ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 15 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

پەیامی بەرێز سكرتێری گشتی سازمان بەبۆنەی بوومەلەرزەكەی دوێنێ لە كوردستان

كاك بابەشێخی حوسێنی: دابەشكردنی كوردستانی ئێران بەسەر ئەم هێز و ئەو هێزدا رەد دەكەینەوە

پیرۆزبایی كاك بابه‌شیخ حوسەینی سكرتیری گشتی سازمان بۆنه‌ی جێژنی خاوه‌ندكار

شەهیدكرانی ئەركان شەریف رۆژنامەنووس و وێنەگری كوردستان تی وی مەحكوم دەكەین

بەرز و بەرێز بێ 10ی خەزەڵوەر رۆژی پێشمەرگەی سازمانی خەبات ی كوردستانی ئێران

سازمانی خه‌بات هێرشی پاسداران و حەشدی شەعبی بۆ سه‌ر هه‌رێمی كوردستان مەحكوم ده‌كات

پەیامی هاوخەمی دەبیرخانەی ناوەندی بۆ خانەوادەی مامۆستا كەریم زەند

پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان

راگەێندراوی سازمانی خەبات لەسەر هەڕەشەكانی رژیمی ئێران بۆ سەر هەرێمی كوردستان

پەیامی سازمانی خەبات ی كوردستان بە بۆنەی دەسپێكی ساڵی خوێندنی 1396- 1397

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9557604
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 32

هەواڵەكانی كوردستان و ئێران و جیهان ( 1ی خەرمانانی 1395)

مێژووی ناردن : Monday, August 22 @ 16:58:06 UTC







كچێكی خوێندكاری هەڵسوڕاوی كورد حوكمی دورخرانەوەی بۆ دەركرا
 
 ئەفسانە بایەزیدی كچە خوێندكاری هەڵسوڕاوی كورد، لەلایەن دادگای ئینقلابی مهابادەوە بە چوار ساڵ زیندان مەحكوم كرا. بەپێی ڕاپۆرتی ناوەندی پارێزەرانی مافی مرۆڤی كوردستان، ئەفسانە بایەزیدی خەڵكی بۆكان، ڕۆژی یەك شەممە 31ی گەلاوێژ، بە تاوانی تەبلیغات لە دژی نیزام و هاوكاری لەگەڵ یەكێك لە حیزبە كوردییەكان و سووكایەتی كردن بە ئەندامانی ڕێبەریی، لە لقی یەكی دادگای ئینقلابی مهاباد بە چوار ساڵ زیندان و دورخرانەوە بۆ زیندانی كرمان مەحكوم كرا. سەرچاوەیەكی باوەڕپێكراو لەو بارەوە بە ناوەندی پارێزەرانی مافی مرۆڤی كوردستانی وت: دوای سێ مانگ بێ ئاگایی و دەستبەسەر كردنی لە ئیدارەی ئیتلاعاتی ورمێ‌، ئەمڕۆ خانمی بایەزیدی لە لقی یەكەمی دادگای ئینقلابی مهاباد، لەلایەن قازی " جەوادی كیا" مەحكەممە كراو لە كۆتاییدا بە چوار ساڵ زیندانی مەحكوم كرا. هەروەها سەرچاوەكە ووتی كە خانمی بایەزیدی ئەو تۆمەتانەی بە ناڕاست لەقەڵەم داوە و لە  سەر درۆ بوونی ئەو تاوانانە پێداگری كردەوە. پارێزەرەكەی "ئەمجەد نەجەفی" لەگەڵ دەربڕینی ناڕەزایەتی بەو حوكمە، خوازیار بوو كە پێداچوونەوە بەو حوكمەدا بكرێ. جێگای بیرهێنانەوەیە كە خانمی بایەزیدی ڕۆژی دو شەممە 11ی گەلاوێژی ئەمساڵ لەلایەن مەئمورانی وەزارەتی ئیتلاعاتەوە، بۆ یەكەم جار نێردرایە بەشی لێكۆڵینەوەی دادگای ئینقلابی ورمێ‌ و لەلایەن قازی پێوەندیدارەوە بە تاوانەكانی " تەبلیغات لە دژی نیزام، سووكایەتی كردن بە ئەندامانی ڕێبەریی، هاوكاری یەكێك لە حیزبە كوردییەكان"ئاگادار كرایەوە. دەوترێ كە هێز ئەمنیەتیەكان ڕۆژی 5ی بانەمەڕی ئەمساڵ بەبێ‌ بوونی ئیزن چوونەتە ماڵی ئەفسانەو دەستیان كردووە بە گەڕان و دەستبەسەر داگرتنی كەل و پەلەكانی و دەست بەسەر كردنی خۆی. جێگای بیرهێنانەوەیە كە لە مانگی ڕێبەندانی 1394 ئەفسانە بەهۆی ئەو قسە ڕەخنە ئامێزانەی لەبارەی هەڵبژاردنەكانەوە لەناو خوێندكارەكاندا دەیكرد، بانگهێشتی ئیدارەی ئیتلاعاتی مهاباد كراوە و بۆماوەی چەند سەعات خراوەتە ژێر لێكۆڵینەوە و هەڕەشە لێكردن. جێگای باسە كە ئەفسانە لە مانگی ڕەزبەری 1394 لەلایەن ئیتلاعاتی سوپاوە دەست بەسەر كراوە و لە ڕێكەوتی 3ی سەرماوەز، بە تاوانی " تەبلیغات لە دژی نیزام" " سووكایەتی بە ئەندامانی ڕێبەیی" لەلایەن دادگای ئینقلابی مهابادەوە بە دو ساڵ زیندانی تەعزیری مەحكوم كرا. دوای دەست پێكردنی دادگای پێداچوونەوە لە ڕۆژی 7ی بەفرانباری ئەمساڵ، حوكمی دو ساڵ زیندانی تەعزیریەكەی بە شێوەیەكی هەڵپەسێردراو مایەوە و لە كۆتایدا لە ڕۆژی 8ی بەفرانباری 1394 لە زیندان ئازاد كرا. ئەو هەڵسوڕاوەی كورد پێشتر لە مانگی خەزەڵوەری 1392 بە تاوانی " هاوكاری لەگەڵ یەكێك لە حیزبە ئۆپۆزسیۆنەكانی كورد" دەست بەسەر كراوە و بە دانی بارمتەیەكی 100 ملیۆن تمەنی لە زیندان ئازاد كرا و بە دو ساڵ زیندانی هەڵپەسێردراو حوكم درا.



كوشتاری سیستماتیكی كۆڵبەرانی كورد ڕاگرن "
 ناوەندی پارێزەرانی مافی مرۆڤ، لە پێوەند بە كوشتاری سیستماتیكی كۆڵبەرانی كورد لە پێوەند بە بەردەوامی كوشتاری كۆڵبەرانی كورد لەماوەی پێنج مانگی ڕابردوو تا ئێستا راگەێندراوێكیان بڵاوكردۆتەوە و  تێیدا رایانگەیاند، ئاماری كوژراوان و بریندارانی كۆڵبەرانی كورد بە دەستی هێزە ئینتزامیەكانی سپای پاسداران گەیشتۆتە نزیكەی 60 كەس. تا ئێستا هیچ دامەزراوەیەكی دادوەری، هەم لە هێزە ئینتزامیەكان و هێزەكانی سپای پاسداران، بەرپرسیاریەتی ئەو جینایەتەیان نەگرتۆتە ئەستۆ و بێ ئاگایی خۆیان لەو سەرژمێریانە نیشان داوە و تەنانەت بە دەربڕینی ناڕەزایەتی نوێنەرانی كورد لە مەجلیس، دەوڵەت ئامادە نیە لە كوژران یان بریندار بوونی كۆڵبەرانی كورد و تەنانەت لە هەندێك بواردا لە كوژرانی ئەسپەكانیشیان رێَگری بكات. لەگەڵ دۆزینەوەی كار بۆ مەرزنشینەكانی ناوچە كوردییەكان، ئەوانە ناچار دەكەن كە تەنانەت بۆ گەیشتن بە ژیانێكی سەرەتایی پەنا بەرنە بەر كۆڵبەری و لەبەرانبەر حەق دەستێكی زۆر كەم لە ناوچە سنورییەكان كار بكەن. ڕۆژانە كوشتاری ئەو چینە زەحمەتكێشە لە ناوچە مەرزییەكان بەردەوامە و هێزە نیزامیەكان بەبێ هیچ ترسێك، بە ناونیشانی دەزگای قانون دانان و بەڕێوەبەری، لەژێر ناوی "قاچاغچی" ئەوانە مەحكەمە و دەكوژن. هەموو ساڵێك ژمارەیێكی زۆر لەو كۆڵبەرانە لەلایەن هێزەكانی سەر سنور و هێزەچەكدارەكانی ترەوە دەكوژرێن، و لە هەندێك حاڵەتدا بەهۆی بێدەنگی خانەوادەكانیانەوە، ناوەكانیان تۆمار نەكراوە. بەپێی ڕاپۆرتێك كە لەسەر كۆڵبەرانی سنور ئامادە كراوە، تەقە لێكردنی هێزەكان بەڕوی ئەو كۆڵبەرانەدا بەبێ هیچ ئاگادار كردنەوەیەك و تەقەی ئاسمانی دەبێت.




دان پێدانانی سوپا بە قوڵ بوونەوەی درز لە دەسەڵاتدارێتیدا 
محەممەد حسێن سەفار هەرەندی، راوێژكاری فەرهەنگی فەرماندەیی سوپا ووتویەتی: "رەوتی روداوی شۆڕش زیاتر لە دەوڵەت و دیپلۆماسی كار دەكات" و " دژمن دەیهەوێ بە ووتەی دیپلۆماتی باجمان لێ وەرگرێ" ئەو بە راگەیاندنی ئەوەی كە " دژمن وادەزانێ ئێمە لاواز بووین" زیادی كرد" نابێ لە روحیەی ئینقلابی گەری مەودا بگرین، چونكە ئەگەر لەو روحیەیە مەودا بگرین دژمن بەهێز دەبێ. بە ووتەی سەفار هەرەندی " لە ئەمرۆدا رووبەروو بوونەوە هەیە لەنێوان دو رەوت لە دەسەڵاتدا، و ئەم دیاردەیە لەچاو پێشتر زۆر زیاتر بووە، ئەمەش لە ئەنجامی جیاوازی بیركردنەوە دروست بووە. ناوبراو زیادی كرد كە كەسانێك كە لە سەفی ئینقلاب دا بوون و لەگەڵ خەڵك دا لە خەبات و كارگەلێكی تر هاوكار بوون، ئەمڕۆ جیاوازتر لە قسەكانی جارانی خۆیان دەكەن" راوێژكاری فەرهەنگی فەرماندەی سوپا ووتویەتی : ئینقلابیەكانی دوێنێ و ئەمڕۆ دەڵێن " لە مەیدانی نێودەوڵەتی دا بەبێ بوونی پێوەندی لەگەڵ باقی ووڵاتانی تر بەتایبەتی وڵاتانی كافر، ناتواندری كێشەكانی خۆیان چارەسەر بكەن" ناوبراو دەڵێ كە " ئەمە لەكاتێكدایە كە ئیسلام بە ئێمەی راگەیاندووە كە ناتوانین لەگەڵ كافرەكاندا پێوەندی دۆستایەتیمان هەبێ" موحافەزەكارانی توندڕەو دەڵێن: حەسەن روحانی و دەوڵەتەكەی خاوەنی بیروباوەڕی" لیبڕالین، و سیاسەتی هەڵس و كەوتی ئەو لەگەڵ رۆژئاوا بە رەخنە ئامێز لەقەڵەم دەدەن.




بوونی 4500 ئێعدامی نادیار لە ئێراندا 
هاوكات لەگەڵ بڵاوكردنەوەی ئەو وتەیەی كە لەئێستادا 4500 ئێعدامی نادیار لە ووڵاتدا بوونی هەیە، و پێویستە چارەیەك بۆ ئەو كێشەیە بدۆزرێتەوە، دەسەڵاتدارێكی رێكخراوی زیندانەكان ووتی: ئەگەر ئەو ئۆردوگایانەی كە هەل و مەرجی سەختیان هەیە، بەپێی قانون كەڵكیان لێ وەرگیرێ، لەوانەیە رێگری زیاتر سەبارەت بە قانونی ئێستا كە سزای لەسێدارەدانیش دەگرێتەوە دروست ببێ. ئەوە لە حاڵێكدایە كە ئێعدامی شێوەێك سزایە ، بە واتایەكی تر بەهێزترین سزایە بۆ تاوانبار، كە رێگای گەڕانەوەی نیە. لە ئێستادا ئەو بابەتەی كە بۆتە جێی قسەو باس، بابەتی لابردن یان گۆڕینی سزای ئێعدام بۆ قاچاغچیانی مەوادی مەخەددیرە، تا ئێستاش دیار نیە كە دەبێتە هۆی كەم كردنەوەی ئەو تاوانە. لە لایەكی ترەوە سزای قاچاغچیانی مەوادی موخەددیر كاردانەوەیەكی وای دەبێت كە بەرۆكی خانەوادەی زیندانیەكانیش دەگرێتەوە. رۆژی رابردوو ئەندامێكی كۆمیسیۆنی حقوقی و دادوەری مەجلیس بە ئیشارەكردن بە نەبوونی رێگری كردن لە سزای زیندان و كەم كردنەوەی روودانی تاوان، ووتی: هەر ئێستا شاهێدی بوونی رەوتێكی پڕ لە كەم و كوڕی و بەردەوام دووبارە كردنەوەی تاوانین لە وڵاتدا، كە گرتن و دەست بەسەر كردن نابێتە رێگر لەبەردەم تاوان كردندا.





22 رێكخراوی نێودەوڵەتی داوا لە ئێران دەكەن سزای لەسێدارەدان رابگرێت
22 رێكخراوی بەرگری لە مافەكانی مرۆڤ لەسەر ئاستی جیهان داوا لە رژیمی ئێران دەكەن، سزای لە سێدارەدان رابگرێت و ژمارەی ئەو كوردانەش ئاشكرا دەكەن كە بەهۆی بیروڕای ئایینی و سیاسیی لە ئێران لە زیندانن. ئەو 22 رێكخراوە نێودەوڵەتییە راگەیەندراوێكیان لەبارەی لەسێدارەدان لە ئێران بڵاوكردووەتەوە، لە بەشێكی راگەیەنراوەكەدا ئاشكرای دەكەن ” لەماوەی كەمتر لە مانگێكدا  24 كورد لەسەر بیر‌وڕای سیاسی، ئایینی ‌و مەزهەبی لە ئێران بەشێوەیەكی ناڕەوا و نادادپەروەر لەسێدارە دراون”. بەپێی راگەیەندراوەكە ” بەشێك لەو بەندكراوانە لەژێر ئەشكەنجە، فشار و لە زیندانی تاكە كەسی بە زۆر گوتەیان لێوەرگیراوە، دواجاریش بەتاوانی دژایەتیكردنی خوا‌ و، بەبێ لەبەرچاوگرتنی هیچ رێسایەكی مافەكانی مرۆڤ لە سێدارە دراون”. لەبەشێكی دیكەی راگەیەندراوەكە جەخت كراوەتەوە لەوەی “بەپێی زانیارییەكانی رێكخراوەكانی داكۆكیكەر لە مافەكانی مرۆف، ئێستا 915 كەس بە هۆكاری سیاسی، یان بیر‌وڕای ئایینی و مەزهەبی لەئێران گیراون، لەو ژمارەیەشیان 390 كەسیان كوردن”. لە كۆتایی راگەیەنراوەكەدا داوا لە وڵاتانی ئەندامی ئەنجوومەنی مافی مرۆڤی نەتەوەیەكگرتووەكان كراوە ” لەپێناو راگرتنی سزای لە سێدارەدان فشار بخەنە سەر كۆماری ئیسلامی ئێران”.











كرێكارانی شارەداری سەردەشت ماوەی ٣ مانگە مووچەیان وەرنەگرتووە
٢٠٨ كرێكاری شارەداری سەردەشت لە پارێزگای ورمێ ماوەی ٣ مانگە كە مووچەیان وەرنەگرتووە.ئەم كرێكارانە كە بەشێوەی قەراردادی یان ڕۆژكار لە شارەداریدا كار دەكەن ڕایانگەیاندووە هۆكاری نەدانی پارەكانمان كەمتەرخەمییەكانی شارەدارییە لە دابین كردنی سەرچاوەی ماڵی پێویست.بەپێی ئەم هەواڵە جگە لە نەدانی مووچە بە كرێكاران، شارەداری سەردەشت لە دانی پارەی بیمەی كرێكارەكانی بە "تامین اجتماعی" خۆی بواردووە و هەر بەم هۆیەشەوە ئیدارەی بیمەی سەردەشت دەفتەرچەی دەرمانییەكانیانی بۆ ماوەی مانگێك نوێ كردۆتەوە.بەپێی دوایین ڕاپۆرتە بڵاوكراوەكان كرێكاران لە ترسی دەركران ناتوانن باسی كێشەكانیان بكەن و لە نیهادە كرێكارییەكان یان لە ڕێگەی ڕاگەیەنە گشتییەكانەوە بەدواداچوونی بۆ بكەن؛ بەتایبەت كە بەشێكیان بەشێوەی ڕۆژكار كار دەكەن و هیچ ئەمنیەتێكی كاری و پیشەییان نییە.





ڕووداوی كار بەردەوام گیانی هاووڵاتیان دەستێنێ
دابین نەكردنی ئەمنیەتی گیانی لە كاتی كاردا، لە پارێزگای كرماشان بەردەوام گیانی هاووڵاتیان دەستێنێ. بەپێی ڕاپۆرتی هەواڵدەریی كوردپا، لە بەهاری ئەمساڵەوە ١٤ كرێكاری كورد لە پارێزگای كرماشان بەهۆی ڕووداوی كارەوە گیانیان داوە. ئەم ڕێژە بە بەراورد لەگەڵ ماوەی زەمەنیی هاوشێوەی لە ساڵی رابردوودا، ١٦% زیادی كردووە. ڕەچاو نەكردنی ڕێوشوێنەكانی خۆپاراستن و نەبوونی یاسای پێوەندیدار، ساڵانە ڕووداوی لەم چەشنەی لێ دەكەوێتەوە. لە نوێترین ڕاپۆرتی دەزگای پزیشكی یاسایی پارێزگای كرماشاندا، ئاماژە بە بریندار بوونی ١٠٥ كرێكار لە ٣ مانگی یەكەمی ئەمساڵدا كراوە. ساڵی ڕابردوو ڕێژەی قوربانیانی ڕووداوەكانی كار لە بەهاردا، ١٢ كەس بوو. بەپێی بۆچوونی چالاكانی كرێكاری لە كرماشان، فێركاری بۆ خۆپاراستن، بەتایبەت بۆ كرێكار و كارفەرماكان لە ئێران زۆر كەمە. وەزارەتی كاری ئێران ساڵی ڕابردوو ڕایگەیاند؛ تەنیا 10%ی كوژراوانی ڕووداوەكانی كار خاوەنیدڵنیایی كارن (بیمە).




سێ كاسبكاری سەردەشتی دەستبەسەر كران
‎ دەستبەسەركردنی “كاسبكارانی سنووریی شاری سەردەشت” درێژەی هەیە و ئەمجارەیش سێ كەسی دیكە دەستبەسەر كراون.
بە پێی بەشی مافی مرۆڤی ناوەندی ڕۆژی كورد، لە درێژەی گوشار خستنە سەر كۆڵبەر و كاسبكارانی سەر سنوور،  كاژێر 11ی ڕۆژی یەكشەممە، 1ی خەرمانانی 1395ی هەتاوی، سێ كەس لە كاسبكارانی سنووریی خەڵكی گوندی “گولان”ی سەر بە شاری “سەردەشت” لە لایەن ” هێزەكانی ئاسایشی باژێڕی سەردەشت”ـەوە دەستبەسەر كراون.  “عەلی مەولان نیا”، “ئەحمەد مەولان نیا” و “عەلی عەلیزادە” لە سنووری ناوچەی “ئالان” لە لایەن هێزەكانی “ئاسایشی باژێڕی سەردەشت”ـەوە دەستبەسەر كراون. ئەو سەرچاوەیە هەروەها بە ڕۆژی كوردی ڕاگەیاند: “هێزەكانی ئاسایش”،  ئەم سێ كەسەیان لە حاڵێكدا دەستبەسەر كردووە كە ناوبراوان بە مەبەستی نوێكردنەوەی مۆڵەتی بەڵگەی سنووریان، سەردانی یەكێك لە ناوەندە ئەمنییەتییەكانیان كردووە و هەنووكە لە “بەندیخانەی كاتیی ئیدارەی ئاسایشی سەردەشت”دان. هەروەك پێشتریش لە هەواڵەكانی ناوەندی ڕۆژی كورد دا هاتبوو،  ڕۆژی پێنجشەممە 1ی پووشپەڕی 1395ی هەتاوی و بە هۆی ناڕەزایی دەربڕینی بنەماڵەكانی دوو برای كۆڵبەری كوژراوی گوندی گوێزیلێی سەر بە باژێڕی سەردەشت واتا ” لەتیف و ڕەئووف عەلیخانی”، سێ كەسی ئەو گوندە بە ناوەكانی “ئەبووبەكر و ناسێح عەلیخانی” و “عومەر عەبدوڵڵاپوور” لە لایەن هێزەكانی ئاسایشەوە دەستبەسەر كرابوون. ئەبووبەكر عەلیخانی لە كاتی دەستبەسەركران بە تووندی ئەشكەنجە كرابوو بە جۆرێك كە دوای ئازادبوونی بە زوویی ڕاگواسترا نەخۆشخانە و پزشك ڕایگەیاندبو كە قامكی ناوبراو بە هۆی ئامێری گەرماییەوە سووتاوە. لە چەند مانگی ڕابردوودا، چەند گەنجێكی دیكە لە گوندەكانی ناوچەی “ئالان” بە هۆی مەترسی دەستبەسەركران لە لایەن “ئیدارەی ئاسایشی سەردەشت”ەوە ئاوارە بوون و بەرەو شوێنی نادیار ڕایان كردووەو  تا ئێستا هیچ زانیارییەك سەبارەت بە یەكێك لەو گەنجانە بە ناوی “دانا ئیبراهیم نەژاد” لە بەردەستدا نییە.



داعش لە “سینا” چەكی ئێرانی بەكار دەهێنێت
بەپێی هەواڵی ماڵپەڕی “شەرقولئەوسەت”، ڕێكخراوی تیرۆریستیی داعش لە “سینا” چەكی ئێرانی بەكار دەهێنێت. شەرقولئەوسەت لەمبارەوە نووسیویەتی: “سینا پڕە لە چەكی جۆراوجۆر، تۆپخانەی ۱۴٫۵ و ۲۳ میلیمیتری لێیە، هەروسا موشەكی “گراد” و خۆمپارەی “ئار پی جی” و چەكگەلی “ئی ئێم 50 سییاد”ـی ئێرانی لێیە”. لەمبارەوە سەرهەنگ عادڵ ئەلعومدە، ڕاوێژكاری ئاكادمیی باڵای سەربازیی ناسر، بە شەرقولئەوسەتی گوتووە: “ئەو چەكانەی ئێران، زۆر بە سانایی لە لایەن گرووپە تووندئاژۆكانەوە دێنە ناو لیبی و لە لیبیشەوە لە ڕێگای زەوی و زەریا و بە قاچاغی دەچنە سینا و ئەوە وەك زنجیرێك پێكەوە لكاوە”. شەرقولئەوسەت لە درێژەی ڕاپۆرتەكەی خۆیدا دەڵێ: “كارناسێكی سەربازیی میسری لەمەڕ چەكەكانی “ئی ئێم 50 سییاد”ـەوە گووتوویەتی كە ئەو چەكە بە شێوەیەكی بەربڵاو لە لایەن چەكدارەكانی عێراق و حوسی لە یەمەن بوونی هەیە كە لە لایەن ئێرانەوە پشتگیری دەكرێن.” 



پەلامار بۆ سەر هێزە ئینتزامییەكان لە بۆكان، بریندارێكی لێكەوتەوە
‎ بەپێی هەواڵی ناوەندی ڕۆژی كورد كاتژمێر 3ی سەر لە ئێوارەی ئەمڕۆ دووشەممە 1ی جۆزەردانی 1395  لە گۆڕەپانی عەلی ئابادی باژێڕی بۆكان، هێرش كرایە سەر ماشێنێكی هێزەكانی ڕژیم. ئەو هێرشە لە لایەن كەس یان كەسانێك نەناسراوەوە ئەنجام دراوە و یەكێك لە هێزەكانی ڕژیم بە تووندی بریندار بووە. بە وتەی هەواڵنێری ناوەندی ڕۆژی كورد چەند كەسی نەناسراو بە چەك هەڵیانكوتاوەتە سەر ماشێنێكی هێزە ئینتزامییەكان و دەستڕێژێكی تووندیان لەو ماشێنە كردووە كە لە ئەنجامدا جیا لە زیانی زۆر بۆ ماشێنەكە، یەكێك لە هێزەكانی ڕژیم بە تووندی بریندار بووە.كەسانی هێرشبەر بە نیاز بوون كەسێكی زیندانی لەدەست ئەو هێزانە ڕژیم قوتار بكەن بەڵام سەرنەكوتوون. ئەوە دووهەم هێرش بۆ سەر هێز و دەست و پێوەندییەكانی سەر بەڕژیم لە باژێڕی بۆكان لە ماوەی 20 ڕۆژی ڕابردوودایە، ڕۆژی سێ شەممە ١٢ی گەلاوێژی ١٣٩٥ی هەتاوی، گرووپی تێكۆشەرانی ئاڵای سوور لە گەڕەكی فەرهەنگیانی شاری بۆكان، تەقەیان لە جاش خوسرەو خوسرەوی ناسراو بە “خوسرەو ساڵە چیمەن” و “عوسمان زارعی” دوو  بەكرێگیراوی ناوزڕاوی كۆماری ئیسلامی لە شاری بۆكان كە دەستیان لە شەهیدكردنی چەند پێشمەرگەی كۆمەڵەدا هەبووە كرد و لە ئاكام دا خوسرەو خوسرەوی ناسراو بە خوسرەوی ساڵە چیمەن كوژرا و عوسمان زارعی سەرهەنگی سوپای پاسداران بە سەختی بریندار بوو.




 كۆتایی ئۆلەمپیكی رییۆ بە پالەوانەتی ئە مریكا بە بە دە ست هێنانی 121 مێدال
 ئۆلە مپیكی 2016ی  رییۆ لە كاتیكدا كۆتایی پێ‌ هات ، كە ئامە ریكا بە وەدەست هێنانی 46 میداڵی زێر، پلەی یە كەمی وە رگرت .بریتانیا بە میدالیك زێری زیاتر لەچاو چین لە پلە ی دوهەم جێ‌ی گرت ، كاروانی وەڵاأتی ئێران لە پلە ی بیست و پێنجە م دا كۆتایی بە كارە كانی خۆی هێنا .بە پێ‌ی راپورتی بە هار نیوز ،ئۆ لە مپیكی 2016 ی رییۆ لە كاتێ‌ كۆتایی پێ هات كە ئە مریكا بە بە دە ست هێنانی 46 میداڵی زێر لە پڵەی یەكەم وێستا و بریتانیا بە میدالێك زێری زیاتر لەچاو چین لە پلە ی دوهە م جێی گرت. لە كۆتایی كێبەركێی ئولە مپیكی 2016 ی رییۆ كاروانی ئە مریكا 46 میدالی زێری بە دست هێنا و بی كۆی 121میداڵ لە جێی یەكەم وێستا . لەم بەینە دا برێزیلی وەلاتی خانە خوێ بە 7 میدالی زێر ،6زیو، 6برۆنز و كۆی 19 میداڵ لە پڵە ی سێزدەهە مین جێی گرت ،  ئەو ئۆلەمپیكە جێگۆركێی رێكورد و وەرگرتنی میدالێكی گرینگی لە لایەن وەرزیشكاران بەدواوە بوو  و شكاندنی رێكوردی رەزازادە لە بە رزكردنەوەی قورسایی بۆ كێشی قورس لە لایەن ورزشوانانی گرجستانی و بە دست هێنانی نۆهەمین میدالی زێری ئوسین بورت لە سێ‌ ئولە مپیكی یە ك لە دوای یە ك و وە رگرتنی 26 مین میداڵی زێری مەلەوانی ناوازەی ئە مریكایی مایكل فلیبس لەو حاڵەتە گرینگانە بوو كە روی دا .



ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کوردستانی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کوردستانی:
هاتنى مانگى ره‌مه‌زان له‌سه‌رجه‌م په‌یره‌وانى دینى ئیسلام پیرۆز بی


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان