ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 23 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

سازمانی خه‌بات هێرشی پاسداران و حەشدی شەعبی بۆ سه‌ر هه‌رێمی كوردستان مەحكوم ده‌كات

پەیامی هاوخەمی دەبیرخانەی ناوەندی بۆ خانەوادەی مامۆستا كەریم زەند

پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان

راگەێندراوی سازمانی خەبات لەسەر هەڕەشەكانی رژیمی ئێران بۆ سەر هەرێمی كوردستان

پەیامی سازمانی خەبات ی كوردستان بە بۆنەی دەسپێكی ساڵی خوێندنی 1396- 1397

بانگەوازی خۆپیشاندان بو پشتیوانی و هاودەنگی لە خواستی رەوا و داواکارییەکانی خەڵکی شاری بانە و شارەکانی رۆژهەڵاتی کوردستان

پەیامی بەرێز سكرتێری گشتی سازمانی خەبات بەبۆنەی نارەزایەتیەكانی ئەمرۆی شاری سنە

پەیامی كاك بابەشێخی حوسێنی بۆ خەڵكی كوردستان

پەیامی پیرۆزبایی كاك بابەشێخی حوسێنی بەبۆنەی جەژنی پیرۆزی قوربانەوە

راگەێندراوی سازمانی خەباتی کوردستانی ئێران بە بۆنەی رووداوەکەی گوندە ژۆر له‌ ناوچه‌ی باله‌كایه‌تی

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9459250
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 26

هەواڵی ناڕەزایەتیەكان و چالاكیە جۆراوجۆرە جەماوەریەكان له كوردستان

مێژووی ناردن : Friday, October 07 @ 16:57:31 UTC

لە مەریوان ژمارەیەك لە ناڕازیان دەسگیر كران

خەڵكی شارۆچكەی شایەنی كامیاران ناڕەزایەتی دەربڕی

دژ بە كوشتنی كۆڵبەران چالاكانى بانە مان دەگرن

لە بۆكان پەردە لەسەر رۆمانی "هەراو تووڕەیی" لادرا

كێشەی بێ ئاوی گوندێكی هەراسان كردوە





لە مەریوان ژمارەیەك لە ناڕازیان دەسگیر كران

خەباتمێدیا: بەپێی هەواڵی گەیشتوو  ڕۆژی پێنج‌شەممە ڕێکەوتی ١٥ی ڕەزبەر دوای بەڕێوەچوونی کۆبوونەوەی ناڕەزایەتی لە لایەن هاووڵاتییانی مەریوانی لە هەمبەر هاتوچۆی تانکەرەکانی سووتەمەنی لە جاددەکانی ئەو شارە، لە فەلەکەی بێسارانی، ژمارەیەک لە هاووڵاتییانی ناڕازیی مەریوانی لە لایەن هێزە سەركوتگەرەكانەوە دەستبەسەر کران كە هەندێک لە سەرچاوەكان ئیشارە بەوە دەکەن کە زیاتر لە ١٠ كەس لە هاوڵاتیانی ئەو شارە دەسیگیر کراون.

لەو پێوەندییەدا، ٥ کەس لە چالاکانی کەمپەینی "نا بە تانکەرەکانی مەرگ" وەک ئەدمینی ئەو کەمپەینە لە کاناڵی تێلگرام، لە ماڵی خۆیدا لە لایەن هێزە ئیتلاعاتییەکانەوە دەستبەسەر کراون.

ناوی ئەو ٥ كەسە دەستبەسەرکراوە بریتین لە؛ ئارتین حەسەن‌زادە، بەهارە عارفی‌شێخ، سەیران خورنکا، ڕۆژین ڕەزایی و عادڵ ڕەشیدی ڕاگەیەندراوەو تا ئێستا لە چارەنووسی ئەو كەسانە هیچ زانیاریەك لە ئارادا نیە.

کۆبوونەوەی هاووڵاتییانی شاری مەریوان لەکاتێکدایە کە فەرمانداری رژێم لەو شاره ڕایگەیاندبوو کە ئیجازەی هیچ جۆرە کۆبوونەوەیەکی ناڕەزایەتی بە دانیشتوانی شاری مەریوان نەدراوە.

هەواڵەكان باس لەوە دەكەن كە هاوكات لەگەڵ خۆپیشاندان و ناڕەزایەتی جەماوەری مەریوان رژێم لە شاری سنەوە هێزی سەركوتگەری زیاتری هێناوەتە مەریوان.

جەماوەری شاری مەریوان دوای خۆپیشاندانی ڕۆژی سێ‌شەممە وەك ناڕەزایەتیەك بە  مەترسیی تانکەرەکانی سووتەمەنی بۆ سەر گیان و ژیانی هاووڵاتییان، ڕۆژی ڕابردوو بۆ جاری دووهەم هەر لەو پێوەندەدا ناڕەزایەتیان بەڕێوە برد.


خەڵكی شارۆچكەی شایەنی كامیاران ناڕەزایەتی دەربڕی

خەباتمێدیا: بەپێی هەواڵەكان ڕۆژی پێنج شەممە 15ی ڕەزبەری 1395، خەڵكی شارۆچكەی شایەن ی کامیاران، ڕێپێوانێکی ناڕەزایەتیان بەڕێوە برد.

 ئەو ڕێپێوانەی خەڵكی شارۆچكەی ناوبراو بە ناڕەزایەتیی لە هەمبەر فرۆشتنی ماددە سڕکەرەکان لەلایەن دەست و پەیوەندییەکانی رێژیمەوە ئەنجام داوە.

لەو کۆبوونەوە ناڕەزایەتییەدا سەدان کەس لە خەڵکی شارۆچكەی شایان و بەتایبەتی ئافرەتان بەشدار بوون و ناڕەزایەتیی خۆیان دەربڕی.

دژ بە كوشتنی كۆڵبەران چالاكانى بانە مان دەگرن

خەباتمێدیا: بەپێی هەواڵی گەیشتوو ژمارەیەک لە چالاکانی مەدەنی شاری بانە سەبارەت کوشتاری کۆڵبەران و کاسبکارانی كورد لە سنوورەکانی کوردستان بە  هێزە سەركوتگەرەكانی رژێمی ئێران، کەمپەینێکیان پێكهێنا لەژێر ناوی "ئێمە هەموو دەنگی کۆڵبەرانی سەر سنوورەکانین".

چالاکانی ئەو کەمپەینە داوایان لە هاووڵاتییانی شاری بانه کردووە کە ڕۆژی شەممە ڕێکەوتی ١٧ی ڕەزبەر دوکان و بازاڕ دابخەن و مان بگرن و بەم شێوەیە کوشتاری کاسبکاران و کۆڵبەرانی کورد لە لایەن رژێمەوە مەحکووم بکەن.

ژمارەیەكی زۆری خەڵكی ناوچە سنووریەكان بەهۆی بێكاری و هەژاری ناچار بۆ بژیوی ژیان كۆڵبەری دەكەن، بەڵام هێزە سەركوتگەرەكانی رژێمی داگیركەری ئێران دەیاندەنە بەر دەستڕێژ و تا ئێستا ژمارەیەكی زۆر كوژراون و ژمارەیەكی دیكەش بەو هۆیەوە سەقەت بوون.

لە بۆكان پەردە لەسەر رۆمانی "هەراو تووڕەیی" لادرا

خەباتمێدیا: بەپێی هەواڵی ماڵپەڕی ئەنجوومەنی ئەدەبیی بۆکان، ڕۆژی ٥شەممه ١٥ی ڕەزبەری 1395 پەردە لەسەر کتێبی “هەرا و تووڕەیی” بەرهەمی ناوازەی نووسەری بەناوبانگی ئامریکایی “ویلیام فاکنێر” لادرا كە لەلایەن محەمەد ڕەمەزانی بۆ کوردی وەرگێردراوە، به بەشداری ڕێژەیەکی بەرچاو لە هۆگرانی ئەدەب و وێژەی کوردی لە هۆڵی سیمورغی شاری بۆكان بەڕێوە چوو.

لەم کۆڕەدا محەممەد رەمەزانی، دوای دەربڕینی سۆز و خۆشەویستی بۆ ئامادەبوان باسێکی کورتی لەسەر پڕۆسەی وەرگێڕانی کتێبی “هەرا و تووڕەیی” پێشکەش کرد. رەمەزانی لە درێژەی وتەکانیدا باسی لە زەرفییەتەکانی زمانی کوردی کرد کە دەکرێ شاکارێکی وەک “هەرا و تووڕەیی” لە خۆیدا بتوێنێتەوە و ئەوە دەیسەلمێنێ زمانی ئێمەش گەر بێتوو لێزانانه مامەڵەی لەگەڵ بکرێ توانای داهێنانی دەقی پێشکەوتوو و جیهانی هەیه.

لە بەشێکی دیکەی بەرنامەکەدا ڕومان‌نووسی بۆکانی “سەید قادر هیدایەتی” به خوێندنەوەی یادداشتێک” بەرەوەپیری کتێبی ناوبراو چوو و لەوێدا ئاماژە بەوە درابوو کە زمانی گوند چەندە دەتوانێ به هانای نووسەرانەوە بێ و کەلێنە تاریکەکانی گێڕانەوەی کوردی پڕ بکاتەوە.

بەشی سێهەمی ئەم کۆڕە تایبەت بووە به پانێلی زانستی لەسەر کتێبی هەرا و تووڕەیی به بەشداری بەڕێزان: ساڵح سووزەنی(شاعیر و ڕەخنەگری ئەدەبی)، عەتا نەهایی(ڕۆمان‌نووس) و دوکتور بەختیار سەجادی (مامۆستای زانکۆ و لێکۆڵەری ئەدەبی).

لە درێژەی بەرنامەکەدا “رەزا شەجیعی” بەرپرسی چاپەمەنی گوتار لە بابەت چۆنیەتی چاپ و بڵاو کردنەوەی کتێبی هەرا و تووڕەیی چەن وتەیەکی پێشکەشی ئامادەبووان کرد. شەجیعی لە درێژەی وتەکانیدا مزگێنی چاپی چەند بەرهەمی تری لە ناوەندی گوتار ڕاگەیاند.

بەشێکی دیکەی کۆڕەکه بریتی بووە بە ڕێوڕەسمی پەردەلادان لەسەر کتێبی “هەرا و تووڕەیی” به بەشداری مامۆستایان:فەتاح ئەمیری،حەمەدەمین شامحەمەدی،ناسر وەحیدی و حوسێن شێربەگی.

فرۆشی کتێبەکه و واژۆی لە لایەن مامۆستا محەمەد ڕەمەزانی لەسەر کتێبەکان دوایین بەشی کۆبوونەوە ئەدەەبییەکه بوو کە لە کەشێکی گەرم و دۆستانەدا بەرێ کرا. ئەم کۆڕە سەعات ٦:٣٠ کۆتایی پێ هات.

كێشەی بێ ئاوی گوندێكی هەراسان كردوە

خەباتمێدیا: بەپێی هەواڵی هەواڵدەریی کوردپا، گوندی "میر عەبدلی" سەر بە شاری پاوە، کە لە ١٨٠ بنەماڵە پێكدێ لەگەڵ کێشەی کەمیی ئاوی خواردنەوە بەرەوڕوون و دانیشتوانەکەی ئاوی خواردنەوە بە پووڵ دەکڕن.

موختاری گوندی میرعەبدلی لە وتوێژێکدا لەگەڵ ماڵپەڕی خۆجێیی هەزار ماسولە ڕایگەیاند: کێشەی سەرەکیی ئەو گوندە نەبوونی ئاوی خاوێنە بۆ خواردنەوە و خەڵکی ئەو گوندە ڕۆژانە بۆ دابین کردنی ئاوی خاوێن تووشی کێشە و گرفتێكی زۆر دەبنەوە.

بە وتەی ڕەفعەت کەریمی؛ نەبوونی گەڵاڵەیەکی ڕوونی خزمەتگوزاری و بە نیوەچڵی هێشتنەوەی قیرتاوی ڕێگاو بانی نێوان گوندی "ئارێت" بۆ گوندی "میر عەبدلی"، یەکێکی دیکە لە کێشەکانی خەڵکی ئەو گوندەیە.

هەروەها بەرپرسی شۆرای ئەو گوندە ڕایگەیاند؛ ئەو کاتەی کە ئەو گوندە ٢٠ بنەماڵەی تێدابووە، لە کانیاویک بۆ ئاوی خواردنەوە کەڵکیان وەردەگرت و ئێستاش کە ئەو گوندە ١٨٠ماڵە ئاوی خواردنەوەیان هەر لەو کانیاوە دابین دەکەن.

مەناف ئەحمەدی لە درێژەدا دەڵێت؛ چەندین جار سەردانی پارێزگامان کردووە، ئەو کێشەمان لەگەڵ لایەنە پەیوەندییدارەکان باس کردووە، بەڵام بێ‌ئاکام بووە.

حەشیمەتی دانیشتوانی گوندی میر عەبدلی ٥٤٤ کەسە و ڕووبەری ئەو گوندە ٥٤ کیلۆمێتری چوارگوشەیە و لە ١٦ کیلۆمێتریی پاوە، لە بەخشی باینگان هەڵکەتووە.

ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کوردستانی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کوردستانی:
هاتنى مانگى ره‌مه‌زان له‌سه‌رجه‌م په‌یره‌وانى دینى ئیسلام پیرۆز بی


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان