ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 13 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

پەیامی بەرێز سكرتێری گشتی سازمان بەبۆنەی بوومەلەرزەكەی دوێنێ لە كوردستان

كاك بابەشێخی حوسێنی: دابەشكردنی كوردستانی ئێران بەسەر ئەم هێز و ئەو هێزدا رەد دەكەینەوە

پیرۆزبایی كاك بابه‌شیخ حوسەینی سكرتیری گشتی سازمان بۆنه‌ی جێژنی خاوه‌ندكار

شەهیدكرانی ئەركان شەریف رۆژنامەنووس و وێنەگری كوردستان تی وی مەحكوم دەكەین

بەرز و بەرێز بێ 10ی خەزەڵوەر رۆژی پێشمەرگەی سازمانی خەبات ی كوردستانی ئێران

سازمانی خه‌بات هێرشی پاسداران و حەشدی شەعبی بۆ سه‌ر هه‌رێمی كوردستان مەحكوم ده‌كات

پەیامی هاوخەمی دەبیرخانەی ناوەندی بۆ خانەوادەی مامۆستا كەریم زەند

پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان

راگەێندراوی سازمانی خەبات لەسەر هەڕەشەكانی رژیمی ئێران بۆ سەر هەرێمی كوردستان

پەیامی سازمانی خەبات ی كوردستان بە بۆنەی دەسپێكی ساڵی خوێندنی 1396- 1397

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9557713
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 32

هەواڵەكانی كوردستان و ئێران و ناوچەكە و جیهان (1ی رەزبەری 1395)

مێژووی ناردن : Thursday, September 22 @ 15:00:48 UTC





بەتەقەی هێزەكانی رژێم هاووەڵاتیەكی كورد گیانی دا
خەباتمێدیا: بەپێی هەواڵی هەواڵدەری كوردپا، ئێوارەی ڕۆژی سێ‌شەممە ٣٠ خەرمانان، هاووڵاتییەكی كورد بە ناوی "سنار محەممەدی، كوڕی سەڵام، بە هۆی تەقەی ڕاستەوخۆی هێزە سەركوتگەرەكانی رژێم، لە گوندی "بلوجوك" لە ناوچەی قوتوور گیانی دا.بە وتەی سەرچاوەیەكی ئاگادار، هێزە ئینتزامییەكان بە گومانی ئەوەیكە ئەو هاووڵاتییە كوردە شتومەكی قاچاخی پێ بووە، كردوویانەتە ئامانج و لە ئاكامدا گیانی داوە.ئەو هاووڵاتییە كوردە خەڵكی گوندی "ڕازی" سەر بە ناوچەی قوتوورە، خێزاندارە و سێ منداڵی هەیە.تەقەی ڕاستەوخۆی هێزە داگیركەرەكانی رژێمی ئێران لە هاووڵاتییانی كورد لە ناوچە سنوورییەكانی كوردستان، بە بیانووی هەڵگرتنی شتوومەكی قاچاخ، یەكێك لە هۆكارە سەرەكییەكان بۆ كوشتنی هاووڵاتییان كورد.






پویا حسێن پەناهی” سزای یەك ساڵ زیندان و دوورخرانەوە بە سەر داسەپا
بە پێی هەواڵی “ئاسۆی رۆژهەڵات”،  پویا حسێن پەناهی بەندكراوی سیاسی كوردی دەستبەسەر لە زیندانی ئەوینی تاران، ڕۆژی چوارشەممە، ٣١ خەرمانانی 1395ی هەتاوی، لە لایەن دادگای شۆڕشی شاری دێوڵان بە دادوەریی سوڵتانبەخش و بە تۆمەتی چالاكیی سیاسی و هەوڵدان بە دژی ئاسایشی گشتی ئێڕان، یەك ساڵی زیندانیی تەعزیری و دوورخستنەوە بۆ زیندانی ئێڤین ـی تارانی بەسەردا سەپا.ئەندامێكی بنەماڵەی حسێن پەناهی بە ناوەندی هەواڵنێری ئاسۆی ڕۆژهەڵاتی ڕاگەیاندووە: “دادوەری دۆسیەكەی پویا، واتا دادوەر “سوڵتان بەخش” بە ناوبراوی گوتووە كە ئێوە نابێ لە زیندانەكانی كوردستان بمێننەوە، شوێنی ‌ئێوە كەهریزەك و ئێڤین ـە.”پوویا حوسێن پەناهی، چالاكی مەدەنیی خەڵكی دێوڵان لە پارێزگای سنە كە ٨ی خەرمانانی 1395ی هەتاوی، لە لایەن بنكە ئەمنیەتییەكانی ڕژیمەوە دەستبەسەر كراوە.حوسێن پەناهی، پێشتریش لە ڕێكەوتی ٢٠ی ڕەشەمەی ساڵی ڕابردوو دەستبەسەر و بە تاوانی “هەوڵدان بە دژی تەناهیی نەتەوەیی‌” و “پڕوپاگەندە بە دژی رێژیم”، 1 ساڵ بەندیخانەی بەسەردا سەپابوو.







تەمەنی خۆكوژی لەئێران لە ١٥ بۆ ٢٥ ساڵە
خەباتمێدیا: بەرپرسی ئورژانسی كۆمەڵایەتی: تەمەنی خۆكوژی لە ئێران لە ١٥ بۆ ٢٥ ساڵە، كە بەپێی سەرچاوەكان لە ماوەی چەند ساڵی ڕابردوودا ڕێژەی خۆكوژی لە وڵاتی ئێــران ڕووی لە زیاد بوون كردووە.هەواڵدەریی حكومەتی ئیلنا لە زاری بەرپرسی ئاژانسی كۆمەڵایەتیی ئێران بڵاوی كردەوە، لە ساڵی ڕابردوودا، واتە ساڵی ٩٤ی هەتاوی، ٤٠٢٠ حاڵەتی خۆكوژیی ڕوویداوە و زۆرترین ڕێژەی خۆكوژەكانیش تەمەنیان لە نێوان ١٥ هەتا ٢٥ ساڵدا بووە. حوسێن ئەسەد بەیگی بە ئاماژە كردن بە ڕاپۆرتی ڕێكخراوی بێهداشتی جیهانی لە مەڕ ئاماری خۆكوژی دەڵێت؛ بەپێی ئەو ڕاپۆرتە ئێران لە پلەی سەد و هەشتەمین لە نێو وڵاتانی جیهاندایە.ناوبراو لە درێژەدا ئەوەی خستەڕوو كە؛ لە ساڵی ٢٠١٢دا، ڕێژەی خۆكوژی لە نێو پیاواندا لە ١٠٠ هەزار كەس، ٧ كەس بووە، كە بە گشتی ٢هەزار و ٧٠٠ پیاو خۆیان كوشتووە و ئەو ڕێژەیەش لە نێو ژناندا لە ١٠٠هەزار كەس ٣.٦ ژن بووە، واتە هەزار و ٣٦٩ ژن خۆیان كوشتووە.بە وتەی ئەو بەرپرسە، زۆرترین خۆكوژییەكان لە پارێزگاكانی ڕۆژئاوای ئێران واتە، پارێزگاكانی ئیلام، كرماشان، لوڕستان و هەمەدان ڕوویداوە كە بە نیسبەت حەشیمەتی خۆیان، زۆرترین ئاماری خۆكوژییان بۆ خۆیان تۆمار كردووە.ئەو مۆرەی رژێم لە درێژەدا گوتی؛ بە داخەوە لەو چەند ساڵەی دواییدا بە هۆی نەبوونی چاوەدێری بە سەر بڵاوكردنەوەی "حەبی برنج"، لە ماوەی ساڵی ڕابردوودا، زۆربەی حاڵەتەكانی خۆكوژی لەڕێی بەكارهێنانی ئەو حەبەوە بووە و هەربۆیەش پێویستە فرۆشتنی حەبی برنج بەتەواوت كۆنتڕۆڵ بكرێت.




دانمارك بڕیاری دیپۆرت كردنەوەی چالاكێكی سیاسی و مەدەنی كوردی داوە
خەباتمێدیا: بەپێی هەواڵی هەواڵدەری ڕۆژی كورد، دەوڵەتی دانمارك لە ھەنگاوێكی لەناكاودا بڕیاری دیپۆرت كردنەوەی چالاكێكی سیاسی و مەدەنی كوردی خەڵكی شاری شنۆی داوە.فەرھاد زەڕنی چالاكی سیاسی و مەدەنی كورد كە لە ساڵی 2014 دا لە وڵاتی دانمارك داوای وەرگرتنی مافی پەنابەرایەتی كردووە ، لە لایەن وەزارەتی كار و باری پەنابەران وڵامی رەد بە داواكەی دراوەتەوەو رۆژی سێ شەممە 30 خەرمانان ئەو چالاكە كوردە لە لایەن پۆلیسەوە بە مەبەستی ناردنەوە بۆ ئێران بۆ كەمپی دیپۆرتیەكان گۆزراوەتەوە. فەرھاد زەڕنی چالاكی سیاسی كورد بە ھۆی گۆشاری ھێزە ئەمنیەكانی رێژیمی ئێران بە ناچاری وڵاتی بە جێھێشتووە و لە وڵاتی دانمارك داوای مافی پەنابەری كردووە.زەڕنی پێشتر چەندین جار لە لایەن دەزگای ئیتلاعاتی ئێران ئەشكەنجە دراوە و لە ئەگەر گەڕانەوە بۆ ئێران گیانی دەكەوێتە مەترسیەوە.فەرھاد زەڕنی داوای لە ھەموو رێكخراوەكانی مافی مرۆڤ و حیزبە كوردستانی و ئێرانیەكان دەكردوە كە بە ھانایەوە بچن و پێش بە ناردنەوەی بۆ ئێران بگرن.





كەنەكە ڕاگەیاندراوێكی توند لە دژی ئێران دەردەكات
كۆنگرەی نەتەوەیی كوردستان (كەنەكە) ڕاگەیاندراوێك سەبارەت بە پێشێلكارییەكانی ئێران بەرامبەر بە كوردستان بلاو كردەوە. رۆژی  2192016، كۆمیتەی دیپلۆماسیی هاوبەشی پارت و ڕێكخراوە سیاسییە كوردستانییەكان كە كۆمیتەیەكی سەر بە (كەنەكە)یە، لە ڕاگەیاندراوێكدا ، ئاماژەی بە دۆخی كوردستان كردووە، لە بەشێكی ئەو ڕاگەیاندراوەدا باس لە ڕەوشی كوردستانی ڕۆژهەڵات كراوە و ئاماژە بەوە دراوە: ”سیاسەتی میلیتاریزەكردنی كوردستان و تواندنەوەی گەلی كوردستان لە چوارچێوەی سیاسەتی ڕژێمی ئێراندا بەردەوامە. ئێران بەھیچ شێوەیەك مافە دیموكراسی و سیاسییەكانی گەلی كوردستان ناسەلمێنێت. ھەرچەندە ھیچ شەڕێكی سەربازیی گەورەش لە ڕۆژھەڵاتی كوردستان نییە، بەڵام ئاڵۆزی و كێشەكان بەردەوامن“.جەختیش لەوە كراوەتەوە: ”سیاسەتی بێكاركردن و بڵاوكردنەوەی ماددە ھۆشبەرەكان بە شێوەیەكی سیستماتیك لە كوردستان درێژەی ھەیە“. كەنەكە دەڵێت: ”ئێران نەك تەنیا لە ناوخۆ، بەڵكو لە سەرانسەری ناوچەكەشدا لە دژی دەسكەوتەكانی ئێمە لە كاردایە. ڕژێمی ئێران كە لە دۆخی سووریادا كاریگەریی زۆری ھەیە، لەوێش ھەروەك پێشوو لەگەڵ دوڵەتی توركیا و دژ بە بەرژەوەندییەكانی گەلی كوردستان لە ڕێككەوتن دایە“. لە كۆتایی ڕاگەیاندراوەكەشدا و لە یەكێك لە ڕاسپاردەكاندا، سەبارەت بە سیاسەتی ئێران لە كوردستان، ئاماژە بەوە دراوە: ”داوا لە پارت و ڕێكخراوە سیاسییەكانی ڕۆژھەڵات دەكەین، زیاتر ھەوڵی لێكنزیكبوونەوە و پێكەوە كاركردن بدەن، تا بتوانن دەنگ و مافی گەلی ڕۆژھەڵاتی كوردستان بە ڕای گشتیی جیھان بگەیەنن“.





روانگەی سوری: فڕۆكە جەنگییەكان بۆردومانی سەختی حەلەبیان كردوە
ڕوانگەی سوری‌ بۆ مافەكانی مرۆڤ‌و هێزە ئۆپۆزسیۆنەكان رایدەگەیەنن شەوی رابردوو فڕۆكە جەنگییەكان بۆردومانی سەختی شاری حەلەبی سوریایان كردوە.ئەمڕۆ هێزە ئۆپۆزسیۆنەكان‌و ڕوانگەی سوری بۆ مافەكانی مرۆڤ كە بنكە سەرەكیەكەی لە لەندەنە رایانگەیاند، شەوی رابردوو فڕۆكەكە جەنگییەكان سەختترین بۆردومانی حەلەبیان كردوەو بۆماوەی چەندین مانگە ئەو شارە بەو شێوە چڕە بۆردومان نەكراوە. ئەوەش بەپێی رۆیتەرز.تا ئێستا سوپای سوریاو كەناڵە فەرمییەكانی رژێمی سوریا هیچ لێدوانێكیان لەبارەی ئەو بۆردومانانەوە بڵاونەكردوەتەوە.شاری حەلەب بەهێزترین پێگەی هێزە ئۆپۆزسیۆنە سورییەكانە كە دژی رژێمی سوریا بەسەرۆكایەتی بەشار ئەسەد دەجەنگن. سوپای سوریا رۆژی دووشەممەی رابردوو دوای هەفتەیەك لەئاگربەست، یەكلایەنە ئاگربەستی شكاند دوای ئەوە بنكەیەكی ئەو سوپایە لەلایەن فڕۆكەكانی هاوپەیمانانەوە كرایە ئامانج‌و دەیان سەرباز كوژران. لەو رۆژە بەدواوە فڕۆكە جەنگییەكانی سوریا ناو بەناو بۆردومانی شاری حەلەب دەكەن.



بەریتانیا 1000 سیخوڕی دیكە لە جیهاندا زیاد دەكات
دەزگای هەواڵگری بەریتانی، نزیكەی 1000 كارمەندی دیكە بۆ ستافەكەی زیاد دەكات، ئەوەش بەرزترین ژمارەی ئەو دەزگایەیە لەدوای جەنگی ساردەوە.بەپێی ئەو پلانەی دەزگای هەواڵگری بەریتانی دایناوە، تا ساڵی 2020 ستافی دەزگاكە لە 2500ەوە بەرزدەكاتەوە بۆ نزیكەی 3500 ئەوەش وەك پێویستییەك لەگەڵ "گەشەكردنی ئینتەرنێت‌و تەكنەلۆژیا".هەرچەندە ئەو زانیاریانە تائێستا لەڕاگەیەندراوێكی فەرمیدا باس نەكراوە، بەڵام بی بی سی لەسەرچاوەیەكەوە ئەو زانیاریانەی دەستكەوتووە.بەڕێوەبەرە هەواڵگرییەكان لەسەرتاسەری جیهاندا كار دەكەن بۆ ئەوە بزانن چۆن لەم سەردەمەی ئێستادا بەردەوامی بەچالاكییەكانیان بدەن بەشێوەیەكی نهێنی، لەكاتێكدا نزیكەی هەموو كەسێك لەكۆمەڵگا رۆژئاواییەكاندا شوێنەواری لەئینتەرنێتدا جێهێشتووە، بەشێویەكی دروستكردنی ناسنامەی وەهمی سەختكردووە.تەكنەلۆژیای ناسینەوەی دەموچاو گەیشتوەتە رادەیەك وێنەكانی بۆ نمونە كارمەندێكی هەواڵگری كاتێك بەناسنامەیەكی دیكەوە گەشت دەكات، دەتوانرێت بەئاسانی گەڕانی بۆ بكرێت و ئەو وێنانەی بدۆزرێتەوە كە پێشتر بە ناسنامە راستییەكەوە لە ئینتەرنێتدا بڵاویكردوەتەوە.دەزگای هەواڵگری بەریتانی (MI6) لەستراتیژی پێداچونەوەی بەرگریی‌و ئەمنیی ساڵی 2015 پشكی شێری بەركەوت لەزیادكردنی كارمەند لەلایەن حكومەتی بەریتانیاوە.دەزگای هەواڵگری بەریتانی سەر بەوەزارەتی دەرەوەی ئەو وڵاتەیەو بەرپرسە لەكۆكردنەوەی زانیاری‌و سیخوڕیكردن بۆ شانشینە یەكگرتووەكان لەسەرانسەری جیهاندا.





سوودە سەرسوڕهێنەرەكانی زەردەچەوە
توێژینەوەیەكی نوێی ئەمریكی دەریخست كە رەدەچەوە لە بوارەی چارەسەری شێرپەنجەدا بەسوودە، چەند توێژینەوەیەكی رابردووش دەریانخستووە كە لە چارەسەری چەندین نەخۆشی تریشدا كاریگەری هەیە.توێژینەوەكە، كە پشتی بە تاقیكردنەوە لەسەر مشك بەست، دەریخست ماددەی كاركیومین، كە لە زەردەچەوەدا زۆرە، كاریگەرە بۆ خاوكردنەوی گەشەی خانە شێرپەنجەییەكانی مەمك.ژمارەیەك توێژینەوەی دیكە ئەوەیان سەلماندووە كە زەردەچەوە بەسوودە بۆ پاككردنەوەی مێشك لەو پرۆتینانەی دەبنە هۆی نەخۆشی ئەلزهایمەر.لەگەڵ ئەمانەشدا، بەكارهێنانی زەردەچەوە لە بواری جوانكاری پێستدا كۆمەڵێك سوودی تەندروستی گرنگی هەیە.



ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کوردستانی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کوردستانی:
هاتنى مانگى ره‌مه‌زان له‌سه‌رجه‌م په‌یره‌وانى دینى ئیسلام پیرۆز بی


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان