ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 11 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

دەقی وتاری سازمانی خەبات لە یادی 28ی گەلاوێژ لە هەولێر

راگەێندراوی سازمانی خەبات بە بۆنەی 28ی گەلاوێژ یادی فەتوای جیهادی خومەینی

پەیامی پیرۆزبایی بەرێز سكرتێری گشتی سازمان بۆ رێكخەری گشتی بزوتنەوەی گۆران

ڕاگه‌یندراوی ده‌فته‌ری سیاسی سازمانی خەباتی كوردستان بەبۆنەی‌ حەوته‌مین ساڵیادی کۆچی دوایی مامۆستا سه‌یید جه‌لال حسینی

پەیامی پیرۆزبایی بەرێز سكرتێری گشتی سازمانی خەبات بەبۆنەی جەژنی پیرۆزی رەمەزان

پەیامی سازمانی خەبات بە بۆنەی شەهید بوونی سێ‌ پێشمەرگەی كۆمەڵە

بەرێز بابەشێخی حسێنی سكرتێری گشتی سازمانی خەبات داوایەك پێشكەش بە نەتەوەیەكگرتووەكان دەكا

سی و دووهەمین سالیادی دەنگی خەباتی كوردستان پیرۆز بێ

پەیامی هاوخەمی بەرێز سكرتێری گشتی سازمان بۆ حیزبی شیوعی كوردستان و خانەوادەی عەزیز محەمەد

پەیامی هاوخەمی كاك بابەشێخ حسێنی بەبۆنەی كۆچی دوایی پورە فاتم قادری یەوە

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9303585
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 18

ئێران و دیاردەی پاشماوە گەران لەلایەن ژنان و منداڵانەوە!

مێژووی ناردن : Friday, October 14 @ 08:37:32 UTC

ئا، و: جەخەتوو

یەكێكی دیكە لەو دیاردانەی دەسەڵاتداریی ئاخوندان بەهۆی هەژاری وبرسیەتیەوە بۆ خەڵكی ئێرانی هێناوە، گەڕان لەنێو پاشماوەكانە لەلایەن ژنان و منداڵانەوە.

سیاسەتە دژە خەڵكیەكانی ئاخوندانی دەسەڵاتدار لە ئێران لە ماوەی زیاتر لە سێ دەیەی رابردوودا، جوێ لە لەناوبردنی چینی ناونجی، بەكردەوە كۆمەڵگەی ئێرانی بە دوو بەرەی زۆر جیا یانی زۆرینەی هەژار و كەمینەی دەوڵەمەند دابەش كردوە، بە جۆرێك كە زۆرێك لە خەڵك توانای دابین كردنی ژەمێكی خواردنیان نیە بۆیە ناچارن بۆ بژیوی ژیان روو لە پاشماوەكان بكەن بۆ دۆزینەوەی خواردن و كەلوپەلی كۆنە.



هەر لەو بارەوە رۆژنامەی وەتەنی ئەمرۆ كە سەربە سپای پاسدارانە لە زمان عەلی ئەكبەری سەیاری یەكێك لە جێگرانی وەزیری تەندروستی رژێم نووسی: لە ئێستادا 30 لەسەدی خەڵكی ئێران برسین و نانی ووشكیان نیە كە ئەو ئامارە لەلایەن وەزارەتی خزمەتگوزاریەوە تەئید كراوە. هەژێنەرتر ئەوەیە كە ئەم دیاردەی گەران لە پاشماوەكان رەگەز و تەمەن و ساڵ ناناسێت و خەڵكێكی زۆر لە تەمەنی جیاجیا له ژن و پیاو و پیر و لاو و منداڵ خەریكی ئەو كارەن.

بە هەڵدانەوەی لاپەرەی چاپەمەنی و گوێگرتن لە میدیاكانی رژێم و دیانپێدانانی سەران و مۆرەكانی رژێم دەبینین كه لە كۆمەڵگەی ئێراندا كارەساتێك بەرێوەیە:

هەواڵدەری حكومەتی ئیلنا 17ی ڕەزبەری 95 لەو بارەوە لە زمانی موسەوی چيلك یەكێك لە مۆرەكانی رژێم لە وەزارەتی بێهزیستی نووسی: یەكێك لەو مەسەلانەی لە ماوەی ساڵانی رابردوودا زیاتر بەرچاو دەكەوێ، بوونی كەسانێكە كە بۆ بژیوی ژیان بەناچار لە شەقامەكاندا كار دەكەن و خەریكی سواڵن و منداڵانی كار و سەرشەقام لەوانەن.

ئەو مۆرەی رژێم لە درێژەدا دەڵێ: هەروەها لە ئێستادا لەگەڵ ژن گەلێك بەرەوڕووین كە بە تەنیا بۆ دابین كردنی بژیو ناچارن لە شەقام و میترۆ و پارەكەكاندا كار بكەن، كە بەداخەوە ئەم دیاردەیە تا دێ زیاتر پەرەدەستێنێ‌. خواردن یەكێك لە پێویستیەكانی ئەو ژنانەیە و ناتوانین بڵێین كە ئەو كەسانە بەبێ خواردن بژین. بەهۆی ئەوەی ئەو ژنانە كاریان نیە و بە زۆری گیرۆدەی مەوادی هۆشبەرو ئەو بابەتانەبوون خەڵكیش هاوكاریان ناكەن.

لە ئاكامدا یەكێك لە رێگەكانی دابین كردنی بژیو بۆ ئەو ژنانە جوێ لە لەشفرۆشی، رووكردنه لە پاشماوەكان و بۆ دۆزینەوەی كەل و پەل و پاشماوەی خواردنی خەڵك هەوڵ دەدەن، یان ئەوەی كە لە ناو پاشماوەكاندا ئەو كۆنانە بدۆزنەوە كە بۆ فرۆشتنەوە ببێ و بەشێك لە پێویستیەكانیان بەو پووڵەی بەدەست دێ، دابین بكەن.

ماڵپەری هەواڵی ئومێد 14ی ڕەزبەری 95 لە پێوەند بەو ژنانەی لە پاشماوەكاندا دەگەڕێن و كێشەكانی بەردەمیان نووسی:  زۆر جار ئەو ژنانە لەلایەن پیاوانەوە دەستدرێژی جينسیان دەكرێتەسەر یان لێیان دەدرێ. زۆرجار دەبیستین كە ئەو دەستكەوتانەی لە پاشماوەكان بەدەستیان هێناوە بە زۆر لێیان وەردەگیری یان بە نرخێكی زۆر كەمتر لێیان دەكڕن. تێكڕای ئەو بابەتانە دەرخەری دۆخی ناڵەبار و ناسكو بێ بەرگەیی ئەو كەسانەیە. ئەوەی كە بوونی هەیە و ئێمە ناتوانین كەتمان و حاشای لێبكەین، بوونی كۆمەڵێكی بەرچاو لەو ژنانەیە كە بەهۆی هەژاری و گیرۆدەییان بە مەوادی هۆشبەر، خەریكی كاری گەران لەناو پاشماوەكاندان.

هەواڵدەری حكومەتی ئیسنا 14ی ڕەزبەری 95 نووسی: پاركی شار، شوش، دەروازەغار، مەولەوی، سێڕای ئازەری، فەرەحزاد، پاركی لەویزان، ئەمانە تەنیا بەشێكن لەو شوێنانەی تاران كە تیایاندا جوێ لە پیاوان منداڵان، و هێندێ جار لەگەڵ ئەو ژنانەدا رووبەروو دەبی كەله پاشماوەكاندا دەگەڕێن. زەرپیز، هەڵاوسانی پیست و باقی حەساسیەتەكانی كە بەهۆی پێوەندی راستەوخۆی دەست لەگەڵ كەل و پەلی پیس تووشی مرۆڤ دەبێ ئەو نەخۆشیانەن كه لە كەمینی ئەو كەسانەدایە كە لە پاشماوەكاندا دەگەڕێن.

هەواڵدەری حكومەتی ئیرنا 30 گەلاوێژی 94 لەژێرناوی "نانی دۆزراوە لەسەر سفرەی پاشماوەگەڕەكان" نووسی: خەڵكێك كە لە نێو پاشماوەكانی شاردا بە دوای كەلوپەلگەلێكدا دەگەڕێن بۆ ئەوەی بە فرۆشتنیان پووڵ دەستخەن و لەو رێگەوە خەرجی ژیانی خۆیان دابین بكەن. ئەو پاشماوانە لە پشتی كێوی "بابا موسا" لە بجنوردە.

هەواڵدەری فارس ی سەر بە سپای پاسداران 5ی جۆزەردانی 95 لە راپۆرتێكدا لە ژێرناوی "گەران لە ناو پاشماوەكان رێگەیەك بۆ خۆ رزگاركردن لە برسیەتی" نووسی: ئەمرۆژانە گرانی خەرجی ژیان، پاشماوەكانی كردوە بە سەرچاوەی داهات، ئەوانەی لە پاشماوەكاندا دەگەرێن بەهۆی سەختی ژیان و نەداری و بێكاری و بێ لانەیی و گیرۆدەبوون بەمەوادی هۆشبەر و هەزار هۆی دیكە روویان لەو كارە كردوە.

رۆژنامەی حكومەتی عەسری ئێران 14ی ڕەزبەری 1395 لە ژێرناوی كاروباری ئەو ژنانەی پاشماوە كۆدەكەنەوە، نووسی: ئەوەی زۆربەی ئەو ژنانەی پاشماوە كۆدەكەنەوە گلەییان لێی هەیە هەلسوكەوتی هێزەكانی شارەوانی و ئەو كەسانەیە كە بەشێوەی نافەرمی پاشماوەكان لێك جیا دەكەنەوەو بەناوەندەكانی هەمار (ئەنبار)ی پاشماوەی دەدەنەوە، هەروەها لە زاری یەكێك لەو ژنە چەوساوانەوە دەنووسێ: شارەوانی دەڵێ پاشماوە هیی ئێمەیەو ئێوە مافی كۆكردنەوەی پاشماوەكانتان نیە. جاپاشماوە كۆنەكەینەوەو دەسفرۆشی نەكەین ئەی چۆن زكمان تێر كەین؟ لەژێر لچەوە دەڵێ: دەڵەی لەم وەڵاتەدا زەرفی پاشماوەكانیش خاوەنیان هەیە.

مالپەڕی حكومەتی سەلامەت نیوز 14ی ڕەزبەری 95 لە زاری لەیلا ئەرشەد یەكێك لە مەدەدكار و فریادرەسانی كۆمەڵایەتی تەئكید لەسەر ئەوە دەكاتەوە كە خەسارە كۆمەڵایەتیەكان لەوێوە سەرهەڵدەدەن كە نادادپەروەری لە دابەش كردنی سەرچاوەكاندا كرابێ و دەنووسێ: ئەو ژنانەی لە پاشماوەكاندا دەگەڕێن بەهۆی مەسەلە جەستەیی و رەگەزیەكانیانەوە لەگەڵ زۆر كێشە رووبەروو دەبن. بێ توانایی لە جیاكردنەوەی پاشماوەكان و ناشارەزایی لە جۆری كار و بازاری پاشماوەكان، زۆر جار دەستكەوتەكانیان بە كەمترین نرخ لەلایەن كڕیارەكانه وه دەكڕدرێ.

زوڵم و چەوساندنەوەی ژنانی پاشماوەگەڕ لەلایەن مۆرەكانی شارەوانی و پەیمانكارەكان:

كاتێ مۆرەكانی شارەوانی و پەیمانكارەكانی سەربەو دەزگایەی رژێم زوڵم  لە ژنان و منداڵانی چەوساوە و بێ بەش دەكەن، بۆ رژێم مایەی شەرم و روورەِشيه. لەو بارەش ئەگەر سەرێك لە چاپەمەنی و قسەی مۆرەكانی ئەو رژێمە بدەین پەی به كارەساتی گەورە لە كۆمەڵگەی ئێرانی ئەسیری ئاخوندان دەبەین.

رۆژنامەی حكومەتی عەسری ئێران 14ی ڕەزبەری 1395 لە زمانی یەكێك لەو ژنانەی كە بە شەودا پاشماوەكان دەگەڕێ و پاشماوە كۆدەكاتەوە، كەلە ناكاو ماشینێكی سپای لێ پەیدا دەبێ، دەنووسێ: شارەوانی بە رۆژدا ناهێڵێ كار بكەین، ئەگەر ببینن خەریكی كۆكردنەوەی پاشماوەین لێمان وەردەگرن و دەیكەنە ماشینی تایبەت بە كەلوپەلە دۆزراوەكان. ئەوەش لە حاڵی شەوان....

هەر ئەو سەرچاوەیە دەرێژە دەدا: لە كێشە بنەڕەتیەكانی ئەو ژنانەی پاشماوە خڕ دەكەنەوە ئەوەیە كە دەستكەوتەكانیان بە كەمترین نرخ لێ دەكڕن، چوونكە شارەوانی راستەوخۆ پاشماوەكان لە ژنان ناكڕێ بۆیە ناچارن بی فرۆشن بەوانەی كۆنە و پاشماوە دەكڕن، ئەوانیش ئەوندەی بۆ حیساب ناكەن، بۆ یەك كیلۆ ئالەمنیۆم هەزار بۆ دوو هەزار تمەن دەدەن. ئەويش ئەگەر پیاوەكان پێ یان نەدەگوتن ئەوندەشیان بۆ حیساب نەدەكردن.

هەواڵدەری حكومەتی ئیسنا 14ی ڕەزبەری 95 دەنووسی: زۆربەی ئەو كرێكارانەی پاشماوە كۆكردنەوەیان كردۆتە پیشە، لە راستیدا بوونە كەرەستەی هەرزان بۆ دەڵاڵەكانی كڕینی پاشماوە. لەو نێوەدا دۆخی ژنان و منداڵان كە هیچ پشتیوانیەكیان نیە و بەهۆی برسیەتی و نەداریەوە سەردەكەن بەناو سەتڵی پاشماوەكاندا زۆر خراپترە.

ماڵپەڕی حكومەتی سەلامەت نیوز 24ی جۆزەردانی 95 لەو بارەوە دەنووسێ: كۆكردنەوەی پاشماوە لە هەموو جیهان ئەركی شارەوانیە. لێرە شارەوانی ئەركی خۆی بە پەیمانكارەكانی سپاردوەو ئەركەكانی خۆی بەجوانی جێبەجێ ناكا. لێرەدایە كە كارەساتەكە دەست پێدەكاو منداڵ دەچێتە دونیای پاشماوەكانەوە.

رۆژنامەی حكومەتی پارسینە 17ی سەرماوەزی 93 سەبارەت بە كۆكردنەوەی پاشماوەكان لە پارێزگای تاران نووسی: ئەوانەی پاشماوە كۆدەكەنەوەو هەماری دەكەن لە قەراخ و كەناری تاران و شارەكانی دەورووبەر هەماری تایبەتیان هەیە، یان ئەوەی كەلوپەلە كۆنەكان لە ماڵەكانیان لێكجیا دەكەنەوەو هەماری دەكەن. ئەوانە ژمارەیەك لەو كەسانە دەناسن كە كۆنەكان دەكڕن و سات و سەودای خۆیان لەگەڵ ئەو كەسانە دەكەن.

رۆژنامەی ئیبتيكار 27ی رێبەندانی 86 لە زاری بەناو كارناسێكی ژینگەیی رژێم نووسی: تێكڕای ئەو كەسانەی خەریكی ئەو كارە ناقانوونیەن تووشی كێشەی رۆحی و جەستەیی بوون و بەهۆی پێوەندی لەگەڵ پاشماوە پیسەكان و كەلوپەلی تیژی وەك ئاسن و شیشە هەڵگری نەخۆشیگەلی وەك ئیدز و هیپاتیتن. بەڵام تەنیا شتێك بۆ خاوەنكاری ئەو پاشماوە دزانە گرینگە ئەو سوودەیە كە لەو رێگەوە پێیان دەگا.

هەواڵدەری حكومەتی ئیسنا 17ی سەرماوەزی 95 وێڕای ئیشارە بەوی كە تاجرانی پاشماوە شوێنی دیاریان نیە نووسی: دۆزینەوەی كریارانی كۆنەو پاشماوە كارێكی قورس نیە. زۆربەیان لە ئینتێرنێتدا ئاگاداریان بڵاوكردۆتەوە و هەر كەسەو بەپێی شاره زايى خۆی پاشماوەو كۆنەكان دەكڕێ.

هەروەها هەواڵدەری حكومەتی مێهر 6ی بەفرانباری 94 لە زمانی یەكێك لەو ژنانەی پاشماوەكان دەگەڕێ، لە وەڵامی ئەو پرسیارەی كە ئەو پاشماوانە بەكێ و لە كوێ دەفرۆشێ، نووسی: ئەگەر ناوی یەكێكیان بێنم لەلایەن شارەوانیەوە دەگیرێ و رۆزی و بژیوی خۆم دەبڕم.

راگەیاندنی رژێم و ئێعتراف بە بوونی منداڵی كارو پاشماوەگەڕ:

یەكێك لە خراپترین كارەساتەكانی كە رژێمی ئاخوندی بەسەر منداڵانی دا هێناوە ئەوەیە كە منداڵان بەجێى یاری و ژیانی منداڵانە و چوونە قوتابخانە، تووشی كاری كۆكردنەوەی پاشماوەو كۆنە بوون.

ئەو منداڵانەی هەموو ژیانی منداڵیان خەریكی كۆكردنەوەی جیاكردنەوەی كەل وپەلی كۆنەن و لە سەرەتایی ترین خزمەتگوزاری تەندروستی بێ بەشن، بۆ ئەوەیە كە رێژەیەكی كەم پووڵ لە خاوەنكار وەرگرن.

ماڵپەڕی حكومەتی رێگەی دانا 30ی بانەمەڕی 95 وێرای بڵاوكردنەوەی راپۆرتێك لەسەر منداڵێك كە خەریكی گەران لەناو پاشماوەكانە، دەنووسێ: هێشتا سەرەتای شەوە كوڕێكی 8 ساڵان كە باڵای هێشتا بەقەد سەتڵ و زەرفی پاشماوەكان نابێ و بە هاوكاری هاورێكەی و لاركردنەوەی سەتڵەكە دەچتە ناوی و بۆ پاشماوە دەگەڕێ و هەرچەند چركە جارێك سەر دەردێنێ و شتێك دەداتە دەست هاوڕێكەی، بینینی ئەو حاڵە زۆر هەژێنەڕە.

هەواڵدەری حكومەتی مێهر 6ی بەفرانباری 94 لە ژێر ناوی " پەتای گەنج دۆزینەوەی پیس لە شاردا" خێرەكەی دەڵاڵان دەیبەن، نوسی: لە شاری بیرجەند گەران لە پاشماوەكاندا بۆتە پەتایەك كە دەگوازرێتەوە، رۆژانە خەڵكێكی زۆر بەدەر لەبابەتی تەمەن و رەگەز، دەچنە ریزی ئەو كەسانەوە. لەمرۆدا لە هەر شوێنێكەوە تێپەڕ دەبی دەبینی خەڵكێكی زۆر بۆ دابین كردنی ژیانیان سەریان كردوە بەناو پاشماوەكاندا و لە ناو ئەو پاشماوانەدا بۆ بژیوی ژیانیان دەگەڕێن.

ماڵپەڕی سەلامەتنیوز 24ی جۆزەردانی 95 راپۆرتێكی لەژێر ناوی "گەڕان لەناو پاشماوەكان" چەوسانەوەی شاراوەی منداڵانی كاره، نووسی: كاری منداڵان ناقانوونیە، بەڵام ئێستاش كه پێ دەنێینە شەقامەكان كەم نین ئەو منداڵانەی كە لە چواررێیانەكاندا گوڵ دەفرۆشن و لە میترۆكاندا پێ بەپێی دایكیان دەستفرۆشی دەكەن. ئەو منداڵانە لەچاو هاوتەمەنەكانیان كە لە كورەخانەكاندا كار دەكەن لە دۆخێكی باشتردان. وە ئەو منداڵانەی لە كورەخانەكاندان هێشتا زۆر خۆشبەختترن لەو منداڵانەی لە ناو پاشماوەكاندا خەریكی دۆزینەوەی كۆنەو پاشماوەن.

ماڵپەڕی حكومەتی سەبا لەژێرناوی كەس هەستی بە منداڵیم نەكرد لە ناو پاشماوەكاندا، دەنووسێ: ئەگەر تەنیا 10 دەقیقە لە شەقامێكدا چاوەرێ بین نزیك بە 30 منداڵ كە لە زبڵ و پاشماوەكاندا دەگەرێن و دەم و دەستیان روتەو هیچی پێوەنیە، دەبینین كە زۆربەی ئەو منداڵانە هەڕەشەی تووشبوون بە ئیدز و هیپاتیتیان لە سەرە.

بەڵێ، ئەوە دیاری رژێمێكە كە رۆژگارێك بە فێڵ و فتووری تایبەتی خۆی، شیعاری هێنانی پووڵی نەوتی بۆ سەر سفرەی خەڵك دەداو بەڵێنی برق و ئاوی مفت و بەلاشی دەدا. بەڵام لە راستیدا هەژاری و دۆخی كارەساتباری ژنان و منداڵانی ئێران، لە ئاكامی دزی و بەتاڵان بردنی بەبەرنامەی سەرمایەی خەڵكە لەلایەن دەسەڵاتدارانی رژێم لەلایەك، وە لەلایەكی دیكە بەكارهێنانی سەرمایەی خەڵكی ئێرانە بۆ كڕینی چەك و كەرەستەی سەربازی و هەناردەكردنی ترۆریزم بۆ وەڵاتانی دوور و نزیك.

بێ گوومان هەر وەك سەرانی رژێم بەبەردەوامی ئیشارەی پێدەدەن و مەترسیان لێی هەیە كە ئەو دۆخە دەتوانێ‌ بە رووخانی رژێمەكەیان كۆتایی بێ. ترس له كڵپەی توورەیی لەشكەری هەژار و برسی وەڵات ئارام و قەراری  لێ بڕیون.

ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کۆمه‌ڵایه‌تی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کۆمه‌ڵایه‌تی:
په روه رده ی منداڵ و کارایی ژینگه له سه ر منداڵ


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


بابه‌ته‌ پیوه‌ندیداره‌کان

بیروبۆچوون

    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان