ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 25 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

سازمانی خه‌بات هێرشی پاسداران و حەشدی شەعبی بۆ سه‌ر هه‌رێمی كوردستان مەحكوم ده‌كات

پەیامی هاوخەمی دەبیرخانەی ناوەندی بۆ خانەوادەی مامۆستا كەریم زەند

پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان

راگەێندراوی سازمانی خەبات لەسەر هەڕەشەكانی رژیمی ئێران بۆ سەر هەرێمی كوردستان

پەیامی سازمانی خەبات ی كوردستان بە بۆنەی دەسپێكی ساڵی خوێندنی 1396- 1397

بانگەوازی خۆپیشاندان بو پشتیوانی و هاودەنگی لە خواستی رەوا و داواکارییەکانی خەڵکی شاری بانە و شارەکانی رۆژهەڵاتی کوردستان

پەیامی بەرێز سكرتێری گشتی سازمانی خەبات بەبۆنەی نارەزایەتیەكانی ئەمرۆی شاری سنە

پەیامی كاك بابەشێخی حوسێنی بۆ خەڵكی كوردستان

پەیامی پیرۆزبایی كاك بابەشێخی حوسێنی بەبۆنەی جەژنی پیرۆزی قوربانەوە

راگەێندراوی سازمانی خەباتی کوردستانی ئێران بە بۆنەی رووداوەکەی گوندە ژۆر له‌ ناوچه‌ی باله‌كایه‌تی

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9460329
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 26

لێدوانی سێ كەس لە ئەندامانی كۆمیتەی ناوەندی سازمان سەبارەت بە شانۆی هەڵبژاردنی رژێم و بژاردەی بایكوت

مێژووی ناردن : Tuesday, May 16 @ 13:54:52 UTC

تایبەت بە خەباتمێدیا: لە 29ی بانەمەڕدا رژێم شانۆی هەڵبژاردنەكانی سەرۆك كۆماری و شۆرای شار و گوندەكان بەرێوەدەبات، لە بەرامبەردا سازمانی خەبات و 5 لایەنی دیكەی كوردستان لە بانگەوازێكی هاوبەشدا ئەو شانۆگەریانەیان تەحریم كردوە و داوایان لە جەماوەری كوردستان و ئێران كردوە نەچنە سەر سەندوقەكانی دەنگدان، بەتایبەت ناوەندی ژنانی رۆژهەڵات داوای لە خەڵك كردوە لەو رۆژدا لە ماڵەكانیان نەمێنن و بچن بۆ داوێنی سەروشت و سەیران.



بۆ ئاگادار بوونی زیاتر لە روانگەی سازمانی خەبات و رێكخراوەكانی ژنان، لێدوانمان لە سێ كەس لە ئەندامانی رێبەری سازمانی خەبات، بەرێزان زێنەب حوسێنی، شیلان موحەمەدی و ئەوین فەرەجی وەرگرتووە. كە بەم شێوەیە پێناسەی هەڵبژاردن لە چوارچێوەی رژێمدا دەكەن و هۆكانی بایكوت و تەحریمیش دەخەنە ڕوو.

شیلان محەمەدی لەو بارەوە دەڵێ: رژیمی ئێران رژیمێكی خاوەن بیرو ئیدەی دژە مرۆڤانەی دیكتاتۆریە كە ماوەی 4 دەیەیە سیستەمێكی پڕ لە جیاوازیی و ناعادیلانەی بەسەر جەماوەری ئێراندا داسەپاندووە. هەڵبژاردن لە هەروڵاتێكدا لەسەر كۆمەڵێك بنەماو پرەنسیپی دیموكراتیك بەرێوەدەچێ و كاری پێ دەكرێ، هەڵبژاردن كاتێك دروست و یاساییە كە هەموو بنەماكانی دیموكراسی لەبەرچاو گیرابن و تێیدا خۆ كاندید كردنی كەسانی شیاو، بوونی مافی خۆپاڵاوتن بۆ هەموو تاكێك بە بێ جیاوازیی رەگەزی و نەتەوەی و ئایین و... و هەروەها هەڵبژاردنێكی دروست و بێ فرت و فێل و لەفەزایەكی دیموكراتیك دا بەرێوە بچێ. لە وڵاتی ئێرانی ژێر دەسەڵاتی ئاخونداندا هچ كامێك لەو بنەمایانە بوونیان نیەو هەڵبژاردنیش تێیدا تەنیا شانۆیەكە روو بە دەرەوە و بۆ فریودانی بیرورای گشتی جیهان و چاوی وڵاتانی زلهێز. ئافرەتانیش كە چینێكی گرنگی كۆمەڵگا پێك دێنن، لەوڵاتی ئێراندا بێبەشترین و چەوساوەترین چینی كۆمەڵگان و خراپترین و نەشیاوترین یاساو رێسایان لەبەرانبەردا پێڕەو دەكرێ و ماف و ئازادیان پێشێل و سەركوت دەكرێ، لەگەڵ ئەوەیدا كە لە بەرێوەبەری وڵاتدا كەمترین دەسەڵاتیان هەیەو رژیم لە شوێنگەلێك دایاندەنێ و دەسەڵاتیان پێ دەدا كە نزمترین پلەی بەرێوەبەرین و دەسەڵاتی پیاوسالارانەو دژە مرۆڤانەی خۆیان بەسەریاندا زاڵ دەكەن. بۆیە هەنگاو هەڵێنان بەرەو سندوقی هەڵبژادنەكانی رژیم، هەنگاو هەڵێنانە بەرەو زیاتر بێ مافی و هەنگاونانی زیاتر بەرەو سەركوت و زوڵم و چەوساندنەوە و بەڵێ وتنە بە دەسەڵاتێكی تا سەر ئیسقان دژی بنەماكانی ئازادی و مافەكانی مرۆڤ . نەچوونە سەر سندوقی دەنگ دان و نا وتن بە ویلایەتی فەقێه شێوەیێكە لە جۆرەكانی خەبات و بردنە پێشەوەی كۆمەڵگای مەدەنی لە رێگەی نافەرمانی كردن و گەراندنەوەی سەروەری و سەربەرزییە بۆ كۆمەڵ و تاك.

زێنەب حوسێنی: هەڵبژاردن و مافی خۆپاڵاوتن، بەکۆڵەکەی گرینگی دیموکراسی ئەژمار دەکرێن. هەڵبژاردنی ئازاد خاوەن هێندێک تایبەتمەندیەکە دەبێ لەبەرچاوبگیردرێن. لادان یان پێداچوونەوە بە جۆری هەڵبژاردن کە لە سیستمی دیموکراتیکدا پێناسەکراوە، بەشێواندنی ئەم چەمکە دادەنرێ و ئێنتخابات ماناو مەفهومی خۆی لەدەست ئەدات. ڕژیمی دیکتاتۆری ئاخوندی بۆ شەرعیەتدان بە دەسەڵاتی دیکتاتۆرانەی، مانا و کاکڵی هەڵبژاردنی وەک بەشێک لە دیموکراسی تێک داوە. کاتێک هەڵبژاردن ماناو مەفهومی خۆی دەبەخشێت کە لەنێوان ڕەنگ وباوەڕە جیاوازەکان ئەنجام بدرێت. بۆ وێنە ڕژیم لەنێوان چەند بەربژێری باوەڕپێکراوی خۆی بۆ پۆستی بەناو سەرۆک کۆمار،کێبەرکێی هەڵبژاردن وەڕێ دەخات و نێوی دەنێ هەڵبژاردن. ئیتر ئەوپرسیارە لەخۆی ناکات ئەرێ خەڵک لەنێو ئەم بەبژێرە ڕژیمیانە کە مۆرەی گرینگی دەسەڵاتن و خاوەن یەک ئیدەو بیر کردنەوەن کامیان هەڵبژێرێت؟؟ خولی پێنجەمینی شۆڕای ئیسلامی شارو دێ کە لەڕاستیدا وەک هەڵبژاردنەکانی دیکەی ڕژیم شانۆیێکی گاڵتەجاڕانەیە، هاوکات کراوە لەگەڵ هەڵبژاردنی سەرۆک کۆمار. لە پێکهاتەو گرێدانی ئەم بەناو هەڵبژاردنانە وورد بینەوە، ئەوەمان باشتر بۆ ڕوون دەبێتەوە کە ئامانجی ڕژیم لەوەڕێ خستنی ئەم بازاڕە چیە! ڕژیم لە وەڕێخستنی بازاڕو تەنووری هەڵبژاردن، مەبەستیەتی خەڵک ڕاکێشێتە سەرسندووقی دەنگدان و وەک فیلمێکی شانۆیی، بە ناوخۆ و دنیای دەرەوەی نیشان بدات و بڵێ ئەمە هۆکاری درێژەدان بەدەسەڵاتمە!! سەبارەت بە بەشداری خەڵک بەتایبەت چینی ژنانی ماف پێشێل کراو لە ئێران، دەبێ ژنان بەخوێندنەوەیێکی بابەتیانە لەماف و ئەرکیان لە ئێرانی ئاخوند لێدراو،تەواویەتی ڕژیم بایکوت بکەن و نەک لەهەڵبژاردن بەشداری نەکەن بەڵکوو لەهەوڵ و تەداروکی شۆڕشێکی بەریندابن کە ماف وئازادیان بۆ بگەڕێتەوە وبتوانن وەک مرۆڤ بژین. بەشداری ژنان لە شانۆی هەڵبژاردن دەبێتە هۆی درێژەکێشانی دەسەڵاتی ڕەشی ئاخوندی. پێویستە ژنان لەم شانۆیەدا بەشداری نەکەن و نەبنە هۆی بێ مافی زیاتری خۆیان. ئێمە وەک ڕێکخراوی ئافرەتانی خەباتی كوردستانی ئێران هەوڵێکی زۆرماندا تا لەگەڵ باقی ڕێکخراوەکانی ژنان کە ئێستا خاوەن ناوەندێکین،کۆدەنگێیک سەبارەت بە بایکوتی هەڵبژاردن دروست بکەین، بەخۆشیەوە هەوڵەکەمان سەری گرت وتوانیمان هاووپێوەند لەگەڵ سازمان وحیزبەکانی دیکە بەیەک دەنگ شانۆی هەڵبژاردن بایکوت بکەین. پێمان وایە بەشداری خەڵک زۆرکەم دەبێت وئەم کۆدەنگیەش کاریگەری خۆی دەبێت و بە یەکێک لەهۆیەکانی لاوازکردنی بازاڕی هەڵبژاردن ئەژماردەکرێت. بەنەچوونە سەرسندووقەکانی دەنگدان، زەربەیێکی توند دەدرێ لەڕژیم و پلانەکانی لەهەمبەر شەرعیەتدان بە حوکمی ناڕەوای پووچەڵ دەبێتەوە.

ئەوین فەرەجیش سەبارەت بەو بابەتە بەو شێوەیە دەدوێ: لەماوەی سی و نۆ ساڵ دەسەڵاتی رژیمی ئاخۆندی تاوەکو ئێستا یازدە جار شانۆی هەڵبژاردن لە ئێراندا بەرێوەچووە، لەم یازدە جارەدا رژیمی ئاخوندی بۆ گەیشتن بە ئامانجەکانی خۆی هەرجارە و بە شێوازێکی فریبکارانە خەڵکی ئێرانی بۆ سەر سندووقەکانی ئێران بانگهێشت کردوە بەڵام هیچ جارێک نوێنەرانی جێگای باوەڕو هەڵبژێردراوی خەڵک نەیانتوانیوە لە فلتێرەکانی شورای نگهبانەوە تێپەڕن و تەنیا ئەوانە توانیویانە هەڵبژێردرێن کە پەیڕەوی ویلایەتی فەقیە و سەر بە رێبەری دیکتاتوری نیزام بن. ئێستا لەم دەورەی دوازدەهەمەش دا کەسانێک متمانەیان پێدراوە کە جێی پەسندی شوڕای نگەهبانن. لە درێژەی تەمەن و دەسەڵاتی ئەم نیزامە دا مۆرەی سەرەکی جورم و جینایەتی دەسەڵاتی حاکم بەسەر ئێراندا بوون. من پێم وایە ئەوانەی کە بۆ ئەو پۆستانە دیاری کراون، پێش لە بەڕێوەچونی شانۆی هەڵبژاردن، لە لایەن دەسەڵاتەوە دیاری کراون و دەنگ و بەشداری خەڵک لەو ناوەدا تەنیا بۆ چاوبەست و تەبلیغاتە. بەم هۆیانەوە ژنان لە ئێران مافخوراوترین چینی کۆمەڵگان هەر بۆیە دەبێ بە شێوەی بەرچاوتر بایکۆتی ئەم هەڵبژاردنە بکەن و نیشانی بدەن کە ژان دەتوانن بە یەکگرتوویی و یەک دەنگی شان بە شانی پیاوان لە دژی پیلانەکانی رژیم هەڵویستی پێویست و مافخوازانەی خۆیان بگرن و بە دەم داواکاریەکانی رژیمەوە نەچن.

ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی به‌ڵگه‌نامه‌کان
· بابه‌ته‌کانی دیکه‌ له‌ لایه‌ن bahrami


بابه‌تی به‌ڕه‌واج له‌ بواری به‌ڵگه‌نامه‌کان:
راگەێندراوی کۆنگرە شەشەمی سازمانی خەبات بۆ جەماوەری کورستان


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان