر نابێ بە بەشی خۆی وپەلاماری ئەم و ئەو دەدا كێ بێ دەستی درێژی كۆتا كا. كۆڵە مەستی پڕ لە سینگی خوێن و ژان بدا جوێ لە ڕۆڵە نازادرانە كێ هەیە  ئەركی پڕ لە شانازی شۆڕش وخەباتی پێ بسپیِردرێ جوێ لەو خۆشەویستانە؟ كێ یە كە سوورخەلاتی شەهادەتی لێ دەوەشێتەوە جوێ لەو ڕۆڵە شیرینەی كە سەرگۆنای وەك و هەڵاڵەی سەر گۆڕی شەهیدانە. بەڵێ بەرخی نێر بۆ سەر بڕینە و بێچوە شێر بۆ ڕۆژی تەنگانەیە. كێ یە كە بە ورەی گیانی و بە سینەی فراوانی كوردستان بپارێزێ كێ یە كە خۆ بكاتە قۆچی قوربانی گەل وسەری بەرزی وەهێلێ بەبەرزی. جوێ لەو ڕۆڵە نازدارانەی لای دایك وبابان. ئەو نازدارانەی شایانی شانازین. دایك وباوكان كۆرپەی شیرینیان بۆ ڕۆژی تەنگانەی گەل دەوێ بۆیە بە دوو دەست كۆرپەكانی باوەشیان كە ئێستابوونە شوڕە لاوی گۆێ گۆین بە سەری دوژمنان، پێشكەش بە سەنگەری خەباتی رزگاریخوازانەی گەلی كورد دەكەن . كاتێك كە بۆ ناسیاوانی شەهید عەلی مەلایی قسە لە نازداری و خۆشەویستی دەكرێ لە لای دایك وباوكان بەر هەموو خۆشەویستان شەهید عەلی مەلاییان بە بەرچاودا دێ.((شەهید عەلی مەلایی كە لە بنەماڵەیەكی كرێكار لە ساڵی (1347)دا لە شاریبانە لە دایك بوو. لە تەمەنی شەش ساڵیدا نێردرایە قوتابخانە وتاسێ ی راهنمایی دەرسی خوێند. كاكە عەلی مەلایی هەر لە منداڵییەوە كوڕێكی ورد بوو. لە چۆنیەتی گەلی كورد و داگیركەرانی كوردستان، نیشتمانی خۆشەویستی ڕادەما.ئەوە بوو دڵی ڕانەوەستا كە چاوی لە ستەمی داگیركەران و لێقەوماوی چارەڕەشی گەلەكەی بێ. خۆی ڕانەگرت لە بەهاری ساڵی (1363)داهاتە ناوریزی پێشمەرگەكانی سازمانی خەباتەوە ودوای ڕاهێنان و بارهێنان، ماوەیەك لە بەشی چاپەمەنی دا كاری كرد. لە بەهاری (1364)چووە ناوریزی پێشمەرگەكانی هێزی شەهید سەیدخەلیلەوە. شەهید عەلی مەلایی كە تەمەن لە17ساڵ تێنەپەڕی بوو، زۆر ئازاوبەجەرگ بوو هەموو دەمێك هەوڵی دەدا كە لە پێشمەرگە ناودارەكان نەمێنێتەوە. شەهید عەلی لاوێكی هێواش و ڕازدار بوو جێ ی متمانەیی شۆڕش بوو. بە دڵ شۆرش وخەباتی لە ناو ریزی سازمانی خەباتی خوێناویدا خۆشدەویست. خۆ دوودانی نەبوو لە ریزی پێشمەرگایەتیدا. شەهید عەلی لە كاتێك كە ببوە یەكێك لە جێ ی هیوا وهومێدی سازمانی خەبات بە داخێكی گرانەوە لە بەیانی23ڕێبەندانی ساڵی1364دا لە گوندی (یاكووباوایی)دەشتەتاڵی بانە لە كاتی گەمارۆدانی ئاوایی لە لایەن پاسدار وخۆفرۆشەكانی رژێم وبەربەرەكانێی پێشمەرگەكان دا عەلی مەلایی دەرباز نەبوو وپێكراو بەپلەی شەهادەت گەیشت و چووەناو كۆڕی شەهیدانی سوورخەڵاتی كوردستانەوە. ڕۆژی دوایی تەرمی پیرۆزی لە گۆرستانی هەزار ساڵەی شوێی ناوچەی بانە، لە ناو رێزو ئیحترامی خەڵكی بە شەرەفی ناوچەو مامۆستایانی خواپەرەست و ئازاونەترس داخرا ناو باوەشی كوردستانی خۆشەویست وبە گیانی پڕ لە ئیمانی ئەو گۆرستانەی كردە چراغان. 
((هەزاران سلاو لە گیانی پاكی شەهید عەلی مەلایی وگشت شەهیدانی سوور خەڵاتی كوردستان.)) 

سەروەری گەل شەهید وەفا جەعفەری
گەلە بەشخوراو نیشتمانە بەشكراوەكەمان كە مەوادی تەمەنی خەباتی سوور و لە خوێن شەڵاڵی و بە بەرینایی بەرەی جەنگی دژی داگیركەری زۆردار، قوربانی دەدا وحەماسە دەخۆڵقێنێ و هەر رۆژە لە شوێنێك و هەر دەمە بە چەشنێك تابڵۆی فیداكاری و شۆڕشگێری دەڕازێنێ، تەواو بە خوێنی ڕۆڵە نەبەز و قارەمانەكەی سەر دێری زێرینی زیندوویی و كۆڵ نەدەری وخەباتگێری خۆی بە پێنووسی ئاگرین لە سەر تەتەلەی مێژووی خەباتی شێلگیری گەلان دەنووسێ. سازمانە خۆشەویستەكەمان كە نوێنەری رەسەن و راستی ئەو گەلە نەبەزە نەوەستەیە لەو قوربانیە پایەدارانە بەشێكی بەنرخ و بەرچاوی بەخشیوەو بەو تەمەنە كورتەی خۆی شاگوڵی گەش و غونچەی تازە خەندەی خوێناوی زۆری كردۆتە دیاری بۆ گەلەكەی و مەجلیسی خەبات و شۆڕشی پێ بۆن خۆش و پڕ لە شەوق كردوە كە ئێمە لێرەدا تەنیا كۆڕەكەمان بە نواندن و ناساندنی غونچەیەكی تازە پشكووتو پڕبۆن و بەرامە دەكەین كە پەلكە ساوا و سوورەكانیان تازە بە گێژە لولەی زۆرداری هەڵوەڕیوە، باسی شۆڕە لاوێكی قارەمان و بە ئیمان دەكەین كە ئەویش كاك وەفا جەعفەری كوری سەدیق خەڵكی بانەیە.
شەهید وەفا جەعفەری لە ڕێكەوتی 15/5/1361 دا ولە تەمەنی 17 ساڵی دا هاتە ناو ریزی سازمان ولە ماوەی پێشمەرگایەتیی دا لە زۆربەی شەڕەكانی ناوچەی بۆكان و سەقز وبانە و سەردەشت دا بەشدار بوو بە ئازایەتی ولێزانی و هاوسەنگەری، بەناوبانگ بوو. وە لە رۆژی 11/11/1364 دا لە ئەنجامی كردەوەی ترۆریستی رژیم و دانانەوەی مین لە سەر رێگەی هاتوچۆی بنكەی سەركردایەتی سازمان لە نزیك دێی سەراومیراوا  لە كوردستانی عێراق شەهید بوو.
(( شەهیدان نامرن نەوە قارەمانەكانی،  مێدیا و كەی خەسرەون ))
سەروەری گەل عەزیز عەبباسی
خاكی رازاەوەی كوردستان دیمەنی جوانی خۆی لە ڕەنگی خوێنی شۆڕەلاوەكانی گەلی بەشخوراوی كورد وەرگرتووە  شۆڕشی رەوای گەلەكەمان نەخشێنەری ئەو تابلۆ ڕەنگاورەنگەیە كە هەموو بینەرێك مات و سەرسام دەكات و هیچ كات لە تەماشا كردنیان تێڕنابن. خوێنی گەشی كوڕی كورد هەر كە لە دەست زۆرداران و سەرەڕۆیان وەجۆش هات هەڵ دەچێت و بە سەر خاكی پیرۆزی نیشتمانە جوانەكەیدا دەڕژێت هەر بۆیە پەڕ پەڕی مێژووی خەباتی بێوچانی ئەم قۆناغەشمان بە خوێنی هەزاران شۆڕەسواری گۆڕەپانی خەبات وتێكۆشان ڕەنگاوە.
ئێمە لێرەدا یادی شێرە پیاوێكی نەبەزو نەترس دەكەین كە بوو بە ئاودێری باغچەی خەباتی گەلەكەمان. شەهید عەزیز عەباسی كوڕی مەلا ئەحمەد خەڵكی قوتوری شیماڵی كوردستان دووهەمین شەهید بنەماڵە، كوڕە كوردێكی موسڵمان و داوێن پاك بوو كە لە بنەماڵەیەكی ئایینی ونەداردا چاوی بە دنیای پڕ لەمەینت و بەشخوراوی كوردستان هەڵێناو لە گەل ژیانی بێ بەشیدا ڕووبەڕوو بوو.  شەهید عەزیز هەتا ساڵی دووهەمی ڕاهنمایی دەرسی خوێند. 
 پاش هێرشی رژێم بۆ سەر كوردستان و پاش ئەوەی هەستی بە زوڵم و زۆری دوژمنانی كورد و بەشخوراوی و ژێر چەپۆكی گەلەكەی كرد، لە تەمەنی   17ساڵیدا چەكی شەرافەتی پێشمەرگایەتی لە شان كرد و ماوەیەك لە ریزی هێزێكی موخالفی رژێم بەربەرەكانی كرد. بەڵام پاش ئاگاهی و لێكدانەوە و تەجرووبە بە رێگای راست و ڕەسەنی سازمانی خەباتی وەك باشترین رێگا بۆ گەیشتنی گەلەكەی بە ئاواتی لە مێژینەی خۆی هەڵبژارد و بە شانازییەوە هاتە ناو ریزی پێشمەرگەی سازمانی خەبات ی كوردستانی ئێران و شان بە شانی برا پێشمەرگەكانی لە زۆر عەمەلیاتی بەر چاودا بەشداری هەبوو. شەهید عەزیز پێشمەرگەیەكی راست و لە سەرەخۆ و ئازا و بەورەو باوەر بوو وە لای خەڵكی ناوچەكان خۆشەویست بوو. شەهید عەزیز ماوەیەك لە ناوچەكانی بانە خەریكی ئەركی پێشمەرگایەتی بوو و لە مانگی بەفرانباری 1363 دا چووە ناوچەی سەردەشت و لە وێ لە هێزی سەردەشت دا شان بە شانی پێشمەرگەكانی ئەو هێزە دژی دوژمنانی گەلەكەی قارەمانانە شەڕی كرد و لە چەند عەمەلیالت دا ئازایانە بەشداری كرد. هەتا لە رۆژی 11/رێبەندان/1363 دا لە كاتێكدا كە دوژمن هێرشی هێنابوە سەر گوندەكانی نستان و دەورووبەر لە گەڵ براكانی دیكەی پێشمەرگە بە گژ دوژمنی پەلاماردەردا چوون و شەڕێكی قارەمانانەیان لە گەڵ كرد وە پاش گەیاندنی زەرەرو زیانێكی گیانی و ماڵی بە دوژمن بە گوللەی تاوانباران پێكرا وگیانی پاكی بە خاكی نیشتمان سپارد و بە شانازییەوە ماڵئاوایی لە گەڵ هەموو هاوسەنگەرانی كرد.
(( بژی هێزی قارەمانی پێشمەرگە كە بەخوێنی خۆیان ئاوەدانی بۆ نیشتمان دێنن))
سەروەری گەل شەهید قادر خدرنژاد
ئەگەر لە تابڵۆی رازاوەی سروشت وردبین و دیمەنی نەخشین و روخساری رەنگینی سەرنج بەدەین و ئەگەر رووداوە خۆش و ناخۆش و داستانە تاڵ و شیرینەكانی مێژووی درێژو دووری ئەم جیهانە بەرین و پانە بە وردی وەرد بدەینەوە ئەگەر نرخ وبایی مرۆڤ وەك لە راستیدا هەیە وا لێك دەینەوە بۆمان دەردەكەوێ كە هیچ دیمەنێك لە دیمەنی شەهید جوانتر نییە. لە كاتێكدا كە لە پێناوی ئاواتی  پیروزی دا گیانی فیدا دەكا و بە بزەی سەر لێوی خۆی لە كاتی ماڵئاوایی لە گەل و نیشتمان و هاوبیر و باوەرەكانیدا بۆ هەمیشە مەرگ بە چۆك دادێنێ و ژیانی هەمیشەیی لە نوێ بۆ خۆی دەستە بەر دەكات. هیچ رەنگێك لە رەنگی سووری خوێنی گەشی لەشی پاكی شەهید جوانتر نابێ و نییە كە لەو كاتەدا لە جەستەی پیرۆزی بە لێزمە دێتە خوارێ و خاكی نیشتمان دەرەنگێنێ و زراوی دوژمنان دەتۆقێنێ. هیچ گوڵێك لەو سوورە گوڵە جوانتر نابێ كە بە خوێنی شەهید دەگۆڕێ و پاراو دەبێ. هیچ ئەندامێك لە كۆمەڵی مرۆڤ پلە ونرخی ناگاتە پلە ونرخی شەهید كە بە بەخشینی باشترین دەستمایەی خۆی كە گیانیەتی لە رێگای بەرژەوەندی تێكڕایی دا و لە پێناو بیروباوەری پیرۆزیدا بەرزترین پلەی مرۆڤایەتی بۆخۆی وەرگرتووە و ژیانی راستەقینەی بە قیمەتی گیانی كڕیوە. هیچ داستانێك لە داستانی شەهید شیرینتر وبە نرختر و بە تامتر نییە. یادی شەهید تین وتاومان پێ دەبەخشێ و ورەو باوەرمان زیاد دەكاو كڵپە وگڕی ئاگری خەبات هەتا گەیشتن بە ئاوات دانامركێ و قەت كەم ناكا. 
یادی ئەمجارەمان یادی شۆڕسوارێكی مەیدانی خەبات و تێكۆشانە ئەویش شەهید قادر خدرنژاد كوڕی رەحیم خەڵكی گوندی نستانی ناوچەی گەوركی سەردەشتە. شەهید قادر لە بنەماڵەیەكی هەژار دا لەگوندی نستان هاتە سەر دنیا و هەر وەك زۆربەی منداڵانی كوردەواری لە بەر هەژاری و بێ دەرەتانی نەیتوانی لە بەهرەی خوێندەواری بەشدار بێ. هەر لە منداڵییەوە ناچار بوو كە بۆ پەیدا كردنی بژێو خەریكی كار و كاسبی بێ، خۆی و چەند براكەی هێشتا هەر منداڵ بوون كە باوكیان كۆچی دوایی كرد و باری ژیان قورسایی خستە سەر شانیان. هەر لە سەرەتای هێرشی هێزەكانی رژێمی ئاخوندی بۆ سەر كوردستان شەهید قادر بوو بە لایەنگری دڵسۆزی سازمانی خەبات و چەكی لایەنگری هەڵگرت و ئەركی سازمانی  بە باشی بەڕێوەبرد و لە ساڵی 1362 دا بوو بە پێشمەرگەی ڕەسمی، لە زۆربەی عەمەلیاتەكانی ناوچەی سەردەشت دا وەك  ئەركێكی نەتەوایەتی زۆر قارەمانانە بەشداری كرد و نمونەی ئازایەتی  و بەورەیی و دڵسۆزی بوو پاكی وچاكی شەهید قادر بۆ هەموو لایەك روون بوو بۆیەش لە ناودڵی خەڵك وهاوسەنگەرەكانی دا بە تەواوەتی جێگەی خۆی كردبۆوە. كاك قادر بە دڵ سازمانی خۆشدەویست و ئەوینداری كوردستان بوو. لە رۆژی 11/11/1363 دا لە كاتێكدا كە شەهید قادر لە كۆخی خۆیان لە خوارگوندی نستان  بە هۆی نەخۆشی لە جێگادا كەوتبوو هێرشكارانی قین لە دڵی رژێم كە هێرشیان كردبوو بۆ سەر نستان و دەوروبەری چوونە سەری و زۆر  ناپیاوانە شەهیدیان كرد.
((هەزاران سڵاو لە شەهیدان و رێگایان پڕ رێبواران بێت))

سەروەری گەل شەهید محەممەدی قادر جەماڵ
ئەگەر لەتابلۆی رازاوەی سروشت وردەوەبین و دیمەنی نەخشین و روخساری رەنگینی سەرەنج بدەین و ئەگەر روداوە خۆش و ناخۆش و داستانە تاڵ و شیرینەكانی مێژووی رێژ و دووری ئەم جیهانە بەرین و پانە بە وردی وەرەق بدەینەوە بۆمان دەرئەكەوێ‌ كە هیچ دیمەنێك لە دیمەنی شەهید جوانتر نییە ، لەكاتێكدا كە لە پێناو ئاواتی پیرۆزی  دا گیانی فیدا دەكات و بە بزەی سەرلێوی خۆی لە كاتی ماڵئاوایی لە گەل و نیشتمان  و هاوبیرەكانی دا بۆ هەمیشە مەرگ بە چۆك دا دێنێ‌ و ژیانی هەمیشەیی لە نوێ‌ بۆ خۆی دەستەبەر دەكات . هیچ رەنگێك لە رەنگی سووری خوێنی گەشی لەشی پاكی شەهید جوانتر نابێ و نییە لەو كاتەدا كە لە جەستەی پیرۆزی بە لێزمە دێتە خوارێ‌ و خاكی نیشتمان دەرەنگێنێ‌ و زراوی دژمنان دەتۆقێنێ‌. 
هیچ گولێك لەو سوورە گوڵ جوانتر نابێ كە بە خوێنێ‌ شەهید دەگوورێ‌ و پاراو دەبێ. هیچ ئەندامێك لە كۆمەڵی مرۆڤ پلەی ناگاتە پلە و نرخی شەهید كە بەبەخشینی بانترین دەزمایەی خۆی كە گیانیەتی لە رێگای بەرژەوەندی تێكرایی دا و و لە پێناو بیروباوەری پیرۆزی دا، بەرزترین پلەی مرۆڤایەتی بۆ خۆی تۆمار دەكات و ژیانی  راستەقینە بە قیمەتی گیانی كریوە. 
هیچ داستانێك لە داستانی شەهید شیرینتر و هیچ یادێك لە یای شەهید بە نرختر و بە تامتر نییە. یادی شەهید تین و تامان پێ دەبەخشێ و ورەوباوەرمان زیاد دەكا، كڵپە و گڕی ئاگری خەبات هەتا گەیشتن بەئاوات دانامركێ و قەت كەم ناكا. 
یادی ئەمجارەمان یای شۆڕسوارێكی گۆرەپانی تێكۆشانە. یادی شۆرەسوارێكی بەورە و دڵسزی خەباتە كە بەراستی بە سەربەرزی ژیا و بە مەردی سەری نایەوە. 
شەهید محەممەدی قادر جەماڵ لە بنەماڵەیێكی هەژاری كوردەواری لە گوندێك لە كوردستانی عێراق چاوی بە دونیا ی پڕ لە مەینەتی گەلەكەمان هەڵێنا. هێشتا تەمەنی لە 10 ساڵ تێنەپەریبوو كە باوكی لەبەر نەبوونی ئیش بەرەو شاری بانە كۆچی كرد. كەندوكۆسپی  ژیان  و دەرد و ژانی نەداری بوو بە هۆی ئەوەكە شەهید محەممەد بۆ پەیداكردنی پژیو بچێتە شارە دوورەكانی وەڵات و بە ئارەقی نێوچاوان نان و ئاوێك وەدەست بخات. دوای سەركوتنی شۆڕشی گەلانی ئێران و پاش هێرشی ریم بۆ سەر كوردستان ، كاك محەممەد چەكی شەرەفی پێشمەرگایەتی كردە شان و وەك كورە كوردێكی دڵسۆز و خەباتگێر لەبەرانبەر  دژمن دا راوەستا. لەساڵی 1359ی ك. خ دا وەك زۆر لەهاوبیروباوەڕەكانی هاتە ریزی پێشمەرگەكانی خەباتەوە و لە زۆر چالاكی بەرچاودا ئازایانە بەشداری كرد. تاكوو لە رۆژی 18/11/1359 دا لە سەرجادەی سەقز ـ بانە لەسەرپردی میرەدێ‌، لەشەرێكی چەند سەعاتێكدا كە بوو بە هۆی لەناو چوونی دەیان كەس لە هێزی دژمن، بە گوللەی پیاوكوژانی رژیمی خومەینی تاوانبار پێكرا و هەر لەوێ‌ شەهید بوو دڵی پڕ لە ئاواتی لە لێدان كەوت. 
هەزار سڵاو لە گیانی پیرۆزی بێ.
ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی شه‌هیدان
· بابه‌ته‌کانی دیکه‌ له‌ لایه‌ن bahrami


بابه‌تی به‌ڕه‌واج له‌ بواری شه‌هیدان:
ژمارێک له هاورێ یانی شه هید له سه قز و ناوچه كه ی


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان