ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 15 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

پەیامی پیرۆزبایی بەرێز سكرتێری گشتی سازمان بەبۆنەی یادی لەدایكبوونی پێغەمبەری ئیسلام

پەیامی بەرێز سكرتێری گشتی سازمان بەبۆنەی بوومەلەرزەكەی دوێنێ لە كوردستان

كاك بابەشێخی حوسێنی: دابەشكردنی كوردستانی ئێران بەسەر ئەم هێز و ئەو هێزدا رەد دەكەینەوە

پیرۆزبایی كاك بابه‌شیخ حوسەینی سكرتیری گشتی سازمان بۆنه‌ی جێژنی خاوه‌ندكار

شەهیدكرانی ئەركان شەریف رۆژنامەنووس و وێنەگری كوردستان تی وی مەحكوم دەكەین

بەرز و بەرێز بێ 10ی خەزەڵوەر رۆژی پێشمەرگەی سازمانی خەبات ی كوردستانی ئێران

سازمانی خه‌بات هێرشی پاسداران و حەشدی شەعبی بۆ سه‌ر هه‌رێمی كوردستان مەحكوم ده‌كات

پەیامی هاوخەمی دەبیرخانەی ناوەندی بۆ خانەوادەی مامۆستا كەریم زەند

پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان

راگەێندراوی سازمانی خەبات لەسەر هەڕەشەكانی رژیمی ئێران بۆ سەر هەرێمی كوردستان

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9580191
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 32

مامۆستا سەید جەلالدین حسینی، چۆڵەچرای رێبازی كوردایەتی!

مێژووی ناردن : Wednesday, July 19 @ 15:20:56 UTC

عەلی بەهرامی
مامۆستا سەید جەلالدینی حوسەینی، ئەو رێبەرە فیداكار و قارەمان و نەتەوەییە بوو كە زیاتر لە 64 ساڵی ژیانی بۆ خزمەت بە خەباتی رەوای گەلەكەی تەرخان كرد . مامۆستا هەر لە هەڕەتی لاوێ تیەوەو بە ئەندامێتی لە كۆمەڵەی ژێكاف دەستی به كاری سیاسی كرد و تا دوا پشوو رێبواری رێبازی كوردایەتی بوو.


لە دوای كۆمار، مامۆستا لە راپەرینی جوتیاران دژبه  ئاغا خوینمژ و چەوسێنەرەكان،  پشتیوانی لە جوتیاران كردوە و ئەو چینە زەحمەتكێشەی كوردستانی بە زانیوەو تا كۆتایی راپەرینی جوتیارانیش دەستی لە پشتیوانی كردنیان هەڵنەگرت. هەروەها لە سەرهەڵدانی خەباتی ساڵانی  46- 47دا پشتیوانی له خەباتكاران كردوو ئەوندەی لە توانای دا بوو پاراستوونی و لە راپەراندنی كارەكانیاندا هاوكاری كردوون. 
مامۆستا لە كاتی شۆرشی ئەیلوڵدا چاوی هۆمێدی لەو شۆرشەی گەلەكەمان لە باشوور بووەو چەندین شیعری لە بە سەر پێشمەرگەو شۆرشی ئەیلولدا هۆنیوەتەوەو دڵخۆش بووە بە سەركەوتنەكانی و خەمبار و داخدار بووە بە هەرس هێنانی. هەروەها لە كاتی تەعریب و راگواستنی خەڵكی گوندەكانی باشوری كوردستان بۆ كۆمەڵگە زۆرەملیەكان، رێگەی بە خەڵكی ناوچە سنووریەكان نەداوە  كە ماڵ و مەڕ و ماڵاتی كوردانی باشوور تاڵان و هەرزان فرۆش كەن و هانی داون لەو زروفەدا بەشێوەی جۆراوجۆر یارمەتیان بدرێ.
هەر لە زەمانی دەسەڵاتداری شادا مامۆستا لە كوردستان ئەوەی دژی ئەو رژێمە بووبێ پەنای داوەو هاوكاری كردوون و دڵی داونەوەو هانی داون بەردەوام بن لە دژایەتی كردنی رژێم و درێژە بەو خەتی موبارەزەكەیان بدەن، هەر لەو چوارچێوەدا لە بانە پشتیوانی له نەیارانی تەبعید كراو كردووە، و هەر بە یەكەم جەرەقەی ناڕەزایەتیەكان مامۆستا لە بانەو ناوچەكانی دیكە كەوتە هاندانی لاوان و جەماوەر بۆ راپەرین.
هەوڵ و پێشەنگایەتی مامۆستا لە راپەرینەكاندا، شاری بانە كردە ناوەندێكی گرینگی خەبات دژ بە رژێمی شاو هەر زوو دەسەڵات و هێژموونی رژێم لە بانە لاوازبوو و دەسەڵاتی سەرەكی كەوتە دەست خەڵك و رێبەران و بەدیاری كراویی مامۆستا سەید جەلالدینی حسینی. مامۆستا لە دوای رێكخستنی راپەرین لە بانە، كەوتە شار و ناوچەكانی دیكە و بۆ شەهیدانی سەردەشت چووە ئەو شارەو هانی جەماوەریدا كە لە راپەرین بەردەوام بن و ئەوان بە هەموو شێوەیەك پشتیوانی سەردەشت دەكەن. لە سەقزیش، بۆ یەكەمجار كە راستەوخۆ هێرش كرابێتە سەر شەخسی شا لەلایەن مامۆستا سەید جەلالدینەوە بووە , روو لە شا ووتی " پدەر سوختەی لووت كەڵەشاخ چی لە خەلك دەوێ"، لە دوای ئەو هێرشەی كرایە سەر شا، راپەرینی جەماوەری سەقز رەنگێگی دیكەی بەخۆوە گرت و ئەو ترسەی حكومەتی شا دروستی كردبوو لە دڵی زۆراندا رووخا.
لە بۆكان و چەندین ناوچەی دیكەش بە هەمان شێوە ئامادەی ناشتن و بەخاكسپاردنی شەهیدان بووەو وەك هەلێك كەڵكی لێوەرگرتووە بۆ هاندان و نێڵدانی كوڕەی خەباتی جەماوەر و هەتا رووخانی رژێمی شاو سەركەوتنی خەبات و راپەرینی جەماوەر بەردەوام بوو لە رێبەرایەتی كردنی خەڵكی وەزاڵەهاتووی كوردستان.
لە دوای راپەرین مامۆستا سەید جەلالدین دام و دەزگاكانی ناوچەی بانەی رێكخستەوەو رێگەی نەدا كار و باری خەڵك راوەستێ و لەو ماوەدا بەرێوەبەری كار و باری خەڵكی وەئەستۆ گرت و بە جۆرێك كاری ئیداری شاری بانەی دارشت لەو ماوەدا  كەمترین كەم و كورتی هاتەپێش.
هاوكات لەگەڵ سەروسامان دانی كار و باری خەڵك، مامۆستا لە رێنوێنی و هاندان و دامەزرانی هێزی پێشمەرگە رانەوەستاو لەو ماوەدا لەگەڵ حكومەتی بازرگان كەوتە هەوڵ بۆ وەرگرتنی چەك و چۆڵ و رێكخستنی هێزی بەرگری بۆ پاراستنی ناوچەكە، بەڵام ئەوەی راستی بێ مامۆستا كۆكردنەوەی ئەو چەكانەو دامەزرانی هێزی پێشمەرگە لە ژێر ناوی هێزی بەرگری بۆ ئەو دوور بینیەی دەگەرایەوە كە بەرێزیان هیچ ئومێدێكی بە حكومەتی خومەینی نەبوو وە پێی وابوو ئاخوند جێی باوەر نین و جەماوەر و هێزی پێشمەرگە دەبێ ئامادە و تەیار بن و لە هەر ئەگەرێك دا بەرگری لە خاك و نیشتمان بكەن. جوێ لەوە لە ساڵی 1358 دا كەوتە گەران بە ناوچە جیا جیاكانی كوردستانداو كۆڕ و كۆبوونەوە و میتینگی جۆراوجۆری بۆ جەماوەری شارەكان سازدەكرد و لە سیاسەتەكانی حكومەتی نوێی ئاگادار دەكردنەوەو هانی دەدان كە ئامادەی هەر جۆرە رووبەرووبوونەوەیەكی هێزەكانی حكومەت بن.
هەر لەو ساڵەدا بوو پێشبینیەكانی مامۆستا وەراست گەراو رژێمی خومەینی كەوتە هەڕەشەو هێرش كردنە سەر كوردستان. ئەوەی جێگەی باسە ئەوەیە كە هێزە داگیركەرەكانی رژێم لە دوای هێرش بۆ سەر كوردستان گەورەترین كۆسپ و شكستیان لە ناوچەی بانە تووش بوو، ئەوەش بۆ ئەوە دەگەرایەوە كە مامۆستا سەید جەلالدین بە شێوەی مەیدانی و راستەوخۆ سەركردایەتی بەرگری كردنی لە خاكی كوردستانی دەكرد.
لە ماوەی شەڕی داسەپاوی سێ مانگەدا هێزی پێشمەرگەی دەفتەری مامۆستا كە لەلایەن مامۆستا سەید جەلالدینەوە سەركردایەتی دەكران توانیان چەندین قارەمانەتی وەك شەری كامیاران، شەری قەرەچیاوەی سەقز، شەری كەلی خان و شەری 10ی خەزەڵوەری 1358 تۆمار بكەن كە لە دوای شەری 10ی خەزەلوەردا هێزەكانی رژێم تووشی شكستی گەورە هاتن، و لە دوای ئەو شكستە جەرگبرەی هێزەكانی رژێم، خومەینی ناچار بە پاشەكشەو ئاگربر و دەست پێ كردنەوەی وتووێژەكان لەگەڵ كورد بوو.
لە دوای ئەوەی مامۆستا شێخ عزەدین رایگەیاند كە هێزی پێشمەرگەی نیە، حاشای لە بوونی هێزی پێشمەرگەی دەفتەر كرد، مامۆستا سەید جەلالدین لەگەڵ هاورێ و هاوفكرەكانی سازمانی خەباتی كوردستانی ئێرانیان لە 27ی ئاگۆستی 1980 دا دامەزراند. ئەگەر چی مامۆستا هەموو كات هەوڵی دەدا یەكیەتی و یەكریزی نێوماڵی كورد پارێزراو بێ و پێكەوە بتوانن لەبەرامبەر هێزەكانی رژێم دا بوەستنەوە، بەڵام هەر بە دامەزرانی سازمانی خەبات كەوتە بەرهێرش و پەلاماری هێزە كوردستانیەكان و بەداخەوە ئەو مڵملانێ و دژایەتیانە بوونە هۆی زەرەر و زیانێكی بەرچاو هەم لە سازمانی خەبات و بە گشتیش بزوتنەوەی نەتەوەیی گەلەكەمان لە كوردستانی رۆژهەڵات.  مامۆستا لەگەڵ ئەو جۆرە هەڵسوكەوتە ناسیاسی و ناشۆرشگێڕیانەدا نەبوو وە هەموو كات بانگەشەی ئەوەی دەكرد كە بە یەكیەتی و برایەتی نێوان ئەحزاب دەتوانین باشتر لە بەرامبەر رژێمی ئێراندا بوەستین و هانی هێزی پێشمەرگەی دەدا كە لە حاست هەڵسوكەوتە ناشۆرشگێڕی و غەیرە دیموكراتیەكاندا دیان بەخۆدا بگرن و وزەی خۆیان بۆ دژایەتی رژێم تەرخان بكەن. مامۆستا هەر لە سەرەتاوە پێی وابوو كە بە دوور لە جیاكردنەوەی خەتی  فكری  و حیزبی، هەمووان لە راستای سەرخستنی خەباتی نەتەوەی كوردا تێبكۆشن، بە پێچەوانەوە سەركەوتنی بزوتنەوەی نەتەوەیی و شكستی هێزەكانی رژێم حەستەم دەبێ.
هەر بۆیە ئەگەر چاوێك لە رابردووی سازمانی خەبات بكەین هیچ كات دەست پێشخەر نەبووە لە هەڵگیرسانی شەر و ململانێی حیزبی، بەڵكوو تەنها هەوڵی داوە دیفاع لە خۆی بكات و بۆ مانەوەی لە مەیدانی خەباتدا تێكۆشاوە.
حاشا هەڵنەگرە كە ئەو رێبەرەی كورد بۆ سەرخستنی سازمانی خەبات و بزوتنەوەی نەتەوایەتی گەلەكەمان لە هیچ شتێك درێغی نەكردوەو لەو راستایەدا بە ماڵ و گیان ئامادەی خزمەت كردنی بزوتنەوەكەی بووەو باج و نرخێكی زۆری داوە.
مامۆستا لە چاونەترسی و پیاوەتیدا گوڵی سەرچڵ و لە عیلم و زانست دا دەریای بێ بن بوو، هەر لە هەڕەتی لاوێنیەوە چاوی بە هیچ داگیركەرێكی كوردستان هەڵنەهاتووەو بۆ دژایەتی كردنیان لە هیچ هەنگاوێك سڵی نەكردوە، هاوكات لە باری عیلمیەوە شارەزای مێژووی كورد و كوردستان و نەتەوەكانی دەوروبەر، زانستی ئایینی و زمان و ئەدەبیاتی كوردی و فارسی و عەرەبی بووەو بە دەیان قەسیدەو شیعر و پەخشانی بە هەر سێ زمانەكە هەیە،  لە باری شیعر و ئەدەبیاتەوە خاوەن هەستێكی ناسك بووەو هەستی شۆرشگیِرانە بەتایبەت لە شێعرەكانی دا رەنگدانەوەی زۆری هەبووە.
ئەو رێبەرەی گەلەكەمان باوەڕێكی زۆری بە دیموكراسی و پێكەوە هەڵكردن و فرەیی هەبوو، نمونەی هەرە روون ئەوەیە لە دوای راپەرینی جەماوەری لە ئێران ئەوانەی هاوكاری بوون لە راپەرندنی كار و باری شۆرای شاری بانەدا كەسانێك بوون كە  لە باری فكریەوە چەپ و دوور بوون لە فكر و هزری مامۆستا، بەڵام ئەوەی بۆ مامۆستا گرینگ بوو خزمەتی دۆز و خەڵكەكەی بوو نەك مەسەلەی فكری.
ئەگەر بمانەوێ لە باری سیاسی و خەتی موبارزانی مامۆستا بناسین ئەو قسەی بەس و بەڵگەیەكی روونە كە لە كۆنگرەی چوارەمی سازمانی خەبات دا فەرمووی: خەباتی ئێمە خەباتێكی نەتەوەییە و خەباتی تەبەقاتی و چەپیگەری و ئیسلامی پێوەندیان بە خەباتی ئێمەوە نیە.
ئەو وتەیە لە راستیدا دەرخەری ئەو راستیەیە كە مامۆستا ژیان و ماڵ و سامانی هەموو لە پێناو سەرخستنی بزوتنەوەی رەوای گەلەكەی تەرخان كردوەو سەربەستی نەتەوەی كورد ئامانجی سەرەكی مامۆستا بووە. 
بێ شك رێباز و خەتی نەتەوەیی مامۆستا چۆڵە چرای نەوەی ئێستاو داهاتووی نەتەوەكەمانەو دەبێ بە دوور لە هەر ئایدۆلۆژیەك لە پێناو خزمەت و سەرخستنی بزوتنەوە رەواكەمان یەكگرتوو تەبا بین.

ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی بیروبۆچوون
· بابه‌ته‌کانی دیکه‌ له‌ لایه‌ن bahrami


بابه‌تی به‌ڕه‌واج له‌ بواری بیروبۆچوون:
کورته ێک له ڕوانگه ی سازمانی خه بات له سه ر ڕێبازی نه ته وه یی و وه ڵام دانه وه ێک بۆ هه ندی که س و لایه نی نه یاری ناسیونالیسمی کوردی!!!!.


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان