ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 15 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

پەیامی بەرێز سكرتێری گشتی سازمان بەبۆنەی بوومەلەرزەكەی دوێنێ لە كوردستان

كاك بابەشێخی حوسێنی: دابەشكردنی كوردستانی ئێران بەسەر ئەم هێز و ئەو هێزدا رەد دەكەینەوە

پیرۆزبایی كاك بابه‌شیخ حوسەینی سكرتیری گشتی سازمان بۆنه‌ی جێژنی خاوه‌ندكار

شەهیدكرانی ئەركان شەریف رۆژنامەنووس و وێنەگری كوردستان تی وی مەحكوم دەكەین

بەرز و بەرێز بێ 10ی خەزەڵوەر رۆژی پێشمەرگەی سازمانی خەبات ی كوردستانی ئێران

سازمانی خه‌بات هێرشی پاسداران و حەشدی شەعبی بۆ سه‌ر هه‌رێمی كوردستان مەحكوم ده‌كات

پەیامی هاوخەمی دەبیرخانەی ناوەندی بۆ خانەوادەی مامۆستا كەریم زەند

پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان

راگەێندراوی سازمانی خەبات لەسەر هەڕەشەكانی رژیمی ئێران بۆ سەر هەرێمی كوردستان

پەیامی سازمانی خەبات ی كوردستان بە بۆنەی دەسپێكی ساڵی خوێندنی 1396- 1397

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9557609
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 32

هەواڵەكانی كوردستان و ئێران و جیهان ( 30ی خەرمانانی 1395)

مێژووی ناردن : Tuesday, September 20 @ 15:52:09 UTC




هێزە سەركوتگەرەكانی رژێم لە شاری سەقز سێ لاویان دەستبەسەر كرد
حەوتووی رابردوو هێزە سەركوتگەرەكانی رژێمی ئێران لە شاری سەقز سێ كەس دەستەبەسەر دەكەن و بۆ شوێنێكی نادیاریان رادەگوێزن. بەپێی هەواڵی هەواڵدەری كوردپا، ئێوارەی ڕۆژی چوارشەممە ڕێکەوتی ٢٤ی خەرمانان، دوو لاو بە ناوەکانی سەلاحەدین‌ میرزایی تەمەن ٢٢ ساڵە کوڕی عەتا و ئەمین (ئالان) عەلیپوور تەمەن ٢٥ ساڵە کوڕی کەریم، لە گەڕەکی بەهارستانی شاری سەقز لە لایەن هێزەکانی حکوومەتەوە دەستبەسەر و بۆ شوێنێکی نادیار گوازراونەتەوە. هەروەها ڕۆژی پێنج‌شەممە ڕێکەوتی ٢٥ی خەرمانان لاوێکی تەمەن ٣١ ساڵە بە ناوی هیوا دەستباز لەکاتی گەڕانەوە بۆ ماڵەوە دەستبەسەر کراوە. ماڵی ئەو سێ هاووڵاتییە لەلایەن هێزە ئەمنیەتییەکانەوە، بە تەواوەتی دەپشکێنرێت و هیندێک لە کەرەستەی شەخسی وەک لەپ تاپ و هێندێک کتێب و کەرەستەی دیکەیان لەگەڵ خۆیان بردووە. بە پێی هەمان سەرچاوە، هاوکات لەگەڵ دەستبەسەر کردنی هاووڵاتییانی شاری سەقز، دەزگای قەزایی رژێم  لە شاری مەهاباد حوکمی زیندانیی بۆ ٥ هاووڵاتیی کورد بڕییەوە. حەوتووی ڕابردوو لقی یەکی دادگای رژێم شاری مەهاباد بۆ هەر یەک لە ئەمیر عەبدوڵڵا زادە، هێمن غەزاڵ، موزەفەر تەلانە، پژمان ئیمانی و محەممەد شوکری بۆ هەر یەک لەو هاووڵاتییانە پێنج هەتا شەش مانگ زیندانی تەعزیری بڕدراوتەوە. ئەو پێنج هاووڵاتییە لەگەڵ دەیان هاووڵاتیی دەیکەی کورد لە چوار مانگی ڕابردوودا، لەلایەن هێزەکانی وەزارەتی ئیتلاعات بە تاوانی پڕوپاگەندە و لایەنگەری لە حیزبە کوردییەکانی ئۆپۆزسیون دەستبەسەرکراون.




خوێندكارێكی كورد لە تاقیكردنەوەی دكتۆرا دەبێتە یەكەم لەسەر ئاستی ئێران

هاوڵاتیەكی هەورامانی ڕۆژهەڵاتی كوردستان، لەسەر ئاستی ئێران یەكەمی تاقیكردنەوەكانی خوێندنی دكتۆرا بەدەست دەهێنێت‌و لەباشترین زانكۆی ئێران لەبەشی نەشتەرگەری مێشك‌و دەمار وەردەگیرێت. رەستگار ڕەحمانی خەڵكی شارۆچكەی نۆدشەی ڕۆژهەڵاتی كوردستانە، ئەمساڵ لە تاقیكردنەوەی دكتۆرا بەشداریكردووە و توانیویەتی پلەی یەكەم لەسەر ئاستی ئێران بەدەست بهێنێت و لە زانكۆی تاران كە بە باشترین زانكۆی ئێران دادەنرێت لە بەشی نەشتەرگەری مێشك‌و دەمار وەربگیرێت.  ڕەحمانی شەش ساڵ پێش ئێستا لە تاقیكردنەوەی كنكور كە ساڵانە زیاتر لە 2 ملیۆن كەس بە مەبەستی وەرگیران لە زانكۆ بەشداری تێدادەكات توانی لە بەشی زانستی پلەی یەكەم لەسەر ئاستی ئێران بەدەست بهێنێت. نمرەی ڕەستگار ڕەحمانی لە كنكوری ساڵی 2009ی ئێران ئەوەندە بەرزبوو كە بەرپرسانی ئەوكاتەی وەزارەتی خوێندنی باڵای ئێران سەریان سوڕما و گومانیان لەسەر نمرەكەی دروستكرد بۆیە داوایان لێكرد جارێكیتر لە شاری تاران‌و لە بەردەم وەزیری خوێندنی باڵا تاقیكردنەوە ئەنجامبدات. ڕەحمانی دوبارە لەتاران تاقیكردنەوەی ئەنجامداو ئەوجارەش بەرزترین نمرەی بەدەست هێناو پاشان چەندین كەناڵی ئێرانی چاوپێكەوتنیان لەگەڵ ئەنجامدا.






هێزە ئینتزامییەکان ماشینی هاووڵاتییەکیان دایە بەر دەستڕێژ
خەباتمێدیا: بەپێی هەواڵی هەواڵدەریی کوردپا، رۆژی یەكشەەمە 28ی خەرمانان هێزەکانی جێگیر لە پاسگای گوندی "هەشتیان" سەر بە بەشی سۆمای برادۆست،  تەقەیان لە ماشینێکی جۆری پەیکان کردووە. لەو تەقەکردنەدا، شۆفیڕی ماشینەکە بە ناوی ئەرکان سەعیدی کوڕی شەوقی، دەستبەجێ گیانی لەدەست داوە. بەپێی هەواڵەكە، ئەو ڕووداوە کاتژمێر ٣٠/٣ شەوی یەکشەممە ڕوویداوە و هاووڵاتییەکی دیکە کە ئامۆزای ئەرکان بووە، بە سەختی لەو ڕووداوەدا بریندار بووە. ئەو هاووڵاتییانە خەڵکی گوندی"گێچە" لە بەشی سۆمای برادۆست بوون و لە سەفەر گەڕاونەتەوە. بەپێی قسەی شاهیدان، ئەو هاووڵاتییانە پاش ڕاگرتنیان لە خاڵی پشکنین، لەو شوێنیە دەڕۆن و لە ناکاو هێزە ئینتزامییەکان بە گومانی ئەوەیکە ئەو ماشینە شتومەکی قاچاغی پێ بووە، تەقەیان لێ دەکەن و دەبنە هۆی گیان دانی شۆفیڕی ماشینەکە و بریندار بوونی ئامۆزاکەی. دەوترێ، بێجگە لەو دوو هاووڵاتییە، ژنێکی بەتەمەنیش لە نێو ئەو ماشینەدا بووە، کە لە بارودۆخی تەندروستی ئەو ژنە بەتەمەنە هیچ زانیارییەک لەبەردەستدا نیە.



پێکدادانی دوو ماشین لە جادەی مەهاباد_ورمێ ٨ قوربانی لێ کەوتەوە
خەباتمێدیا: بەپێی هەواڵی هەواڵدەری کوردپا، رۆژی دووشەممە 29ی خەرمانان، بە هۆی پێکدادانی دوو ماشین لە جادەی نێوان مەهاباد_ ورمێ، شەش هاووڵاتی گیانیان لە دەست دا و دوو هاووڵاتیی دیکە بریندار بوون. بەپێی ئەو هەواڵە، لەو ڕووداوەی نێوان جادەی مەهاباد _ورمێ، لە کۆی ٨ موسافیر، ٦ کوژراو و ٢ برینداری لێکەوتەوە. ئەو دوو موسافیرە بریندارە بۆ چارەسەری پزیشکی ڕەوانەی نەخۆشخانە کراون. زۆربەی ڕێگاکانی هاتوچۆی ئێران و بەتایبەت کوردستان ناستانداردن و هێمای هوشیارکەرەوە بۆ پێش گرتن بە ڕووداوی هاتوچۆ بوونی نیە.  ڕێگاوبانی ناستاندارد، کەمتەرخەمیی شۆفیرەکان و خراپیی و کۆنیی ماشینەکان، لە سەرەکی‌ترین هۆکارەکانی ڕووداوەکانی هاتوچۆ لە ئێران و کوردستان بەئەژمار دێن و ڕۆژ بە ڕۆژ ئاماری قوربانیانی ئەو جۆرە ڕووداوانە ڕوو لە زیاد بوون دەکات. ماوەیەک پێش ئێستا، هەواڵدەریی "ئیلنا" بڵاوی کردەوە، قیرتاوی ناستاندارد، چاڵوچۆڵی ڕێگەوبانەکانی ئێران، هۆکاری لەسەدا ٣٠ی ڕووداوەکانی هاتوچۆ لەو وڵاتەدایە و ئەو قیرەی کە لە ئێران بۆ قیرتاو کردنی جادەکان کەڵکی لێ وەردەگیرێت، تەنانەت لە وڵاتانی سریلانکا و تانزانیاش قەدەغە کراوە و هیچ کڕیارێکی لە جیهاندا نییە.
 بە پێی ئامارە فەرمییەکان، ڕووداوی هاتوچۆ سەرەکی‌ترین ڕووداوی ناسروشتییە کە لە ئێراندا گیانی هاووڵاتییان دەستێنێت.




دیسان ڕووداوی کاردا كرێكارێك گیانی دا
خەباتمێدیا: بەپێی بڵاوكراوەی كۆمیتەی هاوئاهەنگی دامەزراوە كرێكاریەكان، رۆژی دوو شەممە 29ی خەرمانان کرێکارێکی تەمەن ٦٠ ساڵەی خەڵکی یەکێک لە گوندەکانی شاری سنە بەهۆی ڕووداوی کار گیانی لە دەست دا. بەپێی هەواڵ، کرێکارێکی کورد بە ناوی مەحیەدین بایەزیدی خەڵکی گوندی تەوریوەر سەر بە شاری سنە کە لە کاتی تەکاندنی دار گوێز دەکەوێتە خوارەوە گیان لە دەست دەدات. کومیتەی هاوئاهەنگی بۆ دامەزراندنی ڕێکخراوە کرێکارییەکان بڵاوی کردەوە، ئەو کرێکارە کوردە بە هۆی سەختی برینەکەی بۆ چارەسەری پزیشکی دەگوازرێتەوە بۆ نەخۆشخانەی بێعسەتی شاری سنە و پاش چەند خولەکێک لە گەیشتنی بە نەخۆشخانە گیان دەدات. ئەو هاووڵاتییە کوردە بە هۆی نەبوونی کار و سەرچاوەیەک بۆ دابین کردنی بژێوی ژیان لە ماوەی تەمەنیدا خەریکی تەکاندنی دارگوێز بووە. هەر لەو پەیوەندییەدا و لە ماوەی چەند ڕۆژی ڕابردوودا، لە دوو پارێزگای کوردستان سێ هاووڵاتیی کورد بوونە قوربانی ڕووداوی کار. ڕیژەی مردنی کرێکاران بە هۆی ڕووداوی کار لە ئێران ڕۆژانە بە ٦ کەس خەڵمێنراوە و بە وتەی بەرپرسانی وەزارەتی کاری رژێم، ڕووداوی کار زیاتر لە ٩٠ هەزار میلیارد تمەن لە ئێران تێچوو هەڵدەگرێت.









نەتەوە یەكگرتووەكان هەموو هاوكارییەكی مرۆیی بۆ سوریا راگرت
نەتەوە یەكگرتووەكان ئەمڕۆ راگرتنی ناردنی هەموو هاوكارییەكانی بۆ سوریا راگەیاند، ئەوەش دوای ئەوە دێت شەوی رابردوو كاروانێكی ئەو هاوكاریانە كەوتنە بەر هێرشی فڕۆكە جەنگییەكان. وتەبێژی نەتەوە یەكگرتووەكان رایگەیاند كاروانی هاوكارییە مرۆییەكە مۆڵەتی هەموو لایەنە شەڕەكەرەكانی هەبووە بە روسیاو ئەمەریكاشەوەو ئاگاداركرابونەوە. ئەوەش بەپێ بی بی سی. لەو كاروانی هاوكارییەی دوێنی بەر موشەكی فڕۆكە جەنگییەكان كەوت، لە 31 لۆری، هەژدەیان تێكشكاون كە گەنم، جلی زستانەو پێداویستی پزیشكیان پێ بووە. كارمەندێكی باڵای مانگی سوری عەرەبیش لەنێو ئەو كوژراوانەدایە كە لەگەڵ ئەو كاروانە مرۆییانەدا بوون. دوێنی روانگەی‌ سوریا بۆ مافەكانی‌ مرۆڤ رایگەیاند، كە فڕۆكە جەنگییەكانی‌ روسیا یان سوریا بۆردوومانی‌ كاروانی‌ ئەو ئۆتۆمبێلانەیان كردووە كە لە نزیك حەلەب یارمەتی‌ مرۆییان گواستوەتەوە. بۆردوومانكردنی‌ كاروانی‌ ئۆتۆمبێلی‌ هاوكارییە مرۆییەكان دوای‌ ئەوە دێت كەحكومەتی‌ سوریا ئێوارەی‌ دوێنی رایگەیاند پرۆسەی‌ ئاگربەست لە سوریا كۆتاییهاتووە كە ماوەی‌ هەفتەیەك بەردەوامبوو. روانگەكە ئاماژەی‌ بەوەشكردووە، لەكاتێكدا ئەو ئۆتۆمبێلانە سەرقاڵی‌ پرۆسەی‌ رادەستكردنی‌ ئاسایی هاوكارییەكان بوون لە نزیك شارۆچكەی‌ ئۆرم-ی‌ گەورە لە رۆژ‌وئاوای‌ حەلەب كراونەتە ئامانج لەلایەن فڕۆكە جەنگییەكانەوە.

ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کوردستانی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کوردستانی:
هاتنى مانگى ره‌مه‌زان له‌سه‌رجه‌م په‌یره‌وانى دینى ئیسلام پیرۆز بی


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان