ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 13 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

سازمانی خه‌بات هێرشی پاسداران و حەشدی شەعبی بۆ سه‌ر هه‌رێمی كوردستان مەحكوم ده‌كات

پەیامی هاوخەمی دەبیرخانەی ناوەندی بۆ خانەوادەی مامۆستا كەریم زەند

پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان

راگەێندراوی سازمانی خەبات لەسەر هەڕەشەكانی رژیمی ئێران بۆ سەر هەرێمی كوردستان

پەیامی سازمانی خەبات ی كوردستان بە بۆنەی دەسپێكی ساڵی خوێندنی 1396- 1397

بانگەوازی خۆپیشاندان بو پشتیوانی و هاودەنگی لە خواستی رەوا و داواکارییەکانی خەڵکی شاری بانە و شارەکانی رۆژهەڵاتی کوردستان

پەیامی بەرێز سكرتێری گشتی سازمانی خەبات بەبۆنەی نارەزایەتیەكانی ئەمرۆی شاری سنە

پەیامی كاك بابەشێخی حوسێنی بۆ خەڵكی كوردستان

پەیامی پیرۆزبایی كاك بابەشێخی حوسێنی بەبۆنەی جەژنی پیرۆزی قوربانەوە

راگەێندراوی سازمانی خەباتی کوردستانی ئێران بە بۆنەی رووداوەکەی گوندە ژۆر له‌ ناوچه‌ی باله‌كایه‌تی

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9494366
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 30

كاریگه‌ری ئازاری جینسی له‌ منالان دا چییه‌؟

مێژووی ناردن : Friday, January 11 @ 18:11:56 UTC

منالان و هه‌رزه‌كارانێك كه‌ تووشی ئازاری جینسی بوون، ده‌توانن له‌ چه‌ند جۆرێك له‌ تێكچوونه‌كانی ده‌روونی و هه‌ڵسووكه‌وتی به‌ رێژه‌ى كه‌م و زۆر له‌ كه‌م ماوه‌ و درێژ ماوه‌ تووشی ئازاری ده‌روونی بن. وه‌كو ئه‌و كیشانه‌ ده‌تواندرێت ئاماژه‌ به‌ خه‌مۆكی، دڵه‌راوكێ، هه‌ستی گوناه‌ پێكردن، ترس و تێكچوونی جینسی، و گۆشه‌گیر بوون بكرێت. ئه‌وه‌ش گرێدراوه‌ به‌ راده‌ی رووداوه‌كه‌، قوربانیه‌كانی ئازاری جینسی ترس و دڵه‌راوكێی تایبه‌تیان سه‌باره‌ت به‌ جینسی دژی خۆیان ده‌ه‌بێ و ده‌توانێ هه‌ڵسووكه‌وت گه‌لێكی چاوه‌روان نه‌كراوى....


له‌ تاكه‌ ئازاركێشاوه‌كان لێ بكه‌وێته‌وه‌.  
به‌لام یه‌كێك له‌و هۆكاره‌ سه‌ره‌كیانه‌ی كه‌ ده‌توانێ مناڵێك تووشی زیانه‌كانى ئازارى جینسی بكات، وریا نه‌بوونه‌. ئاگادار نه‌بوونی ناوبراو له‌ كاری جینسی، وه‌ شێوه‌ی به‌رپه‌رچدانه‌وه‌ی سه‌باره‌ت به‌ حه‌زى جینسی له‌لایه‌ن مناڵه‌وه‌.
كاریگه‌رییه‌كانی سه‌ره‌تایی و كاتی له‌ كه‌ڵك وه‌رگرتنی نابه‌جێی جینسی هه‌تا ٢ساڵ دوای ته‌واو بوونی ئازاری جینسی درێژه‌ی ده‌بێت. ئه‌و كاریگه‌رییانه‌ به‌ پێى بارودۆخ و قۆناغه‌كانی گه‌شه‌كردنی منداڵ، جیاوازه‌، به‌لام به‌شێوه‌ی گشتی ده‌تواندرێت بوترێت كه‌ ئه‌و هۆكارانه‌ى لێده‌كه‌وێته‌وه‌: گه‌رِانه‌وه‌ى هه‌ڵسووكه‌وته‌كانى رابردوو له‌ مناڵ( وه‌ك مژینی قامكه‌كان و ته‌رِ كردنی شوێی خه‌و)، تێكچوونی خه‌و، كیشه‌كانی خواردن و خوێندن له‌ قوتابخانه‌، وه‌ به‌شداری نه‌كردن له‌ چالاكییه‌كانی به‌ كۆمه‌ڵی ناو قوتابخانه‌ و كۆمه‌ڵگا.
له‌لایه‌كی دیكه‌وه‌ ئه‌و كێشانه‌ی كه‌ له‌ ئاكامی كه‌ڵ وه‌رگرتنى نابه‌جێی جینسی له‌و كه‌سانه‌ ده‌خوڵقێ، ده‌تواندرێت هه‌تا  درێژ ماوه‌ درێژه‌ی هه‌بێت و ته‌نانه‌ت له‌ قۆناغی گه‌وره‌یی دا هه‌ر بمێنێته‌وه‌.
ئه‌و كه‌سانه‌ی كه‌ له‌ قۆناغی مناڵی خۆیان تووشی ته‌عدای  جینسی بوون له‌ قۆناغی گه‌وره‌بوون دا تووشی خه‌مۆكی ده‌بن.به‌تایبه‌ت رێژه‌ی زۆری دڵه‌راوكێ له‌و كه‌سانه‌دا هه‌ڵسووكه‌وتی تێكده‌رانه‌ی وه‌ك شه‌راب خواردنه‌وه‌، كه‌ڵك وه‌رگرتن له‌ مادده‌ی هۆشبه‌ر، هێرشی له‌ناكاوی دڵه‌راوكێ، تێكچوونی دڵه‌راوكێی ژینگه‌یی و بێ خه‌وی لێده‌كه‌وێته‌وه‌. زۆرێك له‌و قوربانیانه‌ له‌ كاتی گه‌وره‌ بوون دا له‌گه‌ڵ هاوبه‌شی سێكسی خۆیان تووشی كێشه‌ ده‌بن و له‌بواری سێكسیدا توانای درێژه‌ پێدانی ژیانێكی سلامه‌تیان نامێنێت.
تۆڵه‌سه‌ندنه‌وه‌ كێشه‌یه‌كى دیكه‌یه‌ كه‌ ئه‌و كه‌سانه‌ تووشی ده‌بن. لێكۆلینه‌وه‌كان ده‌رخه‌ری ئه‌وه‌ن كه‌ قوربانیه‌كانی ئازاری جینسی له‌ قۆناغی مناڵیدا به‌رێژه‌یه‌كی زۆر له‌كاتى گه‌وره‌ بووندا خۆیان ته‌عدای جینسی له‌گه‌ڵ كه‌سانی دیكه‌ ده‌كه‌نه‌وه‌ و یان له‌ ته‌عدای جینسی به‌شدار ده‌بن.
به‌شێوه‌یه‌كی كورتكراو ده‌تواندرێت بووترێت كه‌ كاریگه‌ری خراپی كه‌ڵكوه‌رگرتنی جینسی له‌ قۆناغی مناڵیدا به‌رفراوانتره‌. ده‌تواندرێت بووترێت كه‌ ئه‌و بابه‌ته‌ خاوه‌نی ژماره‌یه‌ك هێما و ئاكامی تایبه‌تن و ته‌واوی قوربانیه‌كان ئه‌زموونی وه‌ك یه‌كتریان نییه‌. هێندێك له‌و منالانه‌ ته‌نانه‌ت راپورتیان داوه‌ كه‌ له‌ بواری فیزیكی ئازارێكی كه‌میان چێشتووه‌ و ته‌نانه‌ت ئازاریان نه‌بووه‌، به‌لام له‌وانه‌یه‌ ئه‌و قسانه‌یان ته‌نیا له‌به‌ر ئه‌وه‌ كردبێت كه‌ له‌و كاته‌دا ترساون و یان له‌ ووتنی هه‌ستی سه‌ره‌كیان خۆیان پاراستووه‌ تاكوو به‌شێوه‌یه‌ك بتوانن به‌ ئه‌نجام دانى ئه‌و كاره‌ وه‌ك میكانیسمێك كێشه‌كه‌ی خۆیان چاره‌سه‌ر بكه‌ن. مناڵه‌كانی دیكه‌ له‌وانه‌یه‌ شتێك به‌ناوی"كاریگه‌ری له‌خه‌و دا رۆیشتن"یان هه‌بێت، به‌و شێوه‌یه‌ له‌ سه‌ره‌تای ئه‌و رووداوه‌ هیچ شێوه‌ زیانێك یا ئازارێكیان هه‌ست پێنه‌كردبێت به‌لام له‌ قۆناغه‌كانی داهاتووی ژیانی خۆیان به‌ره‌ورووی كێشه‌یه‌كی جیددی ده‌بنه‌وه‌.
ئایا منداڵ ده‌توانێت ئازاری جیسنیه‌كه‌ى به‌ره‌ و باشی بچێت؟
له‌ لێكۆڵینه‌وه‌ی كاریگه‌رییه‌كانی خراب كه‌ڵك وه‌رگرتنی جینسی، لێكۆڵه‌ره‌وان و ده‌روونناسان به‌و ئاكامه‌ گه‌یشتوون كه‌ ده‌توانن تا راده‌یه‌ك كاریگه‌رییه‌كانی ئه‌و رووداوه‌ ناخۆشه‌ له‌ ژیانی قوربانیه‌كانی كه‌م بكه‌نه‌وه‌. هه‌رچه‌ند كه‌ ئه‌وه‌ خوازیاری لێكۆڵینه‌وه‌ی به‌رفراوانتره‌ له‌وبواره‌دا، به‌لام له‌ناو هۆكاره‌ په‌یوه‌ندیداره‌كان له‌و بواره‌دا ده‌تواندرێت ئاماژه‌ به‌وانه‌ بكردرێت وه‌ك: ته‌مه‌نی مناڵ، ماوه‌ی زه‌مه‌نی، چه‌ندجار بوونه‌وه‌ی ئه‌و كاره‌، توووندی ئازاره‌كه‌، رێژه‌ی فشاری به‌كاربراو، په‌یوه‌ندی ئازارده‌ری سێكسی له‌گه‌ڵ مناڵ.
لێكدانه‌وه‌ و روانینى مناڵ له‌ ئازاری جینسی و خێرایی ووتنی ئه‌و بابه‌ته‌ له‌گه‌ڵ كه‌سانی دیكه‌ش له‌ هۆكاره‌كانی تره‌ كه‌ ده‌تواندرێت له‌سه‌ر ئاكامی كورت ماوه‌ و درێژ ماوه‌ی رووداوه‌كه‌ كاریگه‌رییه‌كی زۆری هه‌بێت. ئه‌م منالانه‌ی كه‌ ده‌توانن بابه‌ته‌كه‌ له‌گه‌ڵ كه‌سێكی گه‌وره‌ی باوه‌ر پێكراویان باس بكه‌ن له‌چاو ئه‌و منالانه‌ی كه‌ بابه‌ته‌كه‌یان هێشتا باس نه‌كردووه‌، خه‌ساره‌یه‌كی كه‌متریان تووش ده‌بێت. هه‌روه‌ها ئه‌و منالانه‌ی كه‌ هه‌ر دوای قوربانی بوون بابه‌ته‌كه‌ باس ده‌كه‌ن، زۆر كه‌متر له‌و منالانه‌ی كه‌ بابه‌ته‌كه‌ هه‌تا چه‌ند ساڵَ له‌ناو خۆیان راده‌گرن تووشی ئازار ده‌بن.
زۆرێك له‌ لێكۆڵه‌ره‌وه‌كان له‌دوای وه‌لامدانه‌وه‌ به‌و پرسیاره‌ن كه‌ ئایا ده‌تواندرێت ئه‌و كه‌سه‌ی كه‌ تووشی ئازاری جینسی بووه‌، به‌شێوه‌یه‌كی گشتی ره‌وشی ده‌روونی چاك بكه‌نه‌وه‌ یان نه‌خێر، خوێندنه‌وه‌ له‌سه‌ر ئه‌ومنالانه‌ و هه‌رزه‌كارانه‌ی كه‌ تووشی ئازاری سێكسی بوون ، ده‌رخه‌ری ئه‌وه‌یه‌ كه‌ پشتیوانی له‌لایه‌ن بنه‌ماڵه‌، پشتیوانی له‌لایه‌ن خزمه‌كان و باوه‌ر به‌خۆبوونی زۆر، وه‌ بوونی باوه‌ری مه‌زهه‌بی ده‌تواندرێت یارمه‌تییان له‌مه‌ر چاكبوونه‌وه‌ له‌ ئازار و زیان بدات.
قوربانیه‌كان ده‌بێت هه‌وڵ بده‌ن به‌ هه‌ر شێوه‌یه‌ك بێت له‌ هه‌ر هه‌ستێكی گوناه‌ پێكردن چاوپۆشی بكه‌ن. هێندێك له‌ قوربانیه‌كان باسی ئه‌وه‌ ده‌كه‌ن كه‌ چوون بۆ ناو كارگاكان و كۆنفرانسه‌كانی په‌یوه‌ندیدار به‌ ئازاری جینسی منالان، خوێندنه‌وه‌ له‌سه‌ر ئه‌و بابه‌ته‌، وه‌ راوێژكردن له‌گه‌ڵ ده‌روونناس ده‌توانێت یارمه‌تییان بدات له‌و بابه‌ته‌، وه‌ ببێته‌ هۆكارێك كه‌ خێراتر و به‌ ئاسووده‌تر ژیانی نۆرماڵی خۆیان درێژه‌ پێبده‌ن.
لێكۆڵینه‌وه‌كان ئه‌وه‌یان ده‌رخستووه‌ كه‌ كات ده‌توانێت سه‌ره‌كیترین فاكته‌ر بێت بۆ چاك بوونه‌وه‌ی ئه‌ كه‌سانه‌.
راوێژكردن و خزمه‌تگه‌یاندنه‌كانى دیكه‌ی پشتیوانیكردن له‌و نێوانه‌دا كاریگه‌ری ده‌بێت، گرینگترین هۆكاری چاكبوونه‌وه‌ى مناڵ ده‌گه‌رێته‌وه‌ سه‌ر دایك و پشتیوانی بنه‌ماڵه‌ له‌ منداڵ. (ئه‌و باروودۆخه‌ كاتێك دێته‌ گۆرِێ كه‌ كه‌سی ئازارده‌ر له‌كه‌سانی بنه‌ماڵه‌وه‌ نه‌بێت، وه‌ ئه‌گه‌ریش بووه‌ ده‌بێت  له‌ بنه‌ماڵه‌ به‌ یه‌جگاری بروات.
پشتیوانی له‌منالان له‌به‌رانبه‌ر ئازاری جینسی:
ئامۆژگاری كڵیشه‌یی "له‌گه‌ڵ بێگانه‌كان قسه‌ مه‌كه‌" له‌وبابه‌ته‌دا كاریگه‌ری نییه‌. زۆرێك له‌و كه‌سانه‌ی كه‌ ده‌ست ده‌ده‌نه‌ ئازاری جینسی زۆرجار له‌ ناسراوه‌كانی منداڵه‌كه‌ن.
منداڵه‌كان به‌وه‌ په‌روه‌رده‌ مه‌كه‌ن كه‌ خزمان و ناسیاوه‌كان ماچ بكه‌ن و ئه‌وان له‌ ئامێزی خۆیان بگرن. ئیزنی ئه‌وه‌یان پێبده‌ن موحیبه‌ت و خولیای خۆیان به‌و شێوه‌یه‌ی كه‌ حه‌زیان لێیه‌تی به‌ كه‌سانی دیكه‌ نیشان بده‌ن.
مناڵه‌كان له‌بوارى زانیاریی سه‌ره‌تایی جینسی په‌روه‌رده‌ بكه‌ن، پێیان بڵێن كه‌ هیچ كه‌سێك بۆی نییه‌ ده‌ست له‌و به‌شانه‌ی "تایبه‌ت"ی له‌شیان بدات. ئه‌گه‌ر بنه‌ماڵه‌ له‌ باس كردنی ئه‌و بابه‌تانه‌ له‌گه‌ڵ مناڵه‌كه‌یان راحه‌ت نین ده‌توانن له‌ پسپۆر یان راوێژكارێك یارمه‌تی وه‌ربگرن.
له‌گه‌ڵ منداڵه‌كانتان پێوه‌ندییه‌كی چروپرِتان هه‌بێت. هانیان بده‌ن له‌و شته‌ی خۆیان كه‌ نایزانن پرسیارتان لێبكه‌ن و ئه‌زمونه‌كانی خۆیانیان له‌گه‌ڵ ئێوه‌ باس بكه‌ن. گرینگی گێرانه‌وه‌ی شته‌كانیان پێ بڵێن.
هه‌وڵ بده‌ن هاورێی مناڵه‌كانتان و بنه‌ماڵه‌كانیان به‌چاكی بناسن.
فێریان بكه‌ن كه‌ په‌یوه‌ندی سێكسی(جینسی) له‌لایه‌ن گه‌وره‌كانه‌وه‌ خراپ و به‌دژی یاسایه‌. ده‌بێت په‌روه‌رده‌ بكرێن كه‌ له‌كاتی بینینی هه‌ر شێوه‌یه‌ك له‌و هه‌ڵسووكه‌وتانه‌ به‌ ئێوه‌ بڵێن. هه‌روه‌ها نابێت بێ ئێوه‌ سواری ئۆتۆمبێلی كه‌س ببن، ته‌نانه‌ت ئه‌گه‌ر ناسیاویش بێت.
ده‌بێت پێیان بووترێت كه‌ له‌شیان هی خۆیانه‌ و موشكیله‌ نییه‌ ئه‌گه‌ر حه‌ز ناكه‌ن كه‌س له‌ باوه‌شیان بگرێت و ده‌ستیان لێ بدات.
ده‌بێت ئه‌وه‌ بزاندرێت كه‌ پێویست ناكات بۆ كه‌ڵك وه‌رگرتنی نابه‌جێی جینسی(سێكسی) كه‌سه‌كه‌ له‌رووی توندوتیژییه‌وه‌ بێت، مندالان زۆر به‌ ساكاری باوه‌ر ئه‌كه‌ن و به‌هۆی ناسیاوێتیه‌وه‌ و موحیبه‌ت پێكردن هه‌ر كارێك كه‌ لێیانیان بوێت ده‌یكه‌ن.
ئه‌گه‌ر هه‌ستمان كرد منداڵێك تووشی ئازاری جینسی(سێكس) بووه‌ ده‌بێت چی بكه‌ین؟
بۆ منداڵ بارودۆخێكی هێمن و شیاو پێك بێنن تا بتوانێت له‌كاتی روودانێك له‌و شێوه‌یه‌ له‌گه‌ڵ ئێوه‌ یان كه‌سی باوه‌ر پێكراو باسی بكات. هانی بده‌ن كه‌ له‌ ئه‌زموونی خۆی قسه‌تان بۆ بكات، به‌لام نابێت پێی بووترێت كه‌ ئه‌و رووداوه‌ خه‌تای ئه‌وی تێدا بووه‌.
له‌ هه‌ر شێوه‌ هه‌ستێك كه‌ له‌وانه‌یه‌ ببێته‌ هۆكارێك كه‌ منداڵ له‌ دانی زانیارییه‌كان خۆی ببوێرێت پێشگیری بكرێت.
بۆ منداڵه‌كه‌ كاتێكی پزیشك وه‌ربگیرێت، ده‌بێت بچێته‌ لای پسپۆرێك كه‌ ئه‌زمونی له‌سه‌ر تاقیكردنه‌وه‌ی مندالان و ناسینی زیانه‌كانی جینسی و فیزیكی هه‌بێت. ده‌بێت بۆ منداڵ به‌ ووردی شی بكرێته‌وه‌ كه‌ چاره‌سه‌ری پزیشكی و ئازاری جینسی له‌گه‌ڵ یه‌كتری جیاوازیان هه‌یه‌.
ده‌بێت راوێژكارێكی ده‌روونناس بۆ منداڵ بگیردرێت.
له‌ زۆرێك له‌ ناوچه‌كان ئه‌و یاسایه‌ هه‌یه‌ كه‌ ئه‌گه‌ر كه‌سێك هه‌ستی كرد كه‌ منداڵێك تووشی ئازاری جینسی بووه‌ ده‌توانێت خێرا ئه‌و بابه‌ته‌ به‌ پۆلیس راپۆرت بدات. له‌ زۆرتری ناوچه‌كان كادیری پزیشكی، پسپۆری ده‌مار و ده‌روون، مامۆستا و هێزه‌كانی یاسایی بۆ به‌ره‌نگاربوونه‌وه‌ له‌گه‌ڵ كه‌ڵك وه‌رگرتنی نابه‌جێی جینس(ئازاری سێكسی)ی بۆ مندالان له‌خزمه‌ت دان.

وه‌رگێر:  موحسین قوربانی(سمكۆ)
سه‌رچاوه‌كان: 
ده‌روونناسی، بابه‌ته‌كانی جۆراوجۆر
كه‌ڵك وه‌رگرتنی نابه‌جێی جینسی (سێكسی) مندالان: ئاگاداری پیشگیری چاك بوونه‌وه‌.


ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی کۆمه‌ڵایه‌تی
· بابه‌ته‌کانی دیکه‌ له‌ لایه‌ن kamil


بابه‌تی به‌ڕه‌واج له‌ بواری کۆمه‌ڵایه‌تی:
په روه رده ی منداڵ و کارایی ژینگه له سه ر منداڵ


   پله‌ دانان بۆ بابه‌ت
نێوه‌نجی : 0
ژماره‌ی ده‌نگه‌کان: 0

ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان