ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 15 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

پەیامی بەرێز سكرتێری گشتی سازمان بەبۆنەی بوومەلەرزەكەی دوێنێ لە كوردستان

كاك بابەشێخی حوسێنی: دابەشكردنی كوردستانی ئێران بەسەر ئەم هێز و ئەو هێزدا رەد دەكەینەوە

پیرۆزبایی كاك بابه‌شیخ حوسەینی سكرتیری گشتی سازمان بۆنه‌ی جێژنی خاوه‌ندكار

شەهیدكرانی ئەركان شەریف رۆژنامەنووس و وێنەگری كوردستان تی وی مەحكوم دەكەین

بەرز و بەرێز بێ 10ی خەزەڵوەر رۆژی پێشمەرگەی سازمانی خەبات ی كوردستانی ئێران

سازمانی خه‌بات هێرشی پاسداران و حەشدی شەعبی بۆ سه‌ر هه‌رێمی كوردستان مەحكوم ده‌كات

پەیامی هاوخەمی دەبیرخانەی ناوەندی بۆ خانەوادەی مامۆستا كەریم زەند

پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان

راگەێندراوی سازمانی خەبات لەسەر هەڕەشەكانی رژیمی ئێران بۆ سەر هەرێمی كوردستان

پەیامی سازمانی خەبات ی كوردستان بە بۆنەی دەسپێكی ساڵی خوێندنی 1396- 1397

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9557642
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 32

یادی پێشمەرگە و فەرماندەی قارەمان كاك خەلێل جەعفەری ناسراو بە (خەلێل رەشاش)

مێژووی ناردن : Thursday, December 25 @ 18:37:09 UTC

كەریم فەیزیان

زۆرداری و داگیركاری دوو هۆی سەرەكین، كە دەبنە سەبەب بۆ پاڵپێوەنان و هاندانی گەڵان و تەنانەت  تاكەكانی كۆمەلێش كە پەنا بەرنە بەر ئەوەی كە گیانی خۆیان بكەنە قوربانی لە پێناو گەڵ و نیشتیمانەكەیاندا. بو دیفاع لە بوون و مانی نەتەوەكەیان ئەبنە پێشمەرگە و بە شانازییەوە ئەو ڕێگایە هەلدەبژێرن و لەو پێناوەشدا شەهێد دەبن، یان سەر دەكەون .شەهێد خەلێل كوڕی كاك سدیق لە بنەمالەیەكی زەحمەتكێش و رەنجدەری شاری بانە لە دایك بوو .




بنەمالەی كاك خەلێل خێزانێكی زۆر ، لە هەمانكاتدا كەم دەرامەت . بە هۆی ئەوە كە داهاتێكی ئەوتۆیان نەبوو ، نەیانتوانیبو بیخەنە بەر خوێندن . باوكی شەهێد خەلێل مجێوری مزگەوت بوو ، كە كەمترین دەسكەوتی  هەبوو ، بەو داهاتە كەمە ژیانێكی سەرەتایی دەتوانی بۆ خێزانەكەی دابین بكات . كاك خەلێل سەردەمی مندالی بە هەر چەرمە سەرەیەك بوو تێپەراند . بە نەداری و هەژاری ژیانی بردە سەر تا كەمێك پێ گەیی ، زۆر بچوك بوو كە بۆ یارمەتیدانی بنەمالەكەی لە شاری بانە دەچووە كاسە كێشی و كرێكاری ،  بەو تەمەنە ئەو كاتەی ئەو كارێكی قورس بو . شەهێد كاك خەلێل تازە ببوە لاوێكی حەڤدە ساڵان كە دەزگیرانی گرت و هاوسەری ژیانی خۆی لە شاری سەقز بینییەوە ، بەو هێوایەی كە بناخەی ژیان دامەزرێنێ، و تێبكۆشێ بۆ ئەوەی ئەو ئاواتانەی هەیەتی  بیهێنێتە دی . بە داخێكی گرانەوە ماوەێكی زۆر بە سەر ژن مارەكردنەوەكەیدا تێناپەری پێش ئەوەی بتوانی ژن بگوێزێتەوە، دەگیرێ بە سەرباز لە ڵایەن رژێمی پاشایەتییەوە . ماوەیەك بو ئاموزش دەینێرنە جەڵدیان و دوایە نەقلی تارانی دەكەن ، لە ئەفسەرییەی تاران بە ئیجبار خزمەتی سەربازی دەكرد . كاك خەلێل كە ئەو هەموو ناخۆشییە دێتە ڕێی، سەرئەنجام بەخت یاوەری دەبی  ، شۆرشی جەماوەری خەڵكی ئیران دژی زوڵم و بی عەدالەتی وەك گێژەڵۆكە و گردەلوول رژێمی و دەسەلاتی  چەندسەد ساڵەی پاشایەتی تێكەوە پێچا و فڕێی دایە نێو زبڵدانی مێژووەوە .

كاك خەلێل كە ئەو دەرفەتەی بۆ هەڵ دەكەوی وەك بولبول چۆن لە قەفەز رزگاری دەبی لە شەقەی باڵ دەدا و زۆر خێرا خۆی دەگەیەنێتەوە باوەشی خێزانەكەی لە شاری بانە . كە دێتەوە بانە بە دیداری خۆشەویستانی شاد دەبێتەوە ، ژیانی ئاسایی خۆی دەست پی دەكات .

دوای ئەوەی رژێمی ئاخوندی جلەوی دەسەڵاتی گرتە دەست و خومەینی مێشك وشك وەك رێبەری جوڵانەوەكە خۆی كردە دەمراستی میللەتی ئیران و كەوتە پلان دانان دژی میلڵەتی كورد و دەستووری جیهادی دا بۆ سەر خەڵكی ستەملێكراو و موسولمان و شۆرشگێری كوردستان .

خەڵكی كورد تازە خەریك بوون تامی ئازادی بچێژن كە بە پێچەوانەی ویست و ئاواتی ئەوان هێرش كرا بۆ سەر خاك و نیشتیمانەكەیان . كێ ئەتوانێ لە حاست ئەو داگیركاریە بێدەنگ بی ؟ كاك خەلێل رەشاش یەكێك بوو لەو هەزاران كەسەی كە نەیتوانی داگیركاری و زوڵمی لە رادە بە دەری كۆماری ئیسلامی ئیران دژ بە گەلەكەی قەبووڵ بكات ، سەری بو دوژمن نەوی نەكرد.  هەر كە خومەینی فەرمانی جیهادی  دژ بە گەلی كورد ڕاگەیاند ، وەك شێر هاتە مەیدان و چەكی شەرەفی پێشمەرگایەتی هەڵگرت ، سەرەتا لە دەفتەری مامۆستا شێخ عێزەدینی حوسەینی و دواتر  كە سازمانی خەبات ی كوردستان مەوجودییەتی خۆی ڕاگەیاند  یەكێك بوو لەو پێشمەرگە قارەمانانە كە بە گێان و بە دڵ تێدەكۆشا بۆ ئەوەی بیروڕای سازمانەكەی بەرێتە ناو كۆمەڵانی  خەلكی زەحمەتكێشی كوردستان .

كاك خەلێل سەرتا وەك پێشمەرگەیەكی سادە لە یەكێك لە لكەكانی دەفتەری مامۆستادا ، بە سەرپەرەستی علی حاجی عەتتار ، ناسراو بە( خالە علی) ئەركی پێشمەرگایەتی دەست پی كرد ، بە هۆی ئەوەوە كە ماوەیەك سەربازی كردبوو زۆر جەسوور و لێزان و ئازا بوو . لە شەری سیوحەووت ڕۆژەی ناو شاری بانەدا یەكێك بوو لەو قارەمانانە كە بۆ هێرش كردنە ناو پادگانی بانە لە سەنگەرە كانی پێشەوەی شەرەگەكەدا بوو ، دوو جار لە ناو شاری بانەدا بریندار كرا ، هەر دوو جارەكە برینەكەی سووك بوو دوای دەرمان كردنێكی سەرەتایی دەگەراوە بەرەكانی شەر .شەهێد خەلیل لە هەموو ناوچەكانی كوردستانی ئیران هەر لە كامیارانەوە تا دەگاتە مهابات كە ئەو كات سازمانی خەبات تا ئەو ناوچانە پەلی هاوێشتبوو لە زۆر سەر جادە و گوند و نێو شارەكاندا لە گەڵ هێزی پۆڵایینی پێشمەرگەی خەبات چالاكی بی وێنەیان تۆمار دەكرد .

لە جەولەیەكی سیاسی نیزامی لە زستانی سالی 1359 مانگی 11 دا بە فەرماندەیی شەهێدی نەمر كاك سەیید عبدولكەریم  حسێنی بۆ ناوچەی سەقز . لە زستانێكی سەختدا كە بەفرێكی زۆر باریبوو ، ئیمە پێشمەرگەی خەبات لە گوندی سیادەری خواروو مابوینەوە  كە ئەو كات چەند نەفەرێكی چریكی فیدایی نەبی پێشمەرگەی ئەحزابیتر لەو ناوچەیە نەبوون ، خەبەرمان پێ گەیی كە ئەرتەش و پاسدارێكی زۆر لە سەقزەوە بەرەو بانە ڕۆیشتوون و لە گەردەنەی خان گیریان كردووە ، نەیانتوانیبوو پێشرەوی  بكەن ، گەرابوونەوە بۆ كێلەشین . برادەران پێیان باش بوو زەربەیەك لەو هێزەی داگێركەر بدەین . بە بەرنامەیەكی رێكوپێك دابەش كراین بە سەر چەند شووێندا ، هەر دەستە و تیمێك بۆ شوێنی دیاریكراوی خۆی بەرێ كەوت . من ، شەهێد خەلێل رەشاش ، شەهێد محمدی قادرجمال ، ناسراو بە( حەمە توركە) و مەنسووری زەرەندی تیمی پێشرەو بووین بۆ سەر جادەكە ، ئێمە كە بە ڕیز بە دوای یەكدا دەرۆیشتێن ، تازە من و كاك خەلێل گەیبووینە سەر جادەی بانە سەقز كە دەنگی ماشێنی ئەرتەشەكە دەهات  كە بەرەو سەقز ئەگەرانەوە . دیارە ئەو شوێنە سەر پردی سیادەری خووارو بوو  ،ئاخر كەسی تێمەكەی ئێمە كە مەنسووری زەرەندی بوو لە سەر یالەكەوە كە ئەرتەشەكە ئەبینی نەهات بە روكاری ئێمەدا ، ئێمە كە مەجالی گەرانەوەمان نەبوو ، هەر لە سەر جادەكە كە ماشێنی ئەوەڵ كە زیلێكی پڕ لە پاسدار بوو لە پێچەكە بە روكاری ئیمەدا دەركەوت، دەست بەجی تەقەمان لی كرد و شەر دەستی پێكرد، شەهێد محمد كە نەیتوانیبو بۆ لای جەماعەت بگەرێتەوە و بەرەو ئیمەش نەهاتبو بە قەدپالی كێوی بەردە سووراندا بەرەو لای میرەدێ دەروا كە هەموی لە دێدی ئەرتەشەكەدا بوو  ،بە گوڵلەی دوژمن دەپێكری . بە هۆی ئەوەوە كە برینەكەی كارێ بووە و لە بەفرێكی زۆریشدا گیری كردبوو هەر لەوی شەهێد دەبی . تیمەكانێتر نەیانتوانیبو بە هۆی زۆری بەفرە و بەستەڵەكی چۆمەكەوە بگەنە شوێنی مەبەستیان . ئێمەش لە سەر جادەكە ماینەوە و كاك مەنسوور كە نەیتوانی بۆ لای ئێمە بێ گەرابووەوە بۆ لای جامەعەت ، لە بەر ئەوەی لە سەر جادەكە لە نێوان ئێمەو ئەرتەشەكە تەقەیەكی زۆر كرا ، مەنسوور بە جەماعەت دەڵێ كە بە چاوی خۆم دێومە ئەوان كوژراون . مەبەستی ئێمە ببو  .

جەماعەت كە لە ئێمە نائومێد دەبن ،دوای شەرێكی باش لە گەڵ دوژمندا و بریندار بوونی دوو پێشمەرگەی قارەمان بە ناوەكانی كەریم و عبداللە. لە بەر ئەوەی زێانی زیاتر بە پێشمەرگەكان نەگات پاشەكشە دەكەن بۆ سیادەری خوارو و بریندارەكانیش رادەگوێزن بۆ وزمەڵە ، كە ئەرتەشەكە هەستی بەوە كرد كە جەماعەت پاشەكشەیان كردووە وردە وردە بە تەختی جادەكەدا بەرەو ئیمە كەوتنە ڕێ، لە دوای نێوەڕۆوە شەری قورس  لە نێوان ئیمەو ئەرتەشەكەدا دەستی پی كرد ، لە گەڵ كاك خەلێل پەیمانمان بەست تا ئەكوژرێین شەر بكەین . شەر درێژەی كێشا تائێوارە درەنگانێك، پێش تاریك بوون دوژمن هێزێكی تازە نەفەسیان لە میرەدێوە بۆ هات ، ئەو هێزەی دوژمن لای پشتەوەیان لە ئێمە گرت ، ئیمە كە تا ئەو دەمە كەمێك بە قونە شەر خۆمان گەیاندبوە پشت گاشە بەردێكی گەورە بە نێوقەدی كێوەكەوە ئەوجار لە لایەن ئەو هێزەی دوژمنەوە كە تازە هاتبوو، كەوتێنە بەر دەسترێژ، بە داخەوە كاك خەلێل لەو جێگایە برێندار بوو ، مقاومەتمان كرد و ئەوانەی پشتەوەیان لێ گرتبووین دامانپەراندن ، كاك خەلێل حاڵی باش نەبو ، برێنەكەی زۆر سەخت بوو ، هێچی لە گەڵ نەدەكرا فیشەكەكە لە ناوەراستی پشتی درابو ولە پەراسوویەوە دەرچووبو . كووێی ببەستم ؟ فێشەكمان كەم پێ مابوو ، بەڵام هێزی داگیركەر زیانێكی زۆریان وی كەوتبو ، كەلاك و بریندارێكی زۆریان هەبوو ، تەقە وردە وردە كز بوو ، هەوا بەرەو تارێكی ئەچوو بە باشی سەر جادەكەم نەدەبێنی ، چەند ماشێنێكی ئەرتەشی كە خراپ ببون لەوێ بە جێ مابوو . ملپێچەكەی خۆمم خستە سەر برێنەكەی كاك خەلێل و بە ملپێچەكە خۆی بەستم ، هەر دوو تفەنگەكانم كردە شانێكم و شانەكەتریشم خستە ژێر بالی كاك خەلێل و كەم كەم بۆ سەر شاخەكە سەر دەكەوتین، توشی جەنازەكەی كاك محمد بووین كە لە نێو بەفرێكی زۆردا كەوتبو و خەریكبو باڕن بە بەفر دایدەپۆشی ، لەوی كەمێك كاك خەلێلم دانا و تەرمەكەی شەهێد حەمەم هێنایە بن شاخێك بۆ ئەوەی كە هاتین بۆی بیبەینەوە، بە ئاسان بیدۆزینەوە، نەك بەفر دایپۆشێ . وردە وردە بە شاخە سووردا هەڵگەراین بە هەر جۆر بوو گەێشتینە سەر لوتكەی شاخ ، لەوێوە چرای ناو گوندی سیادەر دیار بوو بەڵام چ بكەم دەنگم نەدەگەیی . كاك خەلێل چرا قووەیەیەكی پێ بوو تا نووری لێ بڕا لە نێو گوندمان گرت و هەرامان كرد كەس نەی دەزانی كە ئێمەین ، كاك خەلێلم لەوی بە جێ هێشت بۆ ئەوەی بتوانم بچم كۆمەك بێنم ،هەر كە لە شاخەكە كەمێك داگەرام گوندم لێ دیار نەما ، بە زەحمەتێكی زۆر رێگام دۆزییەوەو كە نزێك ئاوایی بوومەوە لە ترسی ئەوەی نەك پاسداری لێ بێ ، نگەهبانەكەم دەنگ دا ، هەر لە گەڵ دەنگدانەكەی من، برایەكی پێشمەرگە بە ناوی محسن نگەهبان بوو ، یەك بە خۆی قێژاندی ، هەتیو تۆ ماوی ؟

بە پەلە پێشمەرگەكان بەرەوپێرم هاتن و خێرا كۆمەڵێك خەڵك و پێشمەرگەی خۆمان و چەند نەفەری چریكی فیدایی چوون بۆ هێنانەوەی كاك خەلێل و جەنازەی شەهێدەكە . ئەو جەماعەتە بە ئاسان كاك خەلێلیان دۆزیبووەوە بەڵام جەنازەی شەهێد محمد كە بەفر دایپۆشیبوو نەیانزانیبوو لە چ لایەكەوەیە ، هەر ئەو شەوە لە گەڵ چەند پێشمەرگە چووینەوە شوێنی شەرەكە و تەرمەكەمان بێنییەوە و بە پەلە هێنامانەوە . تا ئێمە جەنازەكەمان هێناوە، شەهێد كاك عبدوالكەریم كە زۆر لی هاتوو و بە تەجرووبە بوو، لە گەڵ برایەكی كادری دەرمانی بە ناوی كاك رێبوار خێرا حیوانێك سەر دەبرن و بە پێستی حەێوانەكە برینەكە ئەپێچن . بەم جۆرە كاك خەلێل ئەو جارە لە مردن رزگاری بوو . هەر ئەو شەوە بی ئەوەی كەمێك ئیسراحەت بكەین بە هاوكاری خەڵكی شۆرشگێر و دڵسۆزی ناوچەكە بریندارەكان و شەهێدەكەمان بە گووندەكانی وزمەڵێ و داراوێدا بردە گوێزێ . لە گووندی گوێزێ خەڵكی بە شەرەف و شۆرشگێری ئەم ئاواییە بە ڕێز و حوورمەتەوە شەهێدەكەیان لە گەڵ بە خاك سپاردێن . هەزاران دروود و رەحمەت بۆ گێانی شەهێد محمد و سپاسی بێ پایان بۆ خەڵكی ئەو ناوچەیە كە زەحمەتی زۆریان لە سەر شان بوو ئەو ماوەیە . برێندارەكانمان بە شێخچۆپان وگڵۆڵاندا گەیاندە بۆكان .  كە ئەو كاتە دەستی چەپەڵی رژێمی ئاخوندی نەگەیبووە بۆكان . كاك خەلێل عەمەلی بۆ كرا و بریندارەكانێش تیمار كران ، دوای ماوەیەك كە برینەكانیان سارێژ بووەوە گەرانەوە ناو بەرەكانی شەر ناو هێزی پێشمەرگە .

كاك خەلێل بە هۆی ئازایی و لێهاتوویی و دەمپاراوییەوە ڕێزی تایبەتی لە نێو كۆمەلانی خەڵكی كوردستاندا هەبوو ، لە ماوەی كار و تێكۆشانێدا  لە سازمانی خەبات زۆری ئەرك لە سەر شان بوو ، هەر مەسئولێیەتێكیان پێ دەسپارد بەوپەری دڵسۆزییەوە ڕای دەپەراند . ماوەیەكی زۆر بەرپرسی مەقەر و چەند سالێكیش جێگری فەرماندەی هێزی شەهێد مامۆستا سەیید خەلێل بوو .

كاك خەلێل چووار مندالی بوو ، ئەو جگەرگۆشانەی لە گەڵ خێزانەكەی لە خانووچكەیەكدا لە نزیك مەقەر  لە گەڵ بنەمالەی پێشمەرگەكانی تردا دەژیان ، بۆخۆی بە ماوەی چووار مانگ و پێنج مانگ دەڕۆیی بۆ جەولە ، بە هۆی هێرشی  درندانەی رژێمی ئاخوندی و داگێر كردنی ناوچە ئازادكراوەكان ، لە بەر ئەوەی ماڵ و منداڵ پارێزراو بن ، 

لە ئوردوگای زۆرەملەی قەڵاچوالان لە باشووری كوردستان نیشتەجێ بوون ، كە ئەو دەم رژێمی بەعسی فاشی

خەڵكی گوندەكانی سەر سنووری بە زۆر بۆ ئەو جێگایە ڕاگواستبوو .

شەهێد خەلێل لەوكاتەدا كە ماڵەكەی لە قەڵاچووالان بوو  ، ماوەی چووار مانگ بوو كە لە وڵات لە جەولە بوو ،بۆ سەردانی مندالەكانی لە رٶژهەلاتەوە رۆژی ٥ی پوشپەری ١٣٦٥  بەرەو باشوور لە ڕێدا بوون لە گەڵ چەند هەڤالی پێشمەرگە، كە سنووری ئیران بە جێ ئەهێڵن و دێنە خاكی باشووری كوردستانەوە كە ئەو كات ئەسكەری عیراقی لە باسنێ بوون و بەینی ئەرتەشی عیراق و ئەرتەشی ئیران بە ئەندازەی دە كیلۆمەترێك چۆل بوو ،

پێشمەرگەكان كە ماوەیەكی زۆر بە ڕێوە دەبن ، هیلاك و ماندوو دەگەنە ئەو شوێنە چۆڵە بە مەبەستی ئەوە كەمێك پشوو بدەن و دواتر بچنە لای ئەسكەری عێراقی بۆ ئەوەی ئیزن وەرگرن كە بە ئاشكرا بتوانن بەرەو قەڵاچووالان بكەونە ڕێ. پێشمەرگەكان كە زۆر ماندوو دەبن و لە بەر ئەوەی لە نزیك مۆڵگەی ئەرتەشی عیراق وچانیان داوە ، فكریان بۆ ئەوە ناچی كە دوژمن بتوانێ زەفەریان پێ بێنێ . بە داخێكی گرانەوە ئەو پۆلە پێشمەرگە قارەمانە بە هۆی پلانێكی چەپەڵەوە لە لایەن كۆماری ئیسلامی ئیران بە هاوكاری گروپێكی ئیسلامی باشووری كوردستان و جەماعەتێكی  حیزبی دەعوا كە نۆكەر و  چلكاو خۆری رژێمی ئیرانن ، بە فێڵ ئەیانخەنە داۆ و خۆیان لێ دەكەنە ئەسكەری عیراقی و چواردەورییان دەگرن داوای ئەوەیان لێ دەكەن كە لە چەكەكانیان دوور كەونەوە ، پێشمەرگەكان خۆیان ئەناسێنن و ئەلێن ئیمە معارزەین و پێشمەرگەی خەباتین، زۆڵە كوردەكانیش بە عەرەبی پێیان دەڵێن باوەرتان پێ ناكەین ، لە چەكەكان دوور كەونەوە با بزانین ئایا ئێوە راست دەكەن ، هەر كە لە چەكەكان دوور دەكەونەوە ئەو ناپیاوانە هێرش دەكەنە سەریان و بە جامانە و پشتوێنەكانی خۆیان دەست و چاویان دەبەستن و بەرەو سووركێو دەیانبەن ، ئەو كاتە دەزانن كە ئەوە پلان بووە بۆ گرتنیان .  دەیانبەن بۆ شاری بانە و لە زیندانیان دەكەن ، پاسدارێك بە ناوی فەرهاد كە پێشتر لە لایەن پێشمەرگە قارەمانەكانی خەباتەوە بە دیل گیرابو و دوای ئیجرائاتی قانونی ئازاد دەكرێ لە لایەن سازمانەوە ، ناوبراو ببوە فەرماندەی گرووهی زەربەتی سپای پاسداران لە بانە و زۆر نامەردانە و نامرۆڤانە لە گەڵ خەڵكی ناوچەكە رەفتاری دەكرد، ئەو پیاوە ترسەنۆكە هەر ئەو رۆژە ئەنێری بە دوای كۆمەڵێك خەڵكدا كە پێشتر پێشمەرگەی خەبات بوون و خۆیان تەسلێم رژێم كردبوەوە جا بە هەر هۆیەكەوەبێ ، لە ناو ئەو كەسانەدا چەند نەفەرێكی نفس نزمییان تێدا دەبی كە ببوونە نۆكەر و بەكرێگیراوی رژێم ، شێر ناگیرێ ! بەڵام ئەگەر بە فێڵ لە داوی خەن دەكرێ بیگرن .

كاك خەلێل و هەڤالانی كە دەست و قاچیان لە پێوەنددایە و چووار دەوریان گیراوە ، یەك لەو روورەشانەی كە خۆی بە رژێم فرۆشتبو و رۆژێك لە رۆژان هاوسەنگەر و هاودەمی كاك خەلێل بو لە شاخ . بە ناوی ئەحمەد، كە بانگ دەكرا بە( دوكتوور ئەحمەد). ئەم تاوانبارە لە كاك خەلێل دەچێتە پێش و زللەیەكی لێ ئەدا و پێی ئەڵی بۆچی تۆش نەهاتی وەك من خۆت تەسلیمی دەوڵەت بكەیەوە. رۆڵەی نەبەز كە قەت قسەی زۆری قەبووڵ نەكردبوو، لە بەر ئەوەی دەست و قاچی  بەند كرابو هەر ئەوەندەی پێ كرابوو كە تفێك بكاتە ناوچاوانی دزێوی ئەحمەد دوكتووری جاش. ئەمە باسە كەسێك لەو جاشانە بۆی گێراومەوە كە ئێستا خۆی پاك كردووەتەوە و لە دەرەوەی وڵات لە سوید دەژی، كە ئەو رٶژە ئەویش بۆ ئەوەی ورەی جاشان بەرنە سەر بانگ دەكرێن بۆ نیشاندانی شێرە كوری خەبات كە بەو پەری نامەردی لە داۆ دەخرێن .

كاك خەلێل ماوەی پێشمەرگایەتی  زۆرتر لە ناوچەی بانە بووە و ئەركی جۆراوجۆری شۆرشی لە ئەستۆ بووە وماوەیەكیش وەك جێگری فەرماندەی هێزی شەهێد سەیید خەلێل ئەركەكانی سازمانی ڕادەپەراند و لە ناوچەكانی تریش وەك كامیاران ، سنە ،سەقز، مەهاباد ، بۆكان و سەردەشت........چالاكی بی وێنەی كردووە . ئاخر جار لە ٥ی پوشپەری ١٣65 كە لە جەولەیەكی دوور و درێژماوە لە قوولایی رۆژهەڵاتی كوردستانەوە لە گەڵ پێنج هەڤالی خۆی بۆ پشوودان و مەرەخەسی بۆ لای منداڵەكانی دەگەرێتەوە بۆ باشووری كۆردستان وەك باسم كرد بەو پلانە نامرۆڤانە دەخرێنە داوو و دەگیرێن . لە ماوەی زیندانییەكەێدا لە بەندیخانەی رژێم ، بە دەیان جار لە لایەن كار بە دەستانی رژێمەوە داوای ئەوەی لێ دەكرێ كە تۆبە بكات بۆ ئەوەی حوكمەمەی كەم كرێتەوە ، بەوپەری شەهامەتەوە بە گژیاندا دەچێتەوە گەلتە بە قسەكانیان دەكات ، هەر بەو هۆیەشەوە بوو كە زانیان ناتوانن كاری تێ بكەن و دژی گەلەكەی بە كاری بێنن، نائومێد دەبن لێی، دواتر ڕایانگوواست بۆ بەندیخانەی سەقز ، لە سەقز لە گەڵ كۆمەڵێك پێشمەرگە و لایەنگر و هەواداری لایەنەكانی تر و هاوسەنگەرەكانی  خۆی وەك كاك حەسەن سلیمی ، كاك عبدوللە هەمزە ، كاك تاهیر یاكوباوایی ، كاك غەفوور شیوەلەیی و كاك تالب بڵەسەنی لە شەوی ١٤/٦/١٣٦٨ دوای سێ ساڵو چەند مانگ شكەنجە و دەرد و ئازار ، ئەو نامرۆڤانە سەرەنجام ئیعدامیان دەكەن .  لە ترسی ئەوەی نەك نارەزایی خەڵكی بە دواوە بێ هەر وەك پیشەی نامرۆڤانەی خۆیان تەرمەكانیان رادەگووێزن بۆ گۆرستانێك لە بیجار كە بە قەولی نائیسلامی خۆیان پیی دەڵێن لەعنەتئاوا . تا ئیستاشی لە سەر بێ كەس نازانێ لە كووی تەرمەكانیان شاردوونەوە ، چەند رۆژ دوای شەهێد كردنیان لیباس و كەلوپەلی شەهێدەكان دەنێرنەوە بۆ بنەماڵەكانیان و پییان دەڵێن كە كورەكەتان ئیعدام كراوە . شەهید خەلێل ئەوەل شەهێدی بنەماڵەكەی نییە ، كاك خەلێل برایەكی بە ناوی كاك وەفا و خالۆزایەكی بە ناوی كاك حەسەن (حەسەن بازووكا) لە پێناو سازمانی خەبات بۆ رزگاری گەلی كورد بونە قوربانی . هەزاران سڵاو بۆ رۆحی پاك و بێگەردی كاك خەلێل و تێكرای شەهێدانی سوورخەڵاتی گەڵەكەمان .

 

 

 

ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی شه‌هیدان
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری شه‌هیدان:
ژمارێک له هاورێ یانی شه هید له سه قز و ناوچه كه ی


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان