ده‌سپێك پێوه‌ندی ئارشیڤ گه‌ڕان   به‌خێربێن بۆ خه‌بات مێدیا، ماڵپه‌ڕی سازمانی خه‌باتی کوردستانی ئێران.
!Welcome to KHABATmedia
    :: به‌ڵگه‌نامه‌کان     :: دیدار و چاوپێكه‌وتن     :: کاروتێکۆشان     :: هه‌واڵ و بابه‌ت بنێره‌     :: بمانناسێنه‌     :: لینکه‌کان
   کات

   وتاره‌کان

   ڕادیۆ ده‌نگی خه‌بات

   سایتی سازمانی خه‌بات

   ڕێکخراوی لاوان

   سازمانی خەبات/فەیسبوک

   خوێنه‌ران
ئێستا 12 میوان سه‌یری ماڵپه‌ڕه‌که‌مان ده‌که‌ن. 0


   به‌ڵگه‌نامه‌کان

سازمانی خه‌بات هێرشی پاسداران و حەشدی شەعبی بۆ سه‌ر هه‌رێمی كوردستان مەحكوم ده‌كات

پەیامی هاوخەمی دەبیرخانەی ناوەندی بۆ خانەوادەی مامۆستا كەریم زەند

پەیامی هاوخەمی بەرێز سكرتێری گشتی سازمانی خەبات بۆ مەكتەبی سیاسی یەكێتی نیشتمانی كوردستان

راگەێندراوی سازمانی خەبات لەسەر هەڕەشەكانی رژیمی ئێران بۆ سەر هەرێمی كوردستان

پەیامی سازمانی خەبات ی كوردستان بە بۆنەی دەسپێكی ساڵی خوێندنی 1396- 1397

بانگەوازی خۆپیشاندان بو پشتیوانی و هاودەنگی لە خواستی رەوا و داواکارییەکانی خەڵکی شاری بانە و شارەکانی رۆژهەڵاتی کوردستان

پەیامی بەرێز سكرتێری گشتی سازمانی خەبات بەبۆنەی نارەزایەتیەكانی ئەمرۆی شاری سنە

پەیامی كاك بابەشێخی حوسێنی بۆ خەڵكی كوردستان

پەیامی پیرۆزبایی كاك بابەشێخی حوسێنی بەبۆنەی جەژنی پیرۆزی قوربانەوە

راگەێندراوی سازمانی خەباتی کوردستانی ئێران بە بۆنەی رووداوەکەی گوندە ژۆر له‌ ناوچه‌ی باله‌كایه‌تی

زیاتر

   ئاماره‌کان
هه‌موو لاپه‌ڕه‌کانی ئه‌م ماڵپه‌ڕه‌
9494359
جار بینراوه‌ . Juni 2007

   ڕاپرسی
پێویستە سازمان كام پەسەند كراوی كۆنگرەی شەشەم زووتر جێبەجێ بكات؟

بە ئورگانیك كردنی كاروچالاكیەكان لە ناوخۆی وەڵات
هەوڵ بۆ زیادكردنی چالاكی پێشمەرگانە لە نێوخۆی كورد
پەرەپێدانی دۆستایەتی نێوان لایەنە كوردستانیەكان



ئاکامه‌کان
ڕاپرسی‌یه‌کان

ژماره‌ی ده‌نگه‌کان 30

شنەی هەناسەی رێبەرم!

مێژووی ناردن : Saturday, July 16 @ 07:33:06 UTC

ڕێبوار حوسێنی، وڵاتی سوئێد

خوێنەرانی بەرێزم، دڵسۆزانی گەل و هۆزم، قوتابیانی مامۆستای خاوەن بیروباوەری پیرۆزم، هاوباوەڕانی دڵ پڕ لە هەست سۆزم! ئەوەی لەم کورتە پەخشانەدا خراوەتە بەر دیدەی پڕ لە ئەندێشە وهەستی پڕ لە سۆزی وەفاداریتان بۆ رێبەر و مامۆستا ورێنیشاندەرمان( مامۆستا سەید جلال الدین حسینی)، هەزاران سڵاو لە گیانی پاکی، دەربڕینی هەست وسۆزی منی رێبواری رێگا و قوتابی مەکتەب و کوڕی باوکی ،ئەو رێبەر و مامۆستا و باوکە بەرز و خاوەن رێزەیە، کە وەک وەفاێک بۆ ئەو بەرز و بەرێزە دەرم بڕیوە.هیوادارم لە داهاتوودا لە لایەن...


دڵسۆزان و وەفادارانی مامۆستا و رێبازە پیرۆزەکەیەوە، بۆ زیاتر ناساندەن و باس کردن لە کەسایەتی و رەنج و هەوڵەکانی لە پێناو نەتەوە و نیشتمان دا سیمینار و کۆڕی رێزلێنان سازبکرێ و ئێمەش بتوانین لەو کۆڕ و کۆمەڵانەدا ئەرکی خۆمان بەجێ بێنین.  هەر کە تیشکی زێڕینی خۆری سپێدەی چاوەڕوانی، لە سەر لوتکەی بەرزی رۆژهەڵاتی زێدەکەم لە نێوان گەڵا و لکی تاقەداری ئاربابای ئەندیشەم تیرێژی هاویشت و، وەک ئەوینداری دڵ بەحەسرەت و چاو لە رێی خۆشەویستی دوورەدەست، سەری کێشایە سەر ئاسۆی دەم کەلی پڕ لە خۆزیا وتاسەی دڵە کەیلەکەی کوردستانم، یەکەم نیگای هەستی تاساو و تێڕوانینی چاوە تەڕ و تەماویەکانم وێنەی دڵڕفێنی دەغڵ و دان وگیا و گۆڵی ئەو مەڵبەند و دەڤەرەی بەدووربینی تاسەو ئاوات وێنەگرت. بەڵام چ وێنەێک؟ وێنەی دیمەنی کەروێشکەی شینکە و گەنم و جۆ و دارو دەوەن کە وەک پێلی دەریا شەپۆل دوای شەپۆل بەرەو لێواری بێ ئارامیم پێشبڕکێیان بوو. سەرەتا لە نیسار و لیڕەوار، پاشان قەد پاڵ و گوێ چەم و رەز و باغات و قۆرغ و قۆپی بی و چنار. لاپاڵ لاپاڵ، لە ئاسمانیش پۆلە هەوری گەواڵ گەواڵ، لەسەر سەری شنە و شەپۆل بەرەو مەکۆ و کۆڕی یاران، جێ هەواران. سەنگەری حەماسە و خەبات، جێڕاوگەی کوڕانی وڵات. مەڵبەندی هەوڵ و تێکۆشان، بارگە و بنەی پیشمەرگەکان، کەوتە رێ. لەو مەڵبەند و دەر و دەشتە، لەو لوتکە و شاخ و سروشتە. کەوتنە شنە دار و دەوەن، گەشایەوە میرگ و چەمەن. خەرمان تەمی خەمی لادا،کا و کۆتی کۆگای بە بادا. شەنیار شەنی سەر خەرمانی، داگرت لە سەر نەڕەی شانی. هەڵی دا کاودانی ئاوات، بە هیوای بەرهەمی نەجات. سوورە چنار سەربەرز و رووسوور، دارمازو پتەو و مەغروور. شۆڕەبی کەوتە خۆراژان، بێژان بۆن و عەتری پژان. جۆگەلە و رووبار وکانی، چاو لەرێی شنەی بەیانی. گیا و گوڵی دەور وبەریان شوشت، میلاقە و سوێسنە چاویان رشت. گیابەند بەندی سەری بزووت، پەپولە تاق تاق و جووت جووت. کەوتنەسەما لەدەوری گوڵ، تاوێ لە گوڵ تاوێ لە چڵ. دایان لە باڵی رەنگاو رەنگ، دڵ پڕ ئەوین مات و بێدەنگ. دار گوێز گەلای باڵای بزووت، لاوێن و لاولاو لێک بوون جووت. هەرمێ و هەنار و دارەمێو، دەست پڕ لە بەرهەم و رەنێو. گشتیان خەنی بوون بە شنە، مەل لە سەریان کەوتنە قنە. بولبول بە نەغمەو گۆرانی، هاوێردە و کەو لە سەر کانی. هەڵۆ لە شاخ، سوێسکە لە باخ. پۆڕ لە گوڵزار، کەو لە نزار. کردیانە لاوک و گۆرانی، سروودی دەمەو بەیانی!. وتیان: 

سڵاو هۆ شنەکەی شەماڵ! فیدای سروێکت سەر و ماڵ. بۆ لێمان ونی تۆ لە کوێی؟ تۆ میوان نی، تۆ خانەخوێێ!. تۆ ئارام بەخشی دڵانی، زەنوێری سەوزە و گوڵانی. ئاواتی فەلا و جوتێری، بەرەکەتی سەر خەرمانی. مایەی بزەی سپێدەی ژین، لە هاویندا تۆی فەڕاشین. ئەی تەتەری خۆش خەبەری فێنک کەرەوەی کوڵی دڵ، بە خێر هاتی نۆبەرەی هاوینی وڵات، ئەی بزوێنەری چڵ و گوڵ!. مەلان لەسەر لکی داران، دار لە دەم چەم و رووباران. گوڵ لەسەر کانی و کەناران، گرتیان کۆڕی گەرمی یاران. هەستی تاساوی ،،رێبوار،،یش کەوتە ناو دەریای تێڕامان!؟. ئەرێ ئاخۆ: لەم وڵاتی خەم و خوێنە، لەم مەڵبەندی کویلە و زامە. لەم هەرێمی کوشت وبڕە، لەم تەم و تۆمان گڕە. لەم وڵاتی برسی و قڕە، لەم وەرزی وشکی و قاقڕە، چییە وا سروشت خەمڵاوە؟، دەنگی مەل وشنەی شەماڵ و قاقای دارستان و رەنگ و بۆنی گولان تێکەلاوە؟. ئەم شنەی شەماڵ ونەسیمی سەحەرە، لە سپێدەی ئەم دەڤەرە، کە شنە و سۆزی ئازادی لێ تۆراوەر و رەشەبا و گێژەڵووکەی بێدادی لێرە سەردارە و سەری پڕ لە سەودای ئازادی لەسەر دارە!. لەم ولاتەی کە لە جیاتی شادی و شنە و گەشە و خۆشی، هەر شین و شەپۆڕ و هاوارە؟، ئەم گۆڤەند و جێژن و هاوارە، لەم دەرو دەشت ونیسارە، بەر هەمی کام ئاڵ و گۆڕ و، شایلۆغانی هاتنەوەی کام خۆشەویست و سەروەر و سالارە!؟ ئەم شەماڵە دڵرفێنە پیشقەرەوڵ وسەرقافڵەچی کام کاروانی دوورە دەست و هەڵگری بۆنی کراسی کام یوسفی دوورە هۆز و روونکەرەوەی سۆمای چاوی کام یەعقوبی چاوەڕوان و بێقەرارە!؟ شنەی شەماڵ لە کاتێک دا کە دەستی پڕ لە سۆز و خۆشەویستی بەسەر بسکی ئاڵۆز و تۆزاوی شەهیدەێکی ئەم مەڵبەندە دا دەهێنا، روەو پەپولەی رۆحی شەهیدان وتی: من شەماڵی گەرمیانم! سۆزی هەناسەی پیری رێبەر، پیشمەرگەکەی کوردستانم!. مەلا بانگدان کەوتوومەرێ بەرەو زێد و جێی سەرهەڵدانی ژیانم، بەرە و گۆڕی کۆڕی یاران، شەهیدانی نیشتمانم!. هەستی تاساو لێی هاتە جواو: هۆ شنەی شەماڵی گەرمیانم! نەسیمەکەی دڵڕفێنی بەربەیانم! باش دەزانم، تۆ سۆزی هەناسەی سەروەر و تاجی سەری، کە هەموو ساڵێک لە ٣٠ی پوشپەڕی وەرزی خەمدا، لە ناو لق و پۆپی داربەڕوەکەی سەر گۆڕی سەرکردەو رێبەرم لە گۆڕستانی واژەوە هەڵدەکەی و، روەو کوێستانی نیشتمانم دەکەویە رێ. تۆ تەتەری مامۆستا و رێبەری بۆ کۆڕی یاران و هەواڵ و خۆشەویستان، بۆ کوردی خاوەن بەلێن و وەفای کوردستانی کوێستان!. بە خێر هاتی ئەی نەسیمی بیرەوەری وەرزی پڕ لە خەم و گریان!، ئەی میوانی بەرز و بەرێز ، مایەی ئارامی دڵ و گیان!. دەتۆ و بەشقی رۆحی رێبەر، دەتۆ و بەرزی تاجی سەر! هەر ڵێرەوە شانەکە بسکی ئاڵۆزی گژ و گیا و دەغڵ و دان و قۆرغ و دارستان. بتەکێنە تۆز و تەمی سەر سەری گەڵا و گوڵی باغ و بێستان. دەستێکی پڕ لە سۆز و خۆشەویستی بە سەر پوش و پەلاشی وشکی ئەم مانگی پووشپەڕی وەرزی خەم و تەمی لەدەستدانی سەرکردە و رێبەر دا بێنە و سێبوری بدە بەدڵی لە کوڵی ئەوانەی کە هەر بە رێبەر و تێکۆشەر و مامۆستا و تاجی سەریان زانیوە و دەزانن. دەسا وەرە و راماڵە گەرد و تۆزی خەمی ساڵێک دووری و نادیاری باوک و مامۆستا و رێبەرمان، رچە شکێن و داشدار و تاجی سەرمان. وەرە و بەسەر گۆڕی هەموو شەهیدانی سوورخەڵاتی رێبازی پڕ لە سەروەری و شانازی ئەو رێبەرەدا گوزەر بکە و خۆت لە سەر و سیمای دار و دەوەنی ئەو مەڵبەندانەدا بدە کە جێی لێوە تێپەڕ بوونی شەهیدانی خەبات و جەولانگای پێری رێبەر و نەسرەوتوی رێی رزگار بوون. ئەی شنەی شەماڵی سۆزی هەناسەی سەروەر! دەوەرە و لە ئاسمان و لە ناو دارستان و دەشت گوند و باژاڕی ئەم دەڤەرە هەڵکە و، وەبوژێنە سۆز و دەروونی مرۆڤە بەدەربەست و پڕ هەستەکان. وزەو توانا بدە بە ئەژنۆ و هەنگاو و پشتی لە ژیڕ باری زوڵم و بێدادی چەماوی خەمخۆرانی ئیشتمانم!. بۆ دژمنان با گڤەت بێ وەکو زریان. راپێچی کە خوش و خاشاکی داگیر کەر، ببە بە گەردەلوول و بوڕکان. بۆ برسی و رووت وهەژاران تۆ توێشوی تاسەر مانی، تۆ هەناسەی مان و ژیانی، تۆ هەتوانی زامەکانی. تۆ سۆزی باوکی خەمخۆر و مامۆستای وانەی هەرمان و قەلای قایمی تێکۆشانی. تۆ هەناسەی پیری ژیری دامەزرێنەری سازمانی خەبات،ی کوردستانی!. 
ئەی رێبەری دلۆڤان و چازانم!. تاقە سواری رێی رزگاری، سەروەرەکەی بەرخودانم!، لە ساڵیادی کۆچی پڕ لە پەژارە و خەمتدا روە و ئاواتی بەرزی رزگاری نەتەوە و نیشتمانم، لە سەر بەرزی لوتکەی مرۆڤ دۆستی و گەل خۆشەویستی، سەر بەرز و رووسوور دەت بینم.لە ناو کۆڕی فیداکارانی خاک و گەل، لەسەری سەرەوە دەت بینم. لە ئاسمانی نەمری نەمراندا، تۆ گەشاوەترین ئەستێرەی ناو ئەستێرەکانی کە بە تیرێژی خۆر ئاسات رێگای کاروانی بەرەو نەمری و هەرمان رووناکتر دەکەیتەوە. لە زومڕەی پیاو چاکان و خواپەرستانی بەباوەڕدا، سەر بەرز و خۆش گوفتار و بە ویقار دەت بینم!. تۆ نامری. تۆ لەگەڵ هەر شنەی شەماڵێ، لەگەڵ هەر رێژنەبارانێ، لەگەڵ هەر رووناکی خۆرێ، لەگەڵ هەر گوڵە گەنمێ، لە گەرمی و بۆنی هەرنانێ، لەسەر هەر سفرە و خوانێ، لە گەڵ هەر سۆز و بەلێنێ، لەگەڵ هەر هەستان و خۆ رانانێ، لەگەڵ هەر شۆڕش و خەباتێ، تێکەڵاوی!. تۆ هێزی ئەژنۆ و ورە و پشت و دەنگی دڵ و نووری چاوی. تۆ نەمردوی، قەت ون نابی هەردیاری و هەر دیاری، تۆ رێبەرو تاجی سەر سەری رێبوار،ی!. 





ده‌سپێك   |

 
   لینکه‌ پیوه‌ندی داره‌کان
· بابه‌تی زیاتر له‌ باره‌ی ئه‌ده‌بی
· بابه‌ته‌کانی دیکه‌ له‌ لایه‌ن salar


بابه‌تی به‌ڕه‌واج له‌ بواری ئه‌ده‌بی:
چه‌پكه‌ گولى چوارچڵى


   پله‌ دانان بۆ بابه‌ت
نێوه‌نجی : 5
ژماره‌ی ده‌نگه‌کان: 1


ئه‌م بابه‌ته‌ هه‌ڵسه‌نگێنه‌ :

زۆر زۆر باش
زۆرباش
باش
خراپ نی‌یه‌
خراپ


   هه‌ڵبژاردنه‌کان
 ئه‌م لاپه‌ڕه‌یه‌ چاپ بکه‌ ئه‌م لاپه‌ڕه‌یه‌ چاپ بکه‌
 ئه‌م بابه‌ته‌ بنیره‌ بۆ هاوڕێ‌یه‌ک ئه‌م بابه‌ته‌ بنیره‌ بۆ هاوڕێ‌یه‌ک


    ده‌سپێک   |    پێوه‌ندی   |   ئارشیڤ   |   به‌ڵگه‌نامه‌کان   |    کاروتێکۆشان   |    بمانناسێنه‌   |    لینکه‌کان